ဖက်နမ်းဖို့ကောင်းတဲ့ ယောကျာင်္းတွေတဲ့

ကိုယ်ကလည်းသူ့ကို ဂရုတစိုက်အထွေအထူး ကြည့်ရှုမနေနိုင်ပါဘူး။ မနက်ဆယ်နာရီခွဲကျောင်းသွား ညခုနှစ်နာရီလောက်မှပြန်ရောက် ရောက်တာနဲ့ရေချိုး (မနေနိုင်လောက်အောင် ဗိုက်ဆာနေရင် ကော်ဖီမစ်တစ်ခွက်ဖျော်သောက်) ပြီးရင် ရေးစရာရှိတာရေး ဖတ်စရာရှိတာဖတ်နဲ့ ညနှစ်နာရီလောက်ဆိုရင် အားရပါးရအိပ်ပစ်လိုက်တာပါပဲ။

တစ်ညတော့ သူလည်းအိပ်ပျော်ဟန်မတူပါဘူး။ (ဒုလ္လဘဦးဇင်းလေးပါ။ ဆေးကျောင်းသား တတိယနှစ်လို့တော့ သူ့မိခင်များက လျှောက်သွားပါတယ်။ ကြည့်ရတာ တစ်စုံတစ်ခုကို ရင်ဖွင့်နေချင်တဲ့ပုံပါ) ဦးဇင်းစကားပြောလို့ရမလားတဲ့။ အင်း..ပြောလေလို့ စာရေးနေရင်းနဲ့ပြောလိုက်ပါတယ်။ သူပြောတာတွေကို နားထောင်ပြီး ဘယ်လိုတရားချရမယ်ဆိုတာကို စဉ်းစားလို့မရတော့ပါဘူး။

ဒီလိုယောကျာင်္းလေးချင်း ချစ်ကြတယ် ကြိုက်ကြတယ်ဆိုတာတွေကို ကိုယ်လည်းအွန်လိုင်းသုံးနေတဲ့ ဘုန်းကြီးတစ်ပါးမို့ သိနေကြားနေရတာပါပဲ။ ဒါပေမဲ့ အော်..ကလေးတွေအပျော်အပျက် အပျင်းပြေလုပ်နေကြတာနေမှာပါလို့ တွေးပြီး ကိုယ်နဲ့လည်းသိပ် မပတ်သက်လှတဲ့ အကြောင်းအရာမို့ စိတ်ဝင်တစားတော့မရှိခဲ့ပါဘူး။

သူပြောသွားတာတွေကတော့ ``စိတ်ရှိတဲ့လူတိုင်း ခံစားတတ်တဲ့လူတိုင်းဟာ ကိုယ်ကြိုက်တဲ့အရာကို ချစ်ခွင့်ရှိကြောင်း မိန်းမယောကျာင်္းလိင်ခွဲခြားပြီး မကြည့်သင့်ကြောင်း ခွေးတွေကြောင်တွေ ပန်းပင်တွေကားတွေစသည်ဖြင့် ကိုယ်နှစ်သက်ရာကို ချစ်ခွင့်ရှိကြောင်း ဘာဆိုတာအရေးမကြီးကြောင်း နှစ်ဦးနှစ်ယောက်နားလည်မှုရှိပြီး ချစ်နေဖို့သာလိုကြောင်း အချစ်ဆိုတာက အလွန်သိမ်မွေ့ကြောင်း အချစ်မှာသာတာနာတာတွေ ယဉ်ကျေးမှုတွေမရှိကြောင်း စသဖြင့် ဖွဲ့နွဲ့ပြီး ပြောသွားလိုက်တာ မိုးလင်းတဲ့အထိပါပဲ´´

ကိုယ့်မှာသူပြောတာနားထောင်ပြီး အိပ်ရေးပျက်တာကြောင့်ရော စိတ်ပျက်သွားတာကြောင့်ရော လေပူကြီးကိုသာ မှုတ်ထုတ်လိုက်မိပါတော့တယ်။ အတော်ကြာသူ့ကို ဘာမှပြန်မပြောနိုင်ခဲ့ပါဘူး။

``အင်းလေး မင်းလည်းမင်းအယူအဆ မင်းခံစားချက်နဲ့မင်း မှန်တယ်လို့ထင်နေမှာပါ။ ငါတော့ဘာမှဝင်ပြီး မပြောလိုပါဘူး။ ဒါပေမဲ့ မင်းမိဘတွေစိတ်ဆင်းရဲမှာတော့ သေချာတယ်။ မင်းအသက်လည်း ငယ်ငယ်လေးရှိသေးတာပါ။ တို့တိုင်းပြည်ကလည်း မကောင်းတာတွေရော ကောင်းတာတွေပါ တဖြည်းဖြည်းပြောင်းလည်းလာနေပါပြီ။ နောက်ဆယ်နှစ်လောက်နေရင်တော့ မင်းလိုလူမျိုးတွေ များလာပြီးတော့ လူ့ဘောင်မှာအသိုင်းဝိုင်းမှာ ယဉ်းကျေးမှုတွေပြောင်းသွားမှာပါ။ အဲလိုယောကျာင်္းချင်း ယူတာတွေများလာရင် ကြာတော့လူတွေရဲ့ မျက်စိထဲမှာ ဘာမှထူးထူးဆန်းဆန်ုး မခံစားကြရလောက်တော့ပါဘူး။ အဲဒီအချိန်မှ မင်းတို့နှစ်ယောက်လက်ထပ်ကြပါ´´လို့ ပြောလိုက်ပြီး အိပ်ပစ်လိုက်ပါတော့တယ်။

သူကခြောက်နေတာမဟုတ်ပါဘူး။ ခြောက်နေတဲ့တစ်ယောက်ကို လက်ထပ်ချင်တာပါတဲ့။

အင်း ဟိုအရင်ခေတ်တွေကတော့ သားပိုင်ရှင်မိခင်များဟာ သားတွေကိုမကောင်းတဲ့မိန်းမနဲ့ တွေ့မှာဆုံမှာကို ပူကြပင်ကြရပါတယ်။ အခုတော့ သားတွေရဲ့မိခင်များအတွက် တစ်ပူတိုးလာပြီးလို့တွေးမိလိုက်ပါတယ်။

ဒီကိစ္စကြီးကို မှားတယ်မှန်တယ်လို့ မှတ်ချက်မပေးချင်ပေမဲ့ မသင့်တော်ဘူးလို့တော့ ဆိုချင်ပါတယ်။ သဘာဝတရားကြီးကို ဆန့်ကျင်တာဟာ အကောင်းကိုအသွင်ဆောင်နေတဲ့ လက္ခဏာမဟုတ်ဘူးလို့ ထင်ပါတယ်။

အခုခေတ်ကလေးတွေဟာ အလှအပကိုမိန်းမတွေနဲ့ အပြိုင်အဆိုင် ပြင်ကြဆင်ကြနဲ့ ပြိးရင် ယောကျာင်္းချင်းမဖြစ်သင့်တာတွေဖြစ် မလုပ်သင့်တာတွေလုပ်နဲ့ တကယ်ကိုစိတ်ပျက်စရာကြီးပါ။

တစ်ခါတုန်းက ဗြဲတိုက်တော်မှာ ယောအတွင်းဝန်မင်းဦးဖိုးလှိုင်က အနားရှိတဲ့သူများကို ``ရွှေလက်တော်ကြီးက(မင်းတုန်းမင်းလက်ထက်က) ကိုယ်ရံတော်များဟာ ကာယဗလက ကြွက်သားတွေဘာတွေနဲ့ ကြည့်လိုက်တာနဲ့ ကို ကြောက်သွားပြီးတော့ ခန့်ညားလေးစားရတယ်။ အခုရွှေလက်ထက်တော်လေးမှာတော့ (သီပေါမင်းလက်ထက်) ကိုယ်ရံတော်များဟာ ရွှေကျင်ကြတ် နဖူးစည်းနဲ့ ထိုင်မသိမ်း တို့ပတ်အကျီနဲ့ ပန်းပေါင်းနားကပ်နဲ့ ကြည့်မိရင် ဖက်နမ်းပစ်ဖို့ပဲ ကောင်းတော့တယ်´´လို့ ပြောပါသတဲ့။

တွေးမိလိုက်ပါတယ်။ အခုခေတ်ချာတိတ်တချို့ကို ``ယောမင်းကြီးသာမြင်ခဲ့ရင် ဘာတွေများလုပ်ချင်ဦးမလဲ´´လို့။

(မိခင်များအနေနဲ့ ဒီပြဿနာကြီး ကိုယ့်သားတွေမှာ ဖြစ်လာခဲ့ရင် ဘယ်လိုကိုင်တွယ်ဖြေရှင်းရမယ်ဆိုတာ အခုကထဲက တွေးမိနေဖို့ သတိပေးတဲ့အနေနဲ့ တင်ပြပေးလိုက်တာပါ။)
..............................................................................................အရှင်ခေမာနန္ဒ(မိုးသု-မန္တလေး)

ဆက်လက်ဖတ်ရှူရန် »

ယောကျာင်္လေးပဲကွာ အရှုံးမရှိပါဘူး..

ဟေ့ကောင် အ,မနေနဲ့ မင်းမစားရင် သူများစားသွားမှာ။ ဒီအချိန် ဒီနေရာချိန်းထားတာကို လာရင် အစားခံချင်လို့ပဲ။ သူလဲ ချေးစားပြီး ဒီအရွယ်ရောက်လာတာမှ မဟုတ်တာ။ ဒီအချိန် ဒီနေရာ ချိန်းတာဟာ စားချင်လို့ဆိုတာ သူလဲ သိကိုသိတယ်။ သိရဲ့သားနဲ့ လာတာ အစားချင်ခံလို့ပဲ။ ကွိုင်မရှိဘူး။ လုပ်သာလုပ်ဟေ့ကောင်။ ကြောက်မနေစမ်းပါနဲ့ကွာ။ ယောကျာင်္းပဲ အရှုံးမရှိပါဘူး။

ကောင်မလေးနဲ့ ချိန်းပြီး ဘာမှ မလုပ်ခဲ့ပဲ စကားပြောပြီးတော့ ပြန်လာတဲ့ ၁၈/၁၉အရွယ် ကောင်လေးကို အသက်၃၅နှစ်လောက်ရှိတဲ့ ယောကျာင်္းတစ်ယောက်က အားမလို အားမရနဲ့ ပြောနေတဲ့ စကားတွေပါ။

ဒီစကားတွေနဲ့အတူ တဆက်ထဲမှာပဲ ဘယ်နေရာကို ဘယ်လိုကိုင်ရတယ်။ ဘယ်လိုလုပ်ရတယ်။ ဘယ်လိုကိုင် ဘယ်လိုလုပ်လိုက်ရင် သူဘယ်လိုဖြစ်သွားပြီး မင်းကို စွဲသွားမယ်ဆိုတာတွေပါ အသေးစိတ် ဆက်သင်နေပါသေးတယ်။ ဘေးနားက ဘုန်းကြီးတွေကို ရှိတယ်လို့တောင် ထင်ဟန်မတူပါဘူး။

အံ့သြစရာကောင်းတာက သူ့မှာလဲ ၉တန်းတက်နေတဲ့ မကြာခင် အရွယ်ရောက်တော့မယ့် သမီးလေးတစ်ယောက်ရှိပါတယ်။ သမီးမိန်းကလေး တစ်ယောက်ရှိတဲ့ ဖခင်လုပ်သူက ဒါမျိုးစကားတွေကို မြိန်ရေယှက်ရေ ပြောဆိုတာနေတာ ကြားမိတော့ တကယ်ကို အံ့သြမိပါတယ်။

ဒီကောင်လေးနဲ့ သူ့သမီလေးနဲ့ ချစ်သူတွေ ဖြစ်မသွားနိုင်ဘူးလား။ သူသင်ပေးတဲ့ နည်းလမ်းတွေနဲ့ သူ့သမီးလေးကို အညွန့်ချိုးမသွားနိုင်ဘူးလား။ ဒါတွေကို သူမစဉ်းစားမိတာလား။ စဉ်းစားမိရဲ့သားနဲ့ ပြောနေတာလားဆိုတော့ သူပဲ သိပါလိမ့်မယ်။

“ယောကျာင်္းပဲ အရှုံးမရှိပါဘူး”ဆိုတဲ့ စကားကို ဦးဇင်းက သေချာစဉ်းစားကြည့်ပါတယ်။

ယောကျာင်္းမို့ အရှုံးမရှိဘူးဆိုတာ ဘယ်လိုမှ မဖြစ်နိုင်ပါဘူး။ အရှုံးရှိပါတယ်။ ရှုံးတာမှ နည်းနည်းနောနော အရှုံးမဟုတ်ပါဘူး။

မိစ္ဆာစာရ ကျူးလွန်ကလည်း မုန်းကြသူများ ရန်သူပွား၍ ရှားပါးလာဘ်တိတ် ချမ်းသာဆိတ်၏။

ဣတ္ထိပဏ္ဍုတ် မျိုးယုတ်ခါခါ မျက်နှာမလှ အရှက်ရ၍ လက္ခဏဣနြေ္ဒ ယွင်းသွေချို့သိမ် စိုးရိမ်မကွာ ချစ်သူကွာသည်

ရှောင်ခါ အပြန်အကျိုးတည်း။ (အရှင်ဇနကာဘိဝံသ)

ဒါတွေဟာ ကာမေသုမိစ္ဆာစာရကြောင့် ရှုံးရတဲ့ အရှုံးတွေပါ။ နည်းနည်းနောနော် ရှုံးတဲ့ အရှုံးတွေမဟုတ်ပါဘူး။

ကာမေသုမိစ္ဆာစာရ ကံထိုက်သူများဟာ သေလွန်ရင် ငရဲကို သွားရပါမယ်။ ငရဲလွတ်လို့ လူ့ဘ၀ရောက်ပြန်ရင်လဲ ဒီဘေးထွက်ဆိုးကျိုးတွေကို ခံစားရပါ့မယ်။

အတိတ်ဘ၀က ကာမေသုမိစ္ဆာစာရကံ ကျူးလွန်ခဲ့သူများဟာ မျက်မှောက်ဘ၀မှာ လူမုန်းများပါတယ်။ ရန်သူများပါတယ်။ အရာရာကို ချို့ချို့တဲ့တဲ့နဲ့ ဆင်းဆင်းရဲနေရပါတယ်။ မိန်းမဖြစ်ရပါတယ်။ ဒီထက်ဆိုးရင် လန်းတီးလီးပါနေရဲ့သားနဲ့ ဖန်ခင်ရတဲ့ အခြောက် ပဏ္ဍုတ် ဖြစ်ရပါတယ်။ ရုပ်ရည်ကလှပနေရင်တောင် သူမျက်နှာဟာ မွဲခြောက်ခြောက်နဲ့ ကြည့်ရရှု့ရတာ ကျက်သရေလုံးဝ မရှိပါဘူး။ ကိုယ်လက်အဂါင်္တွေလဲ ချို့သိမ်တတ်ပါတယ်။ သူရဲ့ဘ၀မှာ စိုးရိမ်ပူပန်မှုတွေနဲ့ အမြဲလုံးထွေးနေရတတ်ပါတယ်။ သူ မြတ်မြတ်နိုးနိုးချစ်ရတဲ့ သူတွေနဲ့လည်း ကွဲကွာရပါတယ်။

“ရှောင်ခါ အပြန်အကျိုးတည်း”တဲ့။ ကာမေသုမိစ္ဆာစာရကံကို ရှောင်ကြဉ်နိုင်ခဲ့မယ်ဆိုရင်တော့ ဒီဆိုးကျိုးတွေရဲ့ ပြောင်းပြန်ကောင်းကျိုးတွေကို ရရှိမှာဖြစ်ပါတယ်။

တစ်နေ့က အသိဒကာရဲ့သား Gayလေးက ပြောပြတဲ့ အဖြစ်အပျက်လေး တစ်ခုကို ပြောပြချင်ပါတယ်။

သူအသိ Gayတစ်ယောက်ဟာ အစက ယောကျာင်္းတစ်ယောက်ပါတဲ့။ သူချစ်သူ့ ကောင်းမလေးကို တစ်ပတ်ကို ငါးခါလောက် ဟိုတယ်မှာ ခေါ်အိပ်နေကြပါတဲ့။ အခုတော့ အဲဒီကောင်ဟာ ဖန်မခင်ရရင် မနေနိုင်တဲ့ ဘ၀ကို ရောက်နေပါပြီတဲ့။ မိန်းမတွေကို လုံးဝစိတ်မ၀င်စားတော့ပါဘူးတဲ့။

အကုသိုလ်ကံတွေဟာ တကယ်ကြောက်ဖို့ကောင်းပါတယ်။ ကာမေသုကံရဲ့ ဆိုးကျိုးတွေထဲမှာ လန်တီးလီးပါနေရဲ့သားနဲ့ ဖန်ခင်ရတဲ့ ဘ၀ကို ရောက်ရတာဟာ အတော်ဆိုးပါတယ်။ မရောက်ချင်ဘူးဆိုရင်တော့ ရှောင်ရုံပါပဲ။

ယောကျာင်္လေးမို့ အရှုံးမရှိပါဘူးဆိုတဲ့ စကားဟာ လုံးဝကို မှားယွင်းပါတယ်။ တစ်ခဏတာ သာယာမှုလေးအတွက် ပြန်ပြီး ပေးဆပ်ရမှာတွေက အဆမတန် များလွန်းပါတယ်။

.............................................................................................မိုးသု(မန္တလေး)

ဆက်လက်ဖတ်ရှူရန် »

ကလေးငယ်တွေကို ကလေးငယ်တွေလို့ မြင်နိုင်ကြပါစေ..

ရာသီဥတုကြောင့် နှာတွေမွှန်ပြီး နှာရည်တွေ အဆက်မပြတ်ကျနေတာမို့ ဘာမှမလုပ်ပဲ ကျောင်းမှာ ငြိမ်ငြိမ်လေး နေနေရတယ်။ မနက်က မြေနီကုန်းက သူငယ်ချင်းလာတာမို့ သူနဲ့ လက်ဘက်ရည်ဆိုင်ကို သွားထိုင်လိုက်တယ်။

အသက် ၁၂နှစ်လောက်ပဲ ရှိသေးတဲ့ စားပွဲထိုးလေးက ဦးဇင်းတို့ဝိုင်းကို ရေနွေးကရားနဲ့ မှားထားတာတွေ လာချတယ်။ အီကြာကွေးတစ်ချောင်းက ဘေးနားက ၀ိုင်းမှာ ထိုင်နေတဲ့ အမျိုးသမီးကြီးတစ်ယောက် အပေါ်ကို မတော်တဆပြုတ်ကျသွားခဲ့တယ်။

အမျိုးသမီးကြီးဟာ စာပွဲထိုးလေးကို ခေါင်းကို အားနဲ့မာန်နဲ့ ခေါက်ချလိုက်တယ်။ ပြီးတော့ အသုံးမကျတဲ့ကောင်လို့ပြောပြီး ထပ်ခေါက်လိုက်ပြန်တယ်။ ပြီးတော့ မကျေမချမ်းနဲ့ ပါးစပ်ကနေ ပွစိစိနဲ့ အယုတ်တမာဆဲဆိုနေတယ်။ ၀တ်စားထားတဲ့ သူ့ခန္ဓာကိုယ်ပေါ်က ရွှေတွေ စိန်တွေကိုမှ အားမနာ..။

စားပွဲထိုးလေးကတော့ ``အန်တီ ကန်တော့ကန်တော့ မတော်လို့ ဖြစ်သွားပါ တောင်းပန်ပါတယ်ခင်ဗျာ နောက်ကို ဒါမျိုးမဖြစ်စေရပါဘူး´´နဲ့ တတွတ်တွတ် တောင်းပန်နေရှာတယ်။

စိတ်ကြိုက်ရိုက်နှက်ပြီး စိတ်ကြိုက်ပြောဆိုပြီးတာတောင်မှ ကလေးငယ်က ဒါလောက်တောင်းပန်နေတာတောင်မှ ကလေးငယ်ကို ခွင့်လွှတ်စကား တစ်ခွန်းမပြောဘူး။

ဒီကြားထဲ ကောင်တာက မိန်းမကပါ ကလေးငယ်လေးကို ပါးစပ်စက်သေနတ်ပစ်လိုက်ပြန်သေးတယ်။

ဆင်းရဲတဲ့ဘ၀ မွဲတဲ့ဘ၀ ခိုကိုးရာမဲ့တဲ့ဘ၀မို့ ကလေးငယ်ကိုတောင်မှ ကလေးငယ်လို့ မမြင်ကြတော့ဘူးလား..။

မြန်မာနိုင်ငံမှာ အထူးသဖြင့် မန္တလေးလို ရန်ကုန်လိုမြို့ကြီးတွေက လက်ဘက်ရည်ဆိုင်တွေမှာ ကလေးငယ်တွေကို စားပွဲထိုးအဖြစ် စေခိုင်းနေကြတယ်။ တရားဥပဒေအရ ခိုင်းသင့် မခိုင်းသင့်ဆိုတာကို မသိပေမယ့် ဦးဇင်းကတော့ မခိုင်းသင့်ဘူးလို့ ခံစားရတယ်။

သူတို့လေးတွေကို ပညာသင်စေချင်တယ်။ သူ့တို့လေးတွေရဲ့ ဘ၀ကို တစ်သက်လုံး လက်ရုံးရည်ကို အားကိုးအားပြုပြီးတော့ အသက်မွေးသွားရမယ့် ဘ၀မှာ အချိန်ကုန်မသွားစေချင်ဘူး။

စောစောက အမျိုးသမီးကြီးအနေနဲ့လဲ အီကြာကွေးလေး ကိုယ့်အပေါ်ပြုတ်ကျလိုက်တာ ဘယ်လောက်များ နာကျင်လို့လဲ။ အကျီဆီပေသွားလဲ ပြန်လျှော်လိုက်လို့ရတာပဲ။ နောက်ဆုံးလျှော်မရတော့ရင်တောင်မှ အကျီတစ်ထည်အတွက်နဲ့ ကလေးငယ်ကို နာကျင်သွားအောင် မလုပ်သင့်ဘူး။

ဒီလိုမျိုး အရွယ်မရောက်သေးပဲ ၀မ်းတစ်ထွာအတွက် ရုန်းကန်နေရတဲ့ ကလေးငယ်တွေကို မကူညီနိုင်ဘူးဆိုရင်တောင်မှ သူတို့လေးတွေရဲ့ ကိုယ်စိတ်ကို နာကျင်သွားအောင် မလုပ်သင့်ဘူး။ ဖြစ်နိုင်မယ်ဆိုရင် သူတို့ကို စားပွဲထိုးလေးတွေလို့ မမြင်ပဲ ကလေးငယ်လေးတွေပဲလို့ မြင်စေချင်တယ်။

ငါ့သားလေး ငါ့ညီလေး ငါ့တူလေးသာဆိုလျှင်ဆိုတဲ့ အတွေးမျိုး အမြင်မျိုးနဲ့ တွေးကြည့် မြင်ကြည့်စေချင်တယ်..။

ဗုဒ္ဓတရားတော်အရလဲ နိုင်ရာဝန်ထက် ပိုပြီး ထမ်းခိုင်းတာဟာ မတရားမှုသာဖြစ်တယ်။

ပညာသင်ရမယ့်အရွယ်မှာ ပညာမသင်ရပဲ အစာအိမ်အတွက် ရုန်းကန်နေကြရတဲ့ ကလေးငယ်တွေ ကမ္ဘာလောကကြီးထဲမှ အမြန်ဆုံး ပျောက်ကွယ်သွားကြပါစေ..။ ပညာသင်ချိန်မှာ ပညာသင်နေကြရတဲ့ ကလေးငယ်တွေဖြစ်ကြပါစေ..။

.....................................................................................................မိုးသု(မန္တလေး)

ဆက်လက်ဖတ်ရှူရန် »

ယဉ်ကျေးမှုရှိသောသူများအတွက်သာ..

ဦးဇင်းနေတဲ့ နေရာက ရွှေတိဂုံစေတီတော်နဲ့ နီးတာမုိ့ ညပိုင်းတွေမှာ စေတီတော်ပေါ်ကို မကြာမကြာတက်ရောက် ဖူးမြော်ဖြစ်တယ်။ စေတီတော်ပေါ်ရောက်ရင် စဥ့်ကူးမင်းခေါင်းနားထိုင်ပြီး ဗုဒ္ဓါနုဿတိပွားများဖြစ်တယ်။ (လူအထင်ကြီးမှာမို့ အထင်ကြီးအောင် လုပ်ရာကျမှာမို့ ဘေးအမြင်မှာ ဖာသိဖာသာ သာမာန်ထိုင်နေတဲ့ ပုံစံဖြစ်အောင်ပဲ ထိုင်ဖြစ်ပါတယ်။)

စေတီတော်ပေါ်ကိုရောက်တိုင်း စိတ်အလိုမကျတာတွေ အမြဲတွေ့နေရတယ်။ စေတီတော်ပေါ်ကိုလာပြီး လူကြီးလူငယ်အများစုဟာ ဟေးလားဟားလား လုပ်နေကြတယ်။ ကောင်လေးတွေကလဲ ကောင်မလေးတွေကို လိုက်ငေးနေကြတယ်။ ကောင်မလေးတွေကလဲ ကောင်လေးတွေကို လိုက်ငေးနေကြတယ်။

သူတို့စေတီတော်ကို လာကြတာဟာ ငမ်းကြောထဖို့လား ဗုဒ္ဓါနုဿတိဖြစ်ဖို့အတွက်လားဆိုတာတော့ သူတို့ကိုယ်ပဲ သူတို့သိနိုင်ပါလိမ့်မယ်။

ပိုဆိုးတာကတော့ မဖွယ်မရာ စကားတွေကို ပြောပြီးတော့ အော်ကြီးဟစ်ကျယ်နဲ့ အသံထွက်ပြီးတော့ ရယ်လားမောလား လုပ်နေကြတဲ့သူတွေပါပဲ။

တချို့ကတော့ လူအထင်ကြီးအောင် ၀ိုင်ဖွဲ့ပြီးတော့ အမှားမှားအယွင်းယွင်းနဲ့ တတ်သလောက် မှတ်သလောက်နဲ့ အသံကုန်အော်ပြီးတော့ ရယ်စရာမပါပဲ ဖျစ်ညှစ်ရယ်ပြီးတော့ လက်ခုပ်တီးစရာမရှိပါပဲ လက်ခုပ်တွေတီးပြီးတော့ အဘိဓမ္မာတွေကို ဆေးပေးခန်းနားက ဓမ္မာရုံကြီးထဲမှာ ဆွေးနွေးနေကြတယ်။

ဒီလိုတွေဖြစ်နေတာဟာ ဗုဒ္ဓဘုရားရှင်ရဲ့ ၀ါဒတော်နဲ့ လုံးဝလုံးဝကို ကိုက်ညီမှုမရှိပါဘူး။ စေတီတော်ပေါ်တက်ပြီးတော့ ဒီလိုတွေလုပ်နေကြတာဟာ ဘုရားရှင်ကို မရိုသေကြသူများ မထီမဲ့မြင်ပြုကြသူများသာ ဖြစ်ပါတယ်။

ဘုရားရှင်ဟာ တိတ်ဆိတ်ငြိမ်သက် အေးချမ်းမှုကိုပဲ အလိုရှိပါတယ်။

တစ်ခါတုန်းက အရှင်သာရိပုတ္တရာ အရှင်မဟာမောဂ္ဂလာန်တို့ရဲ့ တပည့်ရဟန်းတွေဟာ ဆူဆူညံညံစကားတွေ ပြောဆိုနေကြလုိ့ ``ငါးစိမ်သည်တွေလို ဆူညံနေကြတာ ဘယ်သူတွေတုန်း´´လို့ အရှင်အာနန္ဒာကို မေးတော်မူပါတယ်။

``အဂ္ဂသာဝကနှစ်ပါးနဲ့ ရှင်တော်ဘုရားကို ဖူးမြော်ဖို့အတွက် လိုက်လာခဲ့တဲ့ အဂ္ဂသာဝကနှစ်ပါးရဲ့ တပည့်ရဟန်းတွေပါ´´လို့ အရှင်အာနန္ဒာက ပြန်လည်လျှောက်ထားပါတယ်။

ရှင်တော်ဘုရားဟာ အဂ္ဂသာဝကနှစ်ပါးနဲ့အတူ ဆူဆူညံညံလုပ်တဲ့ ရဟန်းတွေကို နှင်ထုတ်ပစ်လိုက်ပါတယ်။

ရှင်တော်ဘုရားဟာ ဆူညံမှုကို လုံးဝမနှစ်သက်ပါဘူး။

ရှင်တော်ဘုရားဟာ တစ်ခါတစ်ရံမှာ ဆွမ်းခံစောစောကြွလေ့ရှိပါတယ်။ ကျောင်းတော်နဲ့ သာဝတ္ထိအကြားမှာရှိတဲ့ တိတ္ထိတွေရဲ့ ကျောင်းကို ၀င်တော်မူပါတယ်။ တိတ္တိတွေဟာ သူတို့ရဲ့ ထုံးစံအတိုင်း ဆူဆူညံညံနဲ့ အော်ကြီးဟစ်ကျယ် စကားတွေပြောနေတတ်ကြတယ်။

တိတ္တိတွေဟာ ရှင်တော်ဘုရား သူတို့ကျောင်းဝင်းထဲကို ၀င်လာတာမြင်တာနဲ့ တိတ္တိအကြီးအကဲဟာ ``ဟေ့ ဟေ့ တိတ်တိတ်လေးနေကြ၊ ရဟန်းဂေါတမ လာနေပြီ။ ရဟန်းဂေါတမဟာ တိတ်ဆိတ်ငြိမ်သက် အေးချမ်းမှုကို လိုလားတယ်။ ဆူညံမှုကို မလိုလားဘူး။ တိတ်တိတ်ကလေးနေကြပါ´´ဆိုပြီး သူတပည့်တွေကို တားမြစ်ပေးတတ်တယ်။

တိတ္တိတွေဟာ အယူမှားနေပေမယ့် ယဉ်ကျေးမှုကို နားလည်တယ်၊ ယဉ်ကျေးမှုရှိတယ်။ ဒါကြောင့် အခြေအနေ အချိန်အခါနဲ့ လိုက်လျောညီထွေမှု ရှိအောင် နေတတ်ကြတယ်။

တောင်မြို့ မဟာဂန္ဓာရုံဆ၇ာတော်ဘုရားကြီး အရှင်ဇနကာဘိဝံသဆိုရင် စာသင်စာချတာတောင်မှ အသံအကျယ်ကြီးနဲ့ လုပ်တာကို တားမြစ်လေ့ရှိတယ်။

စေတီတော်တွေပေါ်ရောက်ရင် တိတ်တိတ်ဆိတ်ဆိတ်နဲ့ ဘုရားကို အာရုံပြုပြီးတော့ နေကြထိုင်ကြဖို့ ဟေးလားဟားမလုပ်ဖို့ အသိဒကာလေးတစ်ယောက်ရဲ့သားလေးကို ပြောခဲ့ဘူးတယ်။

``ဦးဇင်းကလဲ ဘုရားပေါ်မှာ ရယ်တာ အပြစ်ဖြစ်လို့လား၊ ဘုရားက သူတပည့်သာဝကတွေကို ပျော်နေတာကို မကြိုက်မရှိလောက်ပါဘူး´´လို့ ပြန်ပြောတယ်။

``ဘုရားက တပည့်သာဝကတွေကို ပျော်စေချင်ရင် တရားမဟောပဲ ဟာသတွေပဲ ပြောခဲ့မှာပေါ့´´လို့ ပြန်ပြောလိုက်ခဲ့တယ်။

စေတီတော်ပေါ်မှာ ရတနာသုံးပါးနဲ့ မစပ်ဆိုင်တဲ့ ကမ္မဌာန်းဘာဝနာနဲ့ မစပ်ဆိုင်တဲ့ အခြားသော လူမှုရေး စီးပွားရေး ဟာသစတဲ့ စကားတွေကို ပြောဆိုတာဟာ မဖွယ်မရာ ပြုလုပ်ရာရောက်တယ်။ ဘုရားရှင်ကို မလေးစားရာ ရောက်တယ်။

ရှေ့ကွဲနောက်ကွဲ ဘေးကွဲကို အသားလိုက်ပါဦး။ စေတီတော်ပေါ်မှာ တိတ်တိတ်ဆိတ်ဆိတ်ကလေးတက် တိတ်တိတ်ဆိတ်ဆိတ်ကလေးနေ တိတ်တိတ်ဆိတ်ဆိတ်ကလေးပြန်ဆင်းသွားတဲ့ ယဉ်ကျေးမှုလေးကိုပဲ အရင် ဖော်ဆောင်ကြပါဦး။

စေတီတော်ပေါ်ကို ကုသိုလ်ဖြစ်အောင်တက်ကာမှ အကုသိုလ်တွေ ဖြစ်နေကြတာကို အမြင်မတော်လွန်းလို့ ရေးလိုက်တာပါ။ ယဉ်ကျေးမှုရှိကြတဲ့ သူများအတွက် ဘုရားအလိုကျ အတတ်နိုင်ဆုံး နေချင်ကြတဲ့ သူများအတွက်သာ ရည်စူးပြီးတော့ ရေးလိုက်တာပါ။

ယဉ်ကျေးမှုကို နားမလည်ဘူး ယဉ်ကျေးမှုမရှိဘူး။ ကိုယ်နေချင်သလို နေမယ်ဆိုတဲ့ သူများအတွက်မဟုတ်ပါဘူး။

စေတီတော်ပေါ်မှာ ဘုရားရှင်အလိုကျ နေထိုင်နိုင်ကြပါစေသော်..။

..........................................................................................................မိုးသု(မန္တလေး)

ဆက်လက်ဖတ်ရှူရန် »