အချစ်တတ်ဆုံး မိန်းမသား..

ကျေးဇူးတော်ရှင် သီတဂူဆရာတော်ဘုရားကြီး ဒေါက်တာဥာဏိဿရဟာ လောကအကျိုးပြု ပရဟိတ လုပ်ငန်းတွေ အများအပြားကို လုပ်ကိုင်ဆောင်ရွက်ရင်း သာသနာ့အကျိုး လောကအကျိုးကို ကိုယ်ကျိုးမဖက် အများကျိုးသက်သက်အတွက် ဆောင်ရွက်နေတယ်ဆိုတာ လူတိုင်းသိကြပြီးသားပါ။


ဆရာတော်ဘုရားကြီးဟာ အခမဲ့မျက်စိအထူးကုဆေးရုံတွေကို တိုင်းဒေသကြီးတိုင်း ပြည်နယ်တိုင်းမှာ ဖွင့်လှစ်ပေးထားပါတယ်။  အခမဲ့မျက်စိအထူးကုဆေးရုံပေါင်း ၁၃ခု ဖွင့်လှစ်ပြီးပါပြီ။

ရန်ကုန်မှာလဲ အခမဲ့မျက်စိအထူးကုဆေးရုံတည်ဆောက်ဖို့အတွက် နေရာမြေကွက်ရရှိပြီးဖြစ်ပါတယ်။ မကြာမီ အချိန်အတောအတွင်းမှာ တည်ဆောက်တော့မှာ ဖြစ်ပါတယ်။

ဆရာတော်ကြီးရဲ့ မျက်စိဆေးရုံများမှာ လူမျိုးမရွေး ဘာသာမရွေး မျက်စိရောဂါများ ပျောက်ကင်းသည်အထိ အခမဲ့ကုသပေးပါတယ်။

မြစ်ကြီးနားမှာ ဆရာတော်ကြီးဖွင့်လှစ်ထားတဲ့ မျက်စိဆေးရုံမှာ ဖြစ်ခဲ့တဲ့ အဖြစ်အပျက်လေးကို ပြောပြချင်ပါတယ်။

အသက် (၁၀၂)နှစ်ရှိပြီး သားသမီးဆွေမျိုး ကျောထောက်နောက်ခံ လုံးဝမရှိတဲ့ မျက်စိမမြင်ရတော့တာ နှစ်ပေါင်းသုံးဆယ်ရှိပြီဖြစ်တဲ့ ရ၀မ်လူမျိုးအဘွားကြီးတစ်ယောက်ဟာ မြစ်ကြီးနားသီတဂူဆေးရုံကို မျက်စိလာရောက်ပြသပါတယ်။ အဘွားဟာ အသက်ရာကျော်နေပြီ ဖြစ်ပေမယ့် ကျန်းမာရေးကတော့ ဒေါင်ဒေါင်မြည်ရယ်ပါ။

မျက်စိအထူးကုဆရာဝန်ကြီး ဦးစံအေးက အဘွားရဲ့မျက်စိဟာ ခွဲစိတ်ကုသလိုက်ရင် ပြန်ကောင်းမှာမို့ ခွဲစိတ်ကုသဖို့ ဆုံးဖြတ်လိုက်ပါတယ်။

မျက်စိခွဲခန်းထဲ ၀င်ခါနီးတော့ ``ခွဲပြီးရင် သူ့မျက်စိဟာ တကယ်ပြန်မြင်ရမှာလား´´လို့ အဘွားက မေးပါတယ်။

မျက်စိအထူးကုဆရာဝန်ကြီး ဦးစံအေး ``ခွဲပြီးသွားရင် တကယ်ပြန်မြင်ရမှာပါ အဘွား´´လို့ အဖြေပေးလိုက်ပါတယ်။

ဆရာဝန်ကြီးရဲ့ စကားကို ကြားလိုက်ရတဲ့အခါမှာ အဘွားဟာ မျက်ရည်ဖြိုင်ဖြိုင်ကျအောင် ငိုကြွေးပါတော့တယ်။ ဘာဖြစ်လို့ ငိုရတာလဲ အဘွားလို့ ဆရာဝန်ကြီးက မေးပါတယ်။

``သူမျက်စိ ကန်းပြီးတဲ့ နောက်ပိုင်းကာလမှ သူ့ယောကျာင်္းဟာ သေဆုံးသွားခဲ့တာ။ ဒါကြောင့် သူ့ယောကျာင်္းအလောင်းကိုတောင် သူမမြင်လိုက်ရဘူး။ သူ့ယောကျာင်္းသာ သူ့လိုမျိုး အသက်ရှည်မယ်ဆိုရင် သူ့ယောကျာင်္းကို သူပြန်မြင်ရဦးမယ်။ အခုတော့ မျက်စိပြန်မြင်ရမယ်ဆိုပေမယ့် သူ့ယောကျာင်္းကို မြင်တွေ့ခွင့်မရှိတော့ဘူး။ ဒါကြောင့် သူ့ယောကျာင်္းကို လွမ်းလို့ ငိုတာပါ´´လို့ အဘွားက ပြန်ဖြေပါတယ်။

အဘွားရဲ့ ချစ်ခြင်းမေတ္တာကို ကြားသိလိုက်ရတော့ ငါ့ဘ၀မှာ အချစ်သာလျှင် ပဓာနလို့ ကြွေးကြော်ပြီးတော့ ဟောတစ်ယောက် ဟောတစ်ယောက် ထည်လဲတွဲနေကြတဲ့ လူငယ်တွေကို သတိရလိုက်တာ..။

...............................................................................................မိုးသု(မန္တလေး)

ဆက်လက်ဖတ်ရှူရန် »

တဏှာနဲ့ဆန္ဒ...

(တပည့်တော် သိချင်တာက ဆန္ဒ ဆိုတဲ့စကားရဲ့အဓိပ္ပါယ် နဲ့  တဏှာဆိုတဲ့ စကားရဲ့အဓိပ္ပါယ် ကိုခွဲခြားသိလိုပါသည်ဘုရား...)

တဏှာ ပေမ ရာဂဆိုတဲ့ အမည်တွေက လောဘရဲ့ အမည်ခွဲတွေဖြစ်တယ်။ အမှန်ကတော့ လောဘတစ်ခုထဲပါပဲ။ အခြေအနေအချိန်အခါ လိုက်ပြီးတော့ လောဘကို နာမည်ခွဲလေးပေးပြီးတော့ သုံးထားတာပါ။

ဒီတော့မှတ်ထားရမှာက လောဘနဲ့တဏှာက အမည်သာကွဲတယ်။ တစ်ခုထဲပဲဆိုတာပဲ။

ဆန္ဒဆိုတာက ကတ္တုကမျတာလက္ခဏာလိုဆိုတဲ့ တစ်စုံတစ်ခုကို ပြုလိုကာမျှ ရလိုရုံမျှလေးပဲဖြစ်တယ်။

တဏှာကတော့ အာရမ္မဏေ အဘိသင်္ဂလက္ခဏလို့ဆိုတဲ့ အာရုံတို့၌ တပ်မက်သောအားဖြင့် ငြိကပ်ခြင်း သဘောတရားရှိတယ်။

ထမင်းကို ခုနှစ်ရက်လောက် မစားရတဲ့သူက ထမင်းကို တပ်မက်ငတ်မွတ်သလို တဏှာဟာ အာရုံတွေကို တပ်မက်ငတ်မွတ်တယ်။ ငြိကပ်တယ်။ သူတပ်မက်ငတ်မွတ်တဲ့ အာရုံအပေါ်ကနေ မခွဲနိုင်မခွါနိုင်ဘူး။

ဆန္ဒဆိုတာကတော့ ဒီလိုမဟုတ်ဘူး။ ဆန္ဒဟာ တဏှာလို တပ်မက်ငတ်မွတ်ခြင်းမရှိဘူး။ ဆန္ဒဟာ ပြုလိုရုံမျှ ရလိုရုံမျှလေးပဲ။ တဏှာလို ပြုကိုပြုရမယ် ပြုလိုက်ရမှကို ဖြစ်မယ်ဆိုတဲ့ သဘောတရားမျိုး ဆန္ဒမှာမရှိဘူး။

သစ်သားပြားနှစ်ချပ်ကို ဒီအတိုင်းလေး ဘာမှမပါပဲ ပူးထားလိုက်တာဟာ ဆန္ဒရဲ့ သဘောလက္ခဏဖြစ်တယ်။ သစ်သားပြားနှစ်ချပ်ကို အသားကပ်ကော်သုတ်ပြီးတော့ ပူးထားလိုက်တာဟာ တဏှာဖြစ်တယ်။

ဘာမှမပါပဲ ပူးထားတဲ့ သစ်သားပြားနှစ်ချပ်ကို ပြန်ခွဲလိုက်ရင် ဘာဒဏ်ရာဒဏ်ချက်မှ မရသလို အလွယ်တကူလဲ ခွဲလို့၇တယ်။ အသားကပ်ကော်သုတ်ပြီးတော့ ပူးထားတဲ့ သစ်သားပြားနှစ်ချပ်ကို ခွဲထုတ်လိုက်ရင် ဒဏ်ရာဒဏ်ချက်တွေ ရသလို ခွဲထုတ်ရတာလဲ အင်မတန်ခက်ခဲတယ်။

ဒီလိုပဲ ဆန္ဒဖြစ်ရင် ဆန္ဒဖြစ်တဲ့သူမှာ ဒဏ်ရာဒဏ်ချက်မဖြစ်နိုင် မရနိုင်ဘူး။ ဒီဆန္ဒကို သူမလုပ်နိုင်လိုက်လို့လဲ သူ့မှာ ဘာမှ ကြီးကြီးကျယ်ကျယ် ခံစားရမှာမဟုတ်ဘူး။ တဏှာဖြစ်တဲ့သူကတော့ ဒဏ်ရာဒဏ်ချက်တွေဖြစ်နိုင် ရနိုင်တယ်။ ဒီတဏှာကို သူမလုပ်လိုက်ရလို့ ကြီးကြီးကျယ်ကျယ် ခံစားရမယ်ဆိုတာလဲ သေချာတယ်။

မလုပ်ရလို့လဲ ဘာမှမဖြစ်ဘူး။ လုပ်ချင်စိတ်ဖြစ်ရုံ သက်သက်ကလေးဟာ ဆန္ဒဖြစ်တယ်။ လုပ်ကို လုပ်ရမယ် မလုပ်ရရင် တစ်ခုခုဖြစ်သွားနိုင်တယ်ဆိုတာက တဏှာဖြစ်တယ်။


နားမလည်သေးရင် ထပ်မေးနိုင်ပါတယ်..။

 .....................................................................................................................မိုးသု(မန္တလေး)

ဆက်လက်ဖတ်ရှူရန် »

အစိန္တေယျကိုလေ့လာခြင်း..

မနေ့က အသိတစ်ယောက်က “ဦးဇင်းကသာ ဗုဒ္ဓဘုရားရှင်က သဘောထားကြီးတယ် သူတရားတော်ကို စိတ်ကြိုက်ဆန်းစစ်ခွင့်ပြုတယ် ဗုဒ္ဓဘာသာဟာ လွတ်လပ်တယ်နဲ့ ပြောနေတာ ဘုရားကဖြင့် ဗုဒ္ဓ၀ိသယော အစိန္တေယျော ဈာန၀ိသယော အစိန္တေယျော ကမ္မ၀ိပါကော အစိန္တေယျော လောက၀ိသယော အစိန္တေယျောဆိုနေပါလား။ ဦးဇင်း စကားကို အလွန်မဆိုချင်ပါနဲ့။ ဗုဒ္ဓဘာသာဆိုတာလဲ ဟန်ပြပဲ လွတ်လပ်မှုရှိတာပါ။ သူ့ကိုယ်ရေးကိုယ်တာကျတော့ မကြံစည်ရဘူးတဲ့”လို့ပြောပြီး ကဲ ဘယ့်နှယ့်ရှိစဆိုတဲ့ ပုံနဲ့ ဦးဇင်းကို မေးဆတ်ပြပါတယ်။


ဟုတ်ပါတယ် သူပြောတဲ့ အစိန္တေယျလေးပါးကို ဘုရားရှင်ကိုယ်တော်မြတ်က အင်္ဂုတ္ထိုရ်ပါဠိတော် စတုက္ကနိပါတ်မှာ ဟောတော်မူခဲ့ပါတယ်။ ဒါပေမယ့် သူနားလည်နေသလိုမျိုး အဓိပ္ပါယ်ကို ဆောင်ပြီးတော့ ဟောကြားတော်မူခဲ့တာ မဟုတ်ပါဘူး။ လွတ်လပ်ခွင့်ကို ပိတ်ပင်တဲ့အနေနဲ့ ဟောကြားတော်မူခဲ့တာ မဟုတ်ပါဘူး။


အစိန္တေယျပါဠိပုဒ်ကို အများစုက မကြံစည်အပ်ရယ်လုိ့ မြန်မာပြန်နေကြလို့ ဒီသဘောအဓိပ္ပါယ်ကို ဆောင်သွားစေတာပါ။
အစိန္တေယျာနိ န စိန္တိတဗ္ဗာနိဆိုတဲ့ ဒီပါဠိပုဒ်မှာ အရင်းခံတည်ထားတဲ့ စိန္တဓာတ်နဲ့ တဗ္ဗပစ္စည်းတို့ကို လေ့လာကြည့်လိုက်ရင် အများစုဘာသာပြန်နေကြတဲ“့ မကြံစည်အပ်ဆို”တဲ့ ဘာသာပြန်မှုထက် “မကြံစည်ထိုက်”ဘာသာပြန်မှုက ပိုပြီး ဆီလျော်ညီညွတ်တယ်ဆိုတာ တွေ့ရှိနိုင်ပါတယ်။


ဒါကြောင့်မို့ အစိန္တေယျောဆိုတဲ့ ပါဠိပုဒ်ဟာ “လုံးဝမကြံစည်ရဘူး”လို့ ပိတ်ပင်ထားခြင်း မရှိပါဘူး။ ဒီလေးခုရဲ့ အကြောင်းတွေဟာ ကြံစည်စဉ်းစားနေရုံနဲ့ အကုန်မသိနိုင်ဘူးရယ်လို့သာ အဓိပ္ပါယ်ရှိပါတယ်။ ကြံစည်စဉ်းစားနေရုံနဲ့ အကုန်မသိနိုင်ဘူးဆိုတော့ တစ်စိတ်တစ်ပိုင်းတော့ သိနိုင်တယ်ဆိုတဲ့ အဓိပ္ပါယ်သက်ရောက်ပါတယ်။


ဒီအရာလေးနဲ့ ပတ်သက်လို့ စိတ်ကူးနဲ့ ကြံစည်စဉ်းစားနေရုံနဲ့တော့ အကုန်လုံးပြည့်ပြည့်စုံစုံ သိနိုင်မှာမဟုတ်ဘူး။ ပြည့်ပြည့်စုံစုံသိချင်ရင် လက်တွေ့လေ့လာ အားထုတ်ဆိုတဲ့ အဓိပ္ပါယ်ရှိပါတယ်။


ရာဘင်ဒြာနတ်တဂိုးရဲ့ ကဗျာအဆင့်အတန်းကို သိချင်ရင် သူ့ကဗျာတွေကို ဖတ်ရှု့လေ့လာကြည့်ဖို့ လိုပါတယ်။ ဒီလိုပါပဲ ဗုဒ္ဓအကြောင်းအရာကို အကုန်သိချင်ရင်တော့ ဗုဒ္ဓဖြစ်အောင် သို့မဟုတ် အရိယာဖြစ်အောင် အားထုတ်ကြည့်ဖို့ လိုပါတယ်။


နောက်ပြီးတော့ ဘုရားရှင်က ဒီလေးခုနဲ့ ပတ်သက်ပြီး ကြံစည်ရင် ငရဲရောက်မယ်လို့လဲ မဟောကြားခဲ့ပါဘူး။ ဥာဏ်မမှီတဲ့အရာကို ကြံစည်စဉ်းစားရင် ရူးသွပ်သွားနိုင်တယ်လို့ပဲ ဟောကြားတော်မူခဲ့တာပါ။ ကိုယ်က ဥာဏ်မှီတယ်လို့ ကိုယ့်ကို ထင်ရင်တော့ ကြံစည်စဉ်းစားပေါ့။


ဗုဒ္ဓဘုရားရှင်က လွတ်လပ်ခွင့်ကို မပိတ်ပင်ခဲ့ပါဘူး။ စိတ်ကြိုက်ဆန်းစစ် လေ့လာခွင့်တွေ အပြည့်အ၀ပေးထားခဲ့ပါတယ်။


.......................................................................................မိုးသု(မန္တလေး)

ဆက်လက်ဖတ်ရှူရန် »

ရဟန်းတော်တို့နှင့် ညချင်းသုတ် အငြင်းပွားစရာများ

Edit

ရဟန်းတော်တို့နှင့် ညချင်းသုတ် အငြင်းပွားစရာများ

(ဦးဇင်းလေးကို တပည့်တော်ပြောစရာရှိတယ်။ တပည့်တော်တို့ရွာက ကိုယ်တော်လေးတွေ မြို့ကနေ စာသင်ပြန်လာရင် တပည့်တော်က ညချင်းသုတ်လေးဘာလေး အိမ်ကိုပင့်ကပ်ပါတယ်။ အဲဒါကို ရွာကျောင်းဘုန်းကြီးက စာကလဲမတတ်တော့ ညချင်းသုတ်စားရင် အာပါတ်သင့်တယ် မစားရဘူးဆိုပြီး တားတယ်။ စာကလဲမတတ်တော့ ပြောရတာခက်ပါတယ်။ ညချင်းသုတ်က ယာဝဇီဝိကမို့ စားကောင်းတယ်ပြောလဲ နားမထောင်ဘူး။ တပည့်တော်တို့ဘာသာမှာ ဒီလိုမျိုး စာမတတ်ပေမတတ်နဲ့ ယောင်ချာချာ ဘုန်းကြီးတွေ ဘယ်လောက်များနေပြီလဲ။ တပည့်တော်နာမည်ကိုတော့ နန်းထိန်းလေးလို့သာ မှတ်ထားပါ။ ဦးဇင်းလေးပညာရှိရင်တော့ တပည့်တော်ဘယ်သူဆိုတာ သိမှာပါ)

နန်းထိန်းလေးဆိုတော့ ကိုယ့်ကိုယ်ကို အခြောက်တစ်ယောက်ပါလို့ ပြောချင်တာဖြစ်မယ်ထင်တယ်။ အခြောက်တစ်ယောက်က ၀ိနည်းကို အတော်လေး နှံ့နှံ့စပ်စပ်ဖတ်ထား လေ့လာထားတယ်ဆိုတော့ အတော်တော်တဲ့ အခြောက်လို့ပြောရမှာပဲ။ အာ၈အခြောက်လေးပဲ။

ဘုရားရှင်က ရဟန်းတော်တွေနဲ့ရဲ့ အစားအစာနဲ့ ပတ်သက်ပြီးတော့ “ကာလိကလေးမျိုး”နဲ့ ပိုင်းခြားသတ်မှတ်ပြီးတော့ ပညတ်တော်မူခဲ့တယ်။ အဲဒီကာလိကလေးမျိုးထဲက တစ်ခုဖြစ်တဲ့ “ယာဝဇီဝိက”အချက်မှာ အငြင်းပွားနေတာဖြစ်တယ်။ ဒါကြောင့် ကျန်သုံးမျိုးကိုရေးနေရင် စာရှည်နေမှာမို့ ပြဿနာဖြစ်တဲ့ တစ်မျိုးကိုပဲေ၇းတော့မယ်။

ယာဝဇီဝိက ဆိုတာက တစ်သက်တာပတ်လုံး ရဟန်းတော်များ စားကောင်းသော အစားအစာများလို့ အဓိပ္ပါယ်ရတယ်။

ရဟန်းတော်တွေ တစ်သက်တာပတ်လုံး စားကောင်းတဲ့ အစားအစာများကတောာ့ လူပုဂ္ဂိုလ်များ ဆန်လို ၀က်သားလိုမျိုး ပင်မအစားအစာမဟုတ်တဲ့ အဖျော်ရည်လဲမဟုတ်တဲ့ ဆေးလည်းမဟုတ်တဲ့ ဆား ချင်း မန်းကျည်းရွက်ကြမ်း ကင်ပွန်းရွက်ကြမ်းစတဲ့ အမြစ် အရွက် အခေါက် အဥတို့သာဖြစ်တယ်။  ဒီဟာတွေက ဟင်းရဲ့ ပင်မကိုယ်ထည်မဟုတ်ကြဘူး ဖြည့်စွက်ပစ္စည်းများသာဖြစ်ကြတယ်။ ဒီပစ္စည်းတွေဟာ ရဟန်းတော်များ တစ်သက်တာပတ်လုံးစားကောင်းတယ်။ အာပတ်မသင့်ဘူး။

ညချင်းသုတ်ကို ရှေးကတော့ ချင်းရယ် ဆားရယ် ဆီပါတယ်ဆိုရုံလေးရယ် သုတ်ပြီးကပ်ကြတယ်။ အခုခေတ်ကတော့ ပုဇွန်ခြောက်တွေနဲ့ ဖွယ်ဖွယ်ရာရာ သုတ်ကြတယ်။ နာမည်ခံညချင်းသုတ်မျှသာဖြစ်တယ်။

ရှေးခေတ်ကသုတ်တဲ့ ညချင်းသုတ်ကို လေ့လာကြည့်တဲ့အခါမှာ ချင်းကလဲ ယာဝဇီဝိက ဆားကလဲ ယာဝဇီဝိက ဆီကလဲ ခုနှစ်ရက်အတွင်းစားကောင်းတဲ့ သတ္တာဟကာလိကဆိုတော့ အာပတ်မသင့်ဘူးလို့ ထင်မိကြမှာအမှန်ပဲ။ တချို့ရဟန်းတွေကိုယ်တိုင်တောင် ဒါမျိုးထင်နေတတ်တာမျိုးတွေ တွေ့ဘူးကြုံဘူးခဲ့တယ်။

သို့သော် ကင်္ခါမှာ ဒါနဲ့ပတ်သက်လို့ ဘယ်လိုရှင်းထားလဲဆိုတော့ “ယာမကာလိကာဒီနိ အာဟာရတ္ထာယ ပဋိဂ္ဂဟဏ အဇ္စျောဟာရေသု ။ပ။ ဒုက္ကဋံ၊ ယာမကာလိကာဒီနိ သတိပစ္စယေ ပရိဘုဉ္ဇတဿ ။ပ။ အနာပတ္တိ”လို့ ရှင်းပြထားတယ်။

ခဲဖွယ်ဘောဇဉ်ကို နေလွဲသောအခါ စားသောက်ရင် ပါစိတ်အာပတ်သင့်တယ်။ အဖျော်ရည်စသည်များကို ဗိုက်မဆာပါပဲနဲ့ အရသာခံလိုရုံသက်သက် အပျင်းပြေသက်သက်သောက်ရင် ဒုက္ကဋ်အာပတ်သင့်တယ်။ ဆာလို့သောက်ရင် အာပတ်မသင့်ဘူး။ စောစောက ပြောတဲ့ ချင်းစတဲ့ ယာဝဇီဝိကတွေကို အနာရောဂါဖြစ်လို့ အဲဒါတွေကို စားမှပျောက်မယ်ဆိုရင် စားကောင်းတယ်။ ဗိုက်ဆာလို့ အပျင်းပြေအောင်လို့စသဖြင့် မစားကောင်းဘူး။ အနာရောဂါဖြစ်မှ ဒါကိုစားမှ ပျောက်မယ်ဆိုမှ စားကောင်းတယ်။ အနာရောဂါဖြစ်လဲ ဒါကိုစားလို့မပျောက်ဘူးဆိုတာသိရဲ့နဲ့ ရောဂါကို အကြောင်းပြပြီးလဲ မစားကောင်းဘူး။ ယာဝဇီဝိကကို အနာရောဂါအတွက်ကြောင့်ပဲ စားကောင်းတယ်။ ဒီလိုမှမဟုတ်ပဲ စားရင်တော့ ဒုက္ကဋ်အာပတ်သင့်တယ်။

တချို့က ပြောတာရှိသေးတယ်။ ဗိုက်ဆာလို့ မဆာပဲအငတ်ခံနေရင် ငရဲကြီးတယ်တဲ့။ ဒါဟာ အခြေအမြစ်မရှိတဲ့ ပလိစိခြောက်ချက် စကားမျှသာဖြစ်တယ်။ ဘုရားဟောလဲ မဟုတ်ဘူး။ ဗိုက်ဆာရင် အဖျော်ရည်စတာတွေ သောက်ပေါ့။

နောက်တစ်ခုမှတ်ရမှာက ညနေခင်းကို အရည်ဆိုပြီး နွားနို့လုံးဝမသောက်ကောင်းဘူးဆိုတာပဲ။ ရဟန်းတွေတွေဆိုရင် ပါစိတ်အာပတ်သင့်တယ်။ လူတွေဆိုရင်တော့ သီလကျိုးတယ်။။

အခြောက်ကလေးရေ စာကို နှံ့နှံ့စပ်စပ်ဖတ်ပါ။ အပြစ်တင်မစောပါနဲ့။ မရှင်းတာပါရင် ပြန်မေးပေါ့။


........................................................................................မိုးသု(မန္တလေး)

ဆက်လက်ဖတ်ရှူရန် »

သရဲ စုန်း နဂါးတို့အကြောင်း တစေ့တစ်စောင်း..

6:04 PM ပြည်ငြိမ်းချမ်း: လွန်ခဲ့တဲ့ ၂လလောက်က ကျွန်တော်ပြောတဲ့ သေဆုံးသူ အကြောင်း သတင်းတစ်ခု၇ပါတယ်ဘု၇ား တပည့်တော့်အမပြောပြတာပါ။

6:06 PM သေဆုံးသူဟာ ဘုန်းကြီးဝတ်နဲ့ သူ့ အဖေဘု၇ား၇ိုခိုးခန်းထဲ လာပြီး ထိုင်သွားတယ်လို့ ပြောတယ်ဘု၇ား। ဘယ်လိုစဖြစ်လဲဆိုတော့ သေဆုံးသူရဲ့ အမေက ဈေးသွားဖို့အတွက် ပြင်ဆင်ပြီး ဈေးကိုစတင်ထွက်လာတယ် လမ်းတစ်ဝတ်လောက်ကျတော့ အမေဆိုပြီးလှမ်းခေါ်လို့ သူ့ အိမ်မှာ ကျန်ခဲ့တဲ့ သားအကြီးခေါ်တယ်ဆိုပြီး ပြန်လှည့်သွားတယ် အိမ်ေ၇ာက်တော့ သားကြီးကိုမေးတော့ သူခုမှ အိပ်၇ာထတဲ့ အကြောင်းပြောပါတယ် ဒါကမနက်အစောပိုင်းဖြစ်သွားတာပါ .

6:08 PM သေဆုံးသူရဲ့အမေကဈေးကပြန်လာပြီး အိမ်ေ၇ာက်တော့ သူ့ ယောကျာင်္း ဆူပူအော်ဟစ်နေတာကြားလို့ သွားမေးကြည့်တော့ ဘုန်းကြီးတပါးလာတာ ဘယ်သူ မှ ဆွမ်းထွက်မလောင်းလို့ ဆိုပြီး ဒေါကန်နေတယ်တဲ့....ဖြစ်ချင်တော့ သေဆုံးသူရဲ့ အကိုက အောက်မှာ၇ှိနေလို့ သူ့ ကိုမေးတော့ ဘယ်ဘုန်းကြီးမှ မလာပါဘူးတဲ့ အကယ်၍ လာခဲ့မယ်ဆို၇င် အိမ်အောက်ထပ်မှာဘဲ လာ၇မှာပေါ့ ဘယ်လိုဖြစ်လို့ ဘု၇ားခန်းထိ တက်သွား၇မှာတုန်းတဲ့

6:09 PM ဒီလို အငြင်းပွားနေစဉ် ဆွမ်းခံကြွတဲ့ ဘုန်းကြီးေ၇ာက်လာေ၇ာ।ဒီလိုနဲ့ သေဆုံးသူဖခင်က ပြောပါတယ်ဘု၇ား

6:10 PM ဘု၇ားခန်းထဲလာပြီး မျက်နာဘေးဒိုက်လာထိုင်ပြီး ဘာမှမပြောဘူးတဲ့...

သူက ဘု၇ား၇ိုခိုးတာ တို့ လို့ တန်းလန်းကြီးဖြစ်နေလို့ဆိုပြီး မထလှူတော့တာတဲ့.

6:11 PM ကြေးစည်တီးပြီး သာဓု ၂ခါခေါ်ယုံဘဲရှိသေးတယ် ဒီဘုန်းကြီးပျောက်သွားတယ်တဲ့

အဲ့ဘုန်းကြီးက မျက်နာတစ်ခြမ်းဘဲ ပေါ်တော့ဘယ်သူမှန်း သူကမခန့် မှန်းမိလောက်ဘူးတဲ့ ဘု၇ား

6:12 PM ဒါပေမဲ့ သူ့ သေဆုံးသူသားရဲ့ မျက်နာတော့ အတော်ဆင်တယ်လို့ ပြောပါတယ်ဘု၇ား

6:13 PM အဲ့လို့ တကယ်လာလို့ ၇လားဘု၇ား.အိမ်မက်မဟုတ်ဘဲ ကိုယ်တိုင်လာပီး ဘာလာလုပ်တာလဲဘု၇ား

တပည့်တော်သိချင်လို့ ပါ

အကယ်၍ သေဆုံးသူမဟုတ်ဘဲ တခြား သရဲေ၇ာ မဖြစ်နိုင်ဘူးလားဘု၇ား

6:14 PM me: ဒကာပြောတဲ့အတိုင်းဆိုရင် သူက အမျှလာယူတာပါ သူကျွတ်ချိန်တန်လို့ ကျွတ်ဖို့အတွက် ကုသိုလ်အထောက်အပံ့လိုနေလို့ အမျှလာယူတာပါ အဲဒီထက် ကောင်းတဲ့ဘုံဘ၀ကို သူရောက်သွားပြီဆိုတဲ့သဘောပါ
ပိုသေချာသွားအောင် သူ့အတွက် ကုသိုလ်တစ်ခုခုလုပ်ပေးလိုက်ပါ

6:18 PM ပြည်ငြိမ်းချမ်း: တင်ပါ့ဘု၇ား ဒါပေမဲ့ သေဆုံးသူရဲ့ ဦးလေးကို သေဆုံးသူကပြောပါတယ်တဲ့ သူကနောက်၁နှစ် အောင်ချမ်းသာဆိုတဲ့ စေတီငယ်မှာနေ၇ဦးမှာတဲ့ဘု၇ား। အဲ့ဘ၀ကကျွတ်မှ ရှမ်းပြည်နယ်က ၇ှမ်းအမျိုးသမီးထံ ကိုယ်ဝန်ယူမှာဖြစ်ကြောင်း । ဒီရှမ်းအမျိုးသမီးဆီမှာ သူနဲ့ ဆို ကလေး၃ေ၇ာက်၇ကြောင်း ၃ယောက်ထဲတွင် သူသည်သာ ယောကျာင်္းလေး ဖြစ်ကြောင်း। ဘဘကြီးက တပည့်တော် အမထံ।ပြောပါတယ်ဘု၇ား ဒါပြောတာ ၂နှစ်လောက်တော့ရှိပြီဘု၇ား

6:19 PM me: လွန်ခဲ့တဲ့နှစ်နှစ်ကပြောတာဆိုတော့ ဦးဇင်းကတော့ထင်ပါတယ် သူအခုချိန်ဆိုရင် ဗိုက်ထဲရောက်နေလောက်ပါပြီ အတိအကျတော့ ဦးဇင်းလဲ တန်ခိုးရှင်မဟုတ်တော့မသိဘူးပေါ့

6:20 PM ပြည်ငြိမ်းချမ်း: တင်ပါ့ဘု၇ား......

6:21 PM သရဲတို့ မကောင်းဆိုးဝါးတို့ စုန်းတို့က တကယ်၇ှိလားဘု၇ား ။

10 minutes

6:31 PM me: သရဲဆိုတာက ပြိတ္တာမျိုးစိတ်တစ်ခုပါ

6:32 PM စုန်းဆိုတာ နဂါး ဂဠုန် ကုမ္ဘာန် ယက္ခ ဂန္ဓဗ္ဗဆိုတဲ့ထဲက

ဂန္ဓဗ္ဗနတ်ရဲ့ မျိုးစိတ်တစ်ခုပါ

6:34 PM ပြည်ငြိမ်းချမ်း: တင်ပါဘု၇ား

ဒါပေမဲ့ ခုခေတ်မှာ တကယ်၇ှိနိုင်သေးသလား ဘု၇ား

me: ရှိတာပေါ့ မြို့ပေါ်မှာသာ ထင်ထင်ရှားရှား မရှိတော့တာ

6:35 PM ဦးဇင်းတို့ ရွာဘက်တွေမှာဆိုရင် အခုထိရှိနေပါသေးတယ်

လပြည့်လကွယ်ညတွေမျာ စုန်းမီးတောက်တာတွေတောင်မြင်ရပါတယ်

6:36 PM ပြည်ငြိမ်းချမ်း: စုန်းမီးတောက်တယ်ဆိုတာ ဘာကိုဆိုလိုချင်တာလဲ ဘု၇ား တပည့်တော် ဒါတွေနားမလည်လို့ ပါ

me: မီးလုံးကြီးတွေ ကောင်ကင်မှာ လှုပ်ရှားသွားလာနေကြတာတွေပါ

သူတို့အချင်းချင်း ပညာပြိုင်ကြတာဖြစ်တယ်လို့ လူကြီးတွေကပြောဘူးတယ်

6:37 PM ရွာအပြင်လယ်ကွင်းတွေထဲမှာပေါ့

ရှုံးတဲ့မီးလုံးက မြေပေါ်ပြုတ်ကျတယ်တဲ့

ပြည်ငြိမ်းချမ်း: မြေပေါ်ပြုတ်ချတော့ တကယ့်မီးလုံးကြီးဘဲလား ဘု၇ား

6:38 PM me: ဦးဇင်းတုိ့ရွာကျောင်းက ရွာအစွန်ဆုံးဆိုတော့ လပြည့်လကွယ်ညတွေမှာဆိုရင် မီးလုံးတွေကို ကျောင်းပေါ်ကနေလှမ်းမြင်ရတယ်

6:39 PM လက်ညှိုးထိပ်ကို တံထွေးစွတ်ပြီးတော့ မီးလုံးတည့်တည့်ကို မှန်းပြီးထိုးလိုက်ရင်

မီးလုံးက ကိုယ့်ဆီကို ရောက်လာတယ်လေ

တစ်ညက မီးလုံးခေါ်ကြတယ်

ကျောင်းပေါ်အထိ မီးလုံးကတက်လာတယ်

ကျောင်းတံခါးပေါက်တွေကို အကုန်ပိတ်ပြီးတော့

6:40 PM သင်္ကန်းတွေ တံမြက်စီးတွေနဲ့ ၀ိုင်းရိုက်ကြတယ်လေ

နောက်ပိုင်း အပေါက်သေးသေးလေးကနေ ထွက်ပြေးသွားတယ်

မြင်လို့ လယ်ကွင်းတွေထဲအထိ

လိုက်ရိုက်ကြတယ်

ညောင်ပင်တစ်ခုပေါ်ကိုတက်သွားလို့

6:41 PM ကောက်ရိုးတွေ အပင်ခြေမှာ ပုံပြီး မီးရှို့ ပြီးပြန်လာခဲ့ကြတယ်

သိပ်ငယ်တော့ ဒီလောက်ပဲ မှတ်မိတော့တယ်

ပြည်ငြိမ်းချမ်း: တင်ပါ့ဘု၇ား॥ဒါဆို ဒီမီးလုံးထဲမှာ ဘာရှိသလဲဘု၇ား .... လူ၇ှိတာလား ဘု၇ား

6:42 PM me: သူ့ကိုယ်သူ မီးလုံးအဖြစ် ပြောင်းလဲဖန်ဆင်းထားတာပါ

6:43 PM ပြည်ငြိမ်းချမ်း: အော်।ဟုတ်ကဲ့ဘု၇ား. တပည်တော်၇ှင်း၇ှင်းပြော၇၇င် ဒါပထမဦးဆုံးကြားဘူးတာပါဘု၇ား

me: စုန်းဆိုတာက လူရဲ့ကိုယ်အတွင်းထဲကို ဂန္ဓဗ္ဗနတ်ကို အတတ်ပညာနဲ့သွင်းထားပြိးတော့

အဲဒီနတ်ကို ခိုင်းစားတာပါ

6:44 PM ပြည်ငြိမ်းချမ်း: နတ်ကိုခိုင်းတယ်ဆိုတာ ဘယ်လိုမျိုးလဲဘု၇ား

စုန်းတွေက နတ်တွေကို ခိုင်းလို့ ၇တယ်ပေါ့

6:45 PM me: လူမိန်းမက သူ့ဗိုက်ထဲကို နတ်ကိုထည့်ထားတယ် ပြီးတော့ နတ်ကို သူဖြစ်ချင်သလို လုပ်ခိုင်းတယ်

နတ်က သူ့တန်ခိုးနဲ့ လုပ်ပေးတယ်

ဘယ်လိုခိုင်းလဲဆိုတာတော့ သူတို့ကိုသွားမေးမှပဲ အတိအကျ သိနိုင်ပါလိမ့်မယ်

6:46 PM ပြည်ငြိမ်းချမ်း: အဟီးးးတင်ပါ့ပါဘု၇ား.....စုန်းတွေက နတ်တွေကိုခိုင်းလို့ ၇တယ်ပေါ့ ဘု၇ား

me: လူမိန်းမက သူ့ဗိုက်ထဲကို နတ်ကို ထည့်လိုက်ပြီဆိုမှ စုန်းလို့ခေါ်တာပါ

တန်ခိုးသိပ်ကြီးတဲ့ နတ်မျိုးတော့ ဘယ်ထည့်လို့ရမှာလဲ

6:48 PM ပြည်ငြိမ်းချမ်း: တင်ပါ့ဘု၇ား ။ တန်ခိုးကြီးတဲ့နတ်ဆို သူ့ ကိုတောင်ပြန်ထဲ့သွားဦးမယ် :)

6:50 PM me: ဒီအကြောင်းကို ကျယ်ကျယ်ပြန်ပြန့်သိချင်ရင် လယ်တီဆရာတော်ကြိးရဲ့ အတော်ဆုံတပည့်ဖြစ်တဲ့ သေက္ချတောင်ဆရာတော် အရှင်တိလောက ရေးတဲ့ “ပဏ္ဍိတဝေဒနီယဒီပနီကျမ်း”မှာဖတ်ကြည့်လိုက်ပါ

ကဲ ဘာသိချင်သေးလဲ

ပြည်ငြိမ်းချမ်း: ဒါဆို စုန်းတွေက ဘယ်ကနေဘယ်လို ၀ဋ်ကြွေးကြောင့်ဖြစ်တာလဲ ဘု၇ား.အ၇င်ဘ၀က ဆုတောင်းမှားခဲ့လို့ လားဘု၇ား . .

6:51 PM me: စုန်းဝဋ်ကြွေးမဟုတ်ပါဘူး နတ်ဝဋ်ကြွေးပါ ဂန္ဓဗ္ဗနတ်ဆိုတာက ပုံမှန်ဆိုရင်တော့ သူက နံ့သာပင်မှာ သန္ဓေတည်ပြိးဖြစ်တဲ့ နတ်ပါ ကံဆိုးတော့ နံ့သာပင်မှာမဖြစ်ပဲ လူမိန်းမရဲ့ဗိုက်ထဲမှာသွားဖြစ်တာမျိုးပါ

6:52 PM ဒါကိုတော့ ၀မ်းတွင်းပါစုန်းလို့ခေါ်ကြတယ်လေ

တချို့မိန်းမတွေကြတော့ သင်ယူလို့ တတ်တာဖြစ်တယ်

သူတို့ကတော့ ၀မ်းတွင်းပါစုန်းတွေရဲ့အကူအညီနဲ့ နတ်ကို သူတို့ဗိုက်ထဲကို တမင်ထည့်လိုက်တာလို့ ဦးဇင်းက ယူဆထားတယ် ဒါက ဦးဇင်းရဲ့ယူဆချက်ပါ

6:53 PM စုန်းတိုင်း မကောင်းတာတော့မဟုတ်ပါဘူး

အများစုက မကောင်းတာပါ

ပြည်ငြိမ်းချမ်း: တပည့်တော် ၀မ်းတွင်းပါစုန်း တော့ သိပါတယ်ဘု၇ား တပည့်တော်အမရဲ့ သူငယ်ချင်းက ၀မ်းတွင်းပါစုန်းပါ.သူ့ ကြောင့် သေဆုံးသူ သေ၇တယ်လို့ ဘဘကြီးပြောခဲ့ဘူးတယ်ဘု၇ား

6:54 PM me: အင်း ဒါကတော့ ကာယကံရှင်တွေပဲ အသိဆုံးဖြစ်ပါလိမ့်မယ် ဦးဇင်းက မှတ်ချက်ပေးဖို့ မသင့်တော်ပါဘူး

6:56 PM ပြည်ငြိမ်းချမ်း: အ၇ှင်ဘု၇ား တပည့်တော်ကြောင့်စိတ်အနှောက်အယှက် ဖြစ်တယ်ဆို ပြောပါဘု၇ား॥ တပည်တော့ နောက်တစ်ခု မေးချင်လို့ ပါဘု၇ား ......

me: မဖြစ်ပါဘူး မေးပါ ဦးဇင်းဖြေနိုင်တဲ့ မေးခွန်းဆိုရင် ဖြေပေးဖို့အဆင်သင့်ပါ

6:57 PM ပြည်ငြိမ်းချမ်း: နဂါးဆိုတာ တကယ်၇ှိပါသလား ဘု၇ား.
နဂါးတွေက ဘာကြောင့် တပည့်တော်တို့ မမြင်၇တာလဲ ဘု၇ား.
နဂါးတွေက ဘယ်လို ကုသိုလ်ကံလုပ်လို့  သူတို့ ဒီဘ၀၇တာလဲဘု၇ား

me: မြွေဆိုတာလဲ နဂါးပါပဲ တန်ခိုးမရှိတဲ့ နဂါးတွေပေါ့

6:58 PM တန်ခိုးရှိတဲ့နဂါးများကြတော့ သူတို့က မမြင်စေချင်တော့ ကိုယ်ကလဲ မြင်နိုင်တဲ့ အစွမ်းအစမရှိတော့ မမြင်ရဘူးပေါ့။ ကိုယ်မှာ မြင်နိုင်တဲ့ အစွမ်းအစရှိထားမယ်ဆိုရင် သူတို့က မမြင်စေချင်လဲ ကိုယ်က သူတို့ထက် တန်ခိုးကြီးမယ်ဆိုရင် မြင်နိုင်ပါတယ်။

6:59 PM စလောင်းတွေမှာလွှင့်တဲ့ တချို့တိရိစ္ဆာန်တွေဆိုရင် ပုံသဏ္ဍာန်ပြောင်းလို့ ၇တာမျိးတွေရှိတယ်လေ။ ဒါမျိုးတွေကတော့ ကမ္မဇိဒ္ဓိလို့ခေါ်တာပေါ့။

ပြည်ငြိမ်းချမ်း: တင်ပပါဘု၇ား......
7:00 PMဒါဆို နဂါးတွေကဘယ်မှာနေပါလဲ ဘု၇ား

me: ကုန်းပေါ်နေတဲ့နဂါးေ၇ထဲနေတဲ့ နဂါးလို့ အကြမ်းအားဖြင့် ခွဲခြားကြတယ်

7:01 PM ပြည်ငြိမ်းချမ်း: ကုန်းပေါ်နေတဲ့ နဂါးဆို သူတို့ က အကြမ်းအားဖြင့် ဘယ်မှာနေပါသလဲဘု၇ား တပည်တော့ သိခွင့်၇ပေါ့မလား ?????

me: ကုန်းပေါ်နေတဲ့နဂါးေ၇ထဲနေတဲ့နဂါးလို့ အကြမ်းအားဖြင့် ခွဲခြားကြတယ်

7:02 PM အင်း တန်ခိုးရအောင် တရားအားထုတ်လိုက်ပါဒကာ

ဦးဇင်းလဲအဲလောက်တော့ မဖြေတတ်တော့ပါဘူး

7:03 PM စာထဲပါတာတွေတော့ ရှိပေမယ့်

ဒကာက အတိအကျ သိချင်နေတော့ အဲဒါတွေပြောလဲ

ဒကာ့ကို စိတ်ကျေနပ်မှုဖြစ်မှာ မဟုတ်လောက်ဘူးလို့ ထင်တယ်

7:04 PM ပြည်ငြိမ်းချမ်း: ဟီးဟီး। တင်ပပါဘု၇ား .....

7:05 PM တပည့်တော်က မိဘတွေ ဘိုးဘွားတွေမေးလဲ ဒီအတိုင်းဘဲပြောတယ်

me: တချို့မေးခွန်းတွေက သူများအဖြေပေးလို့ရတာထက် ကိုယ်တိုင်ဖြေကြည့်လိုက်တာက ပိုကောင်းပါတယ်

ဒကာအဲဒီအဖြေကိုရဖို့ ဒကာကိုယ်တိုင် အဖြေထုတ်ကြည့်လိုက်ပါ

7:06 PM ပြည်ငြိမ်းချမ်း: တင်ပါဘု၇ား

တပည့်တော် သိချင်တာ မေးခွင့်၇တဲ့အတွက် ကျေးဇူးတင်ပါတယ်ဘု၇ား

7:08 PM me: အင်း မေးစရာမရှိတော့ဘူးဆိုရင် ဦးဇင်းအောက်တော့မယ်နော်

ပျော်ရွှင်ချမ်းမြေ့ပါစေ

7:09 PM ပြည်ငြိမ်းချမ်း: တင့်ပပါဘု၇ား

....................................................................................................မိုးသု(မန္တလေး)

ဆက်လက်ဖတ်ရှူရန် »

ဓမ္မစကူးလ်များကို တစ်နိုင်ငံလုံးအနှံ့ ဖွင့်လှစ်နိုင်ရန် စီစဉ်

ဘာသာရေးနှင့် ပညာရေးကို ပေါင်းစပ်သင်ကြားပေးမည့် ဓမ္မစကူးလ်များကို တစ်နိုင်ငံလုံး အနှံ့၌ ဖွင့်လှစ်သင်ကြားပေးနိုင်ရန် စီစဉ်ဆောင်ရွက်လျက်ရှိပြီး ဓမ္မစကူးလ်၌ သင်ကြားပို့ချမည့် သင်ရိုးညွှန်တမ်းကိုလည်း တစ်နှစ်တာကာလအတွင်း အပြီးသတ် ရေးဆွဲသွားမည်ဖြစ်ကြောင်း သိရသည်။

ရဟန်းသံဃာများနှင့် ကလေးငယ်များအကြား၌ ဆုတ်ယုတ်ကျဆင်းနေသည့် ဆက်ဆံရေးနှင့် ဘာသာရေးစိတ်ဓာတ် ကြွယ်ဝမှု နည်းပါးခြင်းတို့ကို အထောက်အကူဖြစ်စေရန် ရည်ရွယ်ထားကြောင်း၊ ဓမ္မစကူးလ်၌ သင်ကြားပို့ချနိုင်ရန် ခေတ်မီသည့် သင်ရိုးညွှန်းတမ်းတစ်ခု လိုအပ်လျက်ရှိကြောင်း၊ သင်ရိုးညွှန်းတမ်း ပြုစုပြီးပါက စမ်းသပ်သင်ကြားမှုများ ပြုလုပ်၍ ပုံနှိပ်ထုတ်ဝေ လှူဒါန်းသွားမည်ဖြစ်ကြောင်း သိရသည်။ ဓမ္မစကူးလ်ဖြစ်မြောက်ရေး စုပေါင်းအစည်းအဝေးကို ယခုလ ၁၄ ရက်တွင် စိန်ရတနာ ဓမ္မစရိယ စာသင်တိုက်၌ ကျင်းပခဲ့ခြင်းဖြစ်ပြီး အင်းစိန်၊ ရွာမ ဆရာတော်ကြီးမှူး၍ သံဃာတော်အပါး ၄၀ ဝန်းကျင်နှင့် သီလရှင်ဆရာလေးများ အပါအဝင် ဖိတ်ကြားထားသူများ တက်ရောက်ခဲ့သည်။

အစည်းအဝေး၌ ဓမ္မစကူးလ် သင်ရိုးညွှန်းတမ်း ဖြစ်မြောက်ရေး စီမံကိန်း အဆိုပြုလွှာကို တင်သွားခဲ့ကြောင်း သိရသည်။

“ဓမ္မစကူးလ်တွေ နေရာအနှံ့အပြားမှာ ဖွင့်လှစ်သင်ကြားနေတာ တွေ့ရပါတယ်။ ပညာရေးအသွင် မဟုတ်ဘဲ ဘာသာရေးအသွင် သင်ကြားနေကြတယ်လို့လည်း ယူဆရပါတယ်။ ပညာရေးအသွင် စီမံကိန်းတစ်ခုကို အကောင်အထည်ဖော်ဖို့ဆိုရင် သင်ရိုးညွှန်းတမ်း မရှိဘဲနဲ့ မဖြစ်ပါဘူး။ လိုအပ်ချက်ခေတ်မီ သင်ရိုးညွှန်းတမ်းတစ်ခုကို ဓမ္မစကူးလ် ဖြစ်မြောက်ရေးကော်မတီဥက္ကဋ္ဌ ဘဒ္ဒန္တသာသနဝရက မိန့်တော်မူသည်။

ဗုဒ္ဓဘာသာကို ကိုးကွယ်ရန်ဟူ၍သာ လူအများသိရှိထားပြီး အသုံးချရန်ဟူသော အသိမှာ နည်းပါးနေကြောင်း၊ ဓမ္မစကူးလ်အတွက် သင်ရိုးညွှန်းတမ်းကို ဘာသာရေးဘက်မှ ခေါင်းဆောင်များနှင့် ပညာရေးဘက်မှ ပညာရှင်များ ပူးပေါင်းရေးဆွဲမည်ဖြစ်ကြောင်း ဆရာလေး ဒေါ်ကေတုမာလာက ဆိုသည်။

ဓမ္မစကူးလ်ဖြစ်မြောက်ရေး အစည်းအဝေးသို့ တက်ရောက်လာသည့် ရဟန်းသံဃာတော်များမှ အကြံပြုချက်များ မိန့်ကြားရာ၌ ဓမ္မစကူးလ်သည် ပညာရေးအသွင် ဖြစ်မြောက်ရန်နှင့် နိုင်ငံတကာသို့ ဖြန့်ကျက်နိုင်ရန် သင်ရိုးညွှန်းတမ်း ရေးရာတွင် အင်္ဂလိပ်စာကို ထည့်သွင်း သင်ကြားစေလိုကြောင်း၊ ထို့အပြင် ဓမ္မစကူးလ်၏ သင်ကြားရေးစနစ်များ ပိုမိုထိရောက်စေရန်အတွက် Meditation အစီအစဉ်ကိုလည်း သင်ရိုးညွှန်းတမ်း၌ ထည့်သွင်းပေးရန် လိုအပ်ကြောင်း ၂၀၁၂ ခုနှစ် မတ်လ ၂၂ ရက်နေ့ထုတ် Internet ဂျာနယ်တွင် ဖော်ပြထားပါသည်။

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၈-၉)

ပဌမအနုပညတ်

အမှုသည်=တောကျောင်းဘုန်းကြီးတစ်ပါး

အမှု= မျောက်မ၌ မေထုန်မှီဝဲမှု

တစ်ခါတုန်းက ဝေသာလီပြည်အနီး မဟာဝုန်တောကြီးထဲမှာနေတဲ့ ရဟန်းတစ်ပါးဟာ မျောက်မတစ်ကောင်ကို အစာကျွေးပြီးတော့ အတော်ယဉ်ပါးလာတဲ့အခါမှာ အဲဒီမျောက်မနဲ့ မေထုန်အမှုပြုပါတယ်။

တစ်နေ့ အဲဒီတောကျောင်းဘုန်းကြီး ဆွမ်းခံသွားနေတုန်း အာဂန္တုရဟန်းတွေ ကျောင်းကို ရောက်ရှိလာပါတယ်။ အဲဒီအခါမှာ မျောက်မက ရဟန်းတွေရှေ့လာပြီးတော့ ကုန်းပြကွပြနဲ့ အထာပေးပါတယ်။ ပထမတော့ အာဂန္တုရဟန်းတွေဟာ အမှတ်တမဲ့ပါပဲ။ နောက်မှ မသင်္ကာတာနဲ့ တစ်နေရာမှာ ပုန်းနေလိုက်ကြပါတယ်။ အဲဒီအခါမှာ တောကျောင်းဘုန်းကြီးဟာ ဆွမ်းခံရာက ပြန်လာပြီးတော့ ဆွမ်းခံရာကရလာတဲ့ မုန့်ပဲသရေစာများကို မျောက်မကိုကျွေးပြီးတော့ မေထုန်မှုကို ပြုပါတော့တယ်။

ဒီအခါမှာ စောစောကပုန်းနေတဲ့ ရဟန်းတွေဟာ ထွက်လာပြီးတော့ ``ကိုယ်တော် ဘုရားက မေထုန်မှုမပြုရလို့ သိက္ခာပုဒ်ပညတ်ထားရဲ့သားနဲ့ ဘာလို့အခုလိုမျိုး ပြုလုပ်ရတာပါလဲ´´လို့မေးကြပါတယ်။

ဒီအခါမှာ တောကျောင်းဘုန်းကြီးက ``ဘုရားရှုင်သိက္ခာပုဒ်ပညတ်ထားတာဟာ လူမိန်းမများကိုသာ မေထုန်မှုမပြုရလို့ ပညတ်ထားတာဖြစ်တယ်။ တိရစ္ဆာန်မကို မေထုန်မှုမပြုရလို့ ပညတ်ထားတာ မဟုတ်ဘူး´´လို့ ပြန်ပြီး ဆင်ခြေပေးပါတယ်။ ထိုအခါ အာဂန္တုရဟန်းတွေက ကဲ့ရဲ့စကားပြောပြီးတော့ အဲဒီအကြောင်းကို ဘုရားရှင်ကို သွားလျှောက်ထားကြပါတယ်။

ဘုရားရှင်ကလဲ တောကျောင်းဘုန်းကြီးကို ကဲ့ရဲ့စကားဆိုပြီးတော့...

``ယော ပန ဘိက္ခု မေထုနံ ဓမ္မံ ပဋိသေဝေယျ အန္တမသော တိရစ္ဆာနဂတာယပိ ပါရာဇိကော ဟောတိ အသံဝါသော။

အကြင်ရဟန်းသည် မေထုန်မှီဝဲအံ့၊ အောက်ထစ်ဆုံးအားဖြင့်(အယုတ်ဆုံးအားဖြင့်) တိရစ္ဆာန်မ၌သော်လည်း မှီဝဲအံ့၊ ထိုရဟန်းသည် ပါရာဇိကကျ၍ ရဟန်းကောင်း(ပါရာဇိကမကျသေးသောရဟန်း)တို့နှင့် အတူပေါင်းသင်းနေထိုင်ခွင့်မရှိ´´ဟု ပဌမအနုပညတ်တော်ကို ထပ်မံပညတ်လိုက်ပါတယ်။

ပါရာဇိကတို့ အာပတ်တို့ဆိုတဲ့ စကားလုံးတွေကို ဒကာဒကာမတို့ နားလည်ကြဦးမယ် မထင်ပါဘူး။ ဦးဇင်းကလဲ ရှင်းမပြသေးပါဘူး။ ဒါကြောင့် ဒီနေ့တော့ အဲဒီအကြောင်းကို ရှင်းပြပေးပါဦးမယ်။

အာပတ်ဆိုတဲ့စကားဟာ ``အာပတ္တိ´´ဆိုတဲ့ ပါဠိပုဒ်ကနေ ဆင်းသက်လာတဲ့ စကားဖြစ်ပါတယ်။

အာပတ္တိ=အပြစ်သင့်ခြင်း အပြစ်ရောက်ခြင်းလို့ အဓိပ္ပါယ်ရှိပါတယ်။ ဥပမာ=ဒီရဟန်းဟာ အာပတ်သင့်နေတယ်လို့ ပြောလိုက်ရင် ``ဒီရဟန်းဟာ အပြစ်သင့်နေတယ်´´လို့ နားလည်ရပါ့မယ်။

တစ်ခါ ဘာအပြစ်လဲဆိုတာ ထပ်မံခွဲခြားဖို့ လိုပြန်ပါသေးတယ်။ အာပတ်ခုနှစ်မျိုးရှိပါတယ်။ ကြုံရင်ကြုံသလို နည်းနည်းချင်းလေး ရှင်းပြပေးသွားပါ့မယ်။ အခု ပါရာဇိကအာပါတ်ကို ရှင်းကြရအောင်ပါ။

ပရာဇေတိ-သာသနာတော်မှ ဆုံးရှုံးစေတတ်၏၊ ဣတိ-ထို့ကြောင့်၊ ပါရာဇိကာ-ပါရာဇိကမည်၏။

ပါရာဇိကအာပါတ်သင့်တဲ့ ရဟန်းဟာ ရဟန်းမဟုတ်တော့ပါဘူး။ လူဖြစ်သွားပါတယ်။ ပါရာဇိကကျပြီးတဲ့ ရဟန်းကို ဘုရားပေါင်းအရာအထောင်တို့က ကမ္မ၀ါစာဖတ်ပေးရင်တောင် ရဟန်းမဖြစ်တော့ပါဘူး။ ခန္ဒာကိုယ်တစ်ခြား ဦးခေါင်းတစ်ခြား ပြတ်ပြီးသေတဲ့သူဟာ တစ်ဖန်ပြန်ပြီး အသက်မရှင်နိုင်တော့သလိုပါပဲ။ ပါရာဇိကျတဲ့ရဟန်းဟာလဲ သာသနာတော်တည်းဟူသော ဦးခေါင်းပြတ်ကျသွားတဲ့အတွက် တစ်ဖန်ပြန်ပြီး ရဟန်းမဖြစ်နိုင်တော့ပါဘူး။

အာပါတ်ခုနှစ်မျိုးမှာ အခြားအာပတ်ခြောက်ခုက အာပတ်ဖြေလို့ရပေမယ့် ပါရာဇိကအာပတ်ကတော့ သင့်ပြီးရင် ပြန်ဖြေလို့မရတော့ပါဘူး။ လူထွက်မှပဲ အာပတ်ပြေသွားပါတော့တယ်။ ပါရာဇိအာပတ်သင့်နေပြီး လူဝတ်မလဲပဲ သင်္ကန်းဆက်ဝတ်နေရင် မဂ်ဖိုလ်မရနိုင်တော့ပါဘူး။ လူထွက်မှ သို့မဟုတ် ကိုရင်ပါလို့ တရားဝင်ကြေငြာပြီးနေလိုက်မှ မဂ်ဖိုလ်ရနိုင်ပါတော့တယ်။

(ဆက်လက်တင်ပြပေးပါမည်)

..........................................................................................................မိုးသု(မန္တလေး)

“ဥပမာ တစ်နည်းအားဖြင့် အပူရှိလျှင် ထိုအပူမှ တစ်ပါးဖြစ်သော အအေးလည်းရှိသကဲ့သို့ ဤအတူ ရာဂမီး ဒေါသမီး မောဟမီး ဤမီးသုံးပါးထင်ရှားရှိလျှင် ထိုမီးသုံးပါးကို ငြိမ်းစေတတ်သော နိဗ္ဗာန်တရားကိုလည်း အလိုရှိအပ်(သိမှတ်အပ်)သည်သာတည်း”


“ဥပမာ တစ်နည်းအားဖြင့် မကောင်းမှု အကုသိုလ်တရား ထင်ရှားရှိလျှင် ကောင်းမှု ကုသိုလ်တရားလည်း ထင်ရှားရှိသကဲ့သို့ ဤအတူပင် ဇာတိပဋိသန္ဓေနေရခြင်း ဇာတိတရားထင်ရှားရှိလျှင် ထိုဇာတိကို ကုန်စေတတ်သည့် ပဋိသန္ဓေနေခြင်းကင်းရာ နိဗ္ဗာန်တရားကိုလည်း အလိုရှိအပ်(သိမှတ်အပ်)သည်သာတည်း”


ဤသို့ အကြံတော်ဖြစ်ပြီး ဆက်၍တဖန် လေးနက်စွာ အကြံတော်ဖြစ်ပြန်သည်မှာ...........


“ဥပမာအားဖြင့် မစင်တွင်း၌ ကျရောက်နေသော (တစ်နည်းအားဖြင့်=မစင်လိမ်းကပ်နေသော) ယောကျာင်္းသည် ကြာမျိုးငါးပါးတို့ဖြင့် တန်ဆာဆင်အပ်၍ ကြည်လင်သော ရေရှိသည့် တဖက်ဆည်ကန်ကြီးကို မျက်ဝါးထင်ထင် အဝေးမှ တွေ့မြင်နေရပါလျက် ထိုတဖက်ဆည်ကန်ကြီးသို့ သွားရောက်ရန် လမ်းမှန်ကို မရှာမှီးလျှင် ထို့သို့မရှာမှီးခြင်းသည် တဖက်ဆည်ကန်ကြီး၏ အပြစ်မဟုတ်၊ ထိုမစင်လိမ်းကပ်နေသော ယောကျာင်္း၏ အပြစ်သာဖြစ်သကဲ့သို့၊ ဤအတူ ကိလေသာ အညစ်အကြေးတို့ကို ဆေးလျှော်ရာဖြစ်သော နိဗ္ဗာန်တည်းဟူသော တစ်ဖက်ဆည်ကန်ကြီး ထင်ရှားရှိပါလျက် ထိုနိဗ္ဗာန်တည်းဟူသော တဖက်ဆည်ကန်ကြီးကို မရှာမှီးလျှင် ထိုသို့မရှာမှီးခြင်းသည် တဖက်ဆည်ကန်ကြီး၏ အပြစ်မဟုတ်”


(ဆက်လက်တင်ပြပေးပါမည်)


..................................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၆-၇)

ချွေးမလုပ်သူဟာ အခန်းထဲကနေ ထွက်လာပြီးတော့ အရှင်သုဒိန်ရဲ့ ခြေထောက်ကိုဖက်ပြီးတော့ ``အရှင့်သား အရှင့်သားတို့ မျှော်မှန်းနေပြီးနေတဲ့ နတ်သမီးတွေဆိုတာ ဘယ်လောက်ထိများ လှပပါသလဲ´´လို့ မေးပါတယ်။ (ဘုရားသာသနာတော် တည်ထောင်ခါစက မင်းညီ မင်းသား သူဌေး သူကြွယ်သားတွေ ရဟန်းပြုသွားကြတဲ့အခါမှာ အမျိုးသမီးအသိုင်းအ၀ိုင်း၌ ထင်မြင်ချက်တွေအမျိုးမျိုး ပေးကြပါတယ်။ နောက်ဆုံးကြတော့ သူတို့ရဲ့ ထင်မြင်ချက်တွေကို ``ဒီအမျိုးသားတွေဟာ ငါတို့ထက်သာသော နတ်ကညာတွေကို လိုချင်ကြသဖြင့် ငါတို့ကို ထားခဲ့ပြီးတော့ ရဟန်းပြုသွားကြတာဖြစ်တယ်´´ဆိုတဲ့ ထင်မြင်ချက်ကိုပဲ အတည်ပြုပြီးတော့ သူတို့ရဲ့ စကားဝိုင်းကို အဆုံးသတ်လိုက်ကြပါတယ်။)

ထိုအခါ ရှင်သုဒိန်သည် တည်တည်ကြည်ကြည်ဖြင့် ``နှမ... နတ်ကညာတွေကို လိုချင်၍ ရဟန်းအကျင့်ကို ကျင့်နေတာ မဟုတ်ပါဘူး´´လို့ ပြောဆိုလိုက်ပါတယ်။ ဒီအခါမှာ ``ဇနီးဖြစ်ပါလျက်ကယ်နဲ့ နှမ..ဟု ခေါ်လျှက်လေခြင်း ငါ့မျှော်လင့်ချက်တွေတော့ မဖြစ်နိုင်တော့ပါဘူး´´လို့တွေးပြီး မူးမေ့ကာ လဲကျသွားပါတယ်။

သူမ၏ မျှော်လင့်ချက်ကား ``ရှင်သုဒိန်နဲ့သူ ပြန်ပြီးတော့ ပေါင်းဖက်ကြမယ်။ အဲဒီအခါမှာ သားသမီးတွေ မွေးဖွားလာမယ်။ အဲဒီအခါမှာ ဒီအမွေအနှစ်တွေကို ငါပိုင်ဆိုင်ရမှာဖြစ်တယ်´´ဆိုတဲ့ မျှော်လင့်ချက်ဖြစ်တယ်။ (``နှမ´´ဟူသော အသုံးအနှုန်းမှာ မောင်နှမရင်းလို သဘောထားသဖြင့် ``ဇနီး´´ မဖြစ်နိုင်တော့ကြောင်းကို ပြသော ရှေးသုံးစကားတစ်ခုဖြစ်သည်။)

ထိုအခါမှာ ရှင်သုဒိန်ရဲ့ မိခင်ကြီးက ``ငါ့သား တကယ်လူမထွက်တော့ဘူးဆိုရင် ရဟန်းဘ၀မှာပဲ ပျော်ရွှင်စွာနေပါတော့။ သို့သော်...သားသမီးမရှိသောကြောင့် ငါတို့သေရင် ငါတို့ရဲ့ ပစ္စည်းဥစ္စာတွေကို လိစ္ဆ၀ီမင်းတွေက သိမ်းရစ်ပါလိ့မ်မယ်။ ဒါကြောင့် သားတစ်ယောက်ရလောက်ရုံမျှ သားမျိုးလေးတော့ပေးထားခဲ့ပါ

(ဆက်လက်တင်ပြပေးပါမည်)

....................................................................................................မိုးသု(မန္တလေး)

အဲဒီအချိန်တုန်းက ရဟန်းတော်များ မေထုန်မှုမပြုရလို့ ဘုရားရှင်ပညတ်ထားတာ မရှိသေးတော့ ရှင်သုဒိန်ဟာ မေထုန်မှုပြုတာ အပြစ်မရှိဘူးလို့ ထင်ပြီးတော့ ဒီတစ်ခါလိုက်လျောလိုက်ရင် နောက်ထပ်နားပူရတော့မှာ မဟုတ်ဘူးလို့ တွေးပြီးတော့ ``ဒီကိစ္စလောက်ဆိုရင်တော့ ကူညီပေးနိုင်ပါတယ်လို့ ၀န်ခံလိုက်တယ်။

အဲဒီအခါမှာ မယ်တော်ကြီးဟာလည်း ချွေးမလုပ်သူကို ဥတုပန်းပွင့်ရင် သူ့ကို ပြောပါလို့မှာထားပြီးတော့ ဥတုပန်းပွင့်ပါပြီလို့ ချွေးမကလာပြောတဲ့အခါမှာ ရှင်သုဒိန်နေတဲ့ မဟာဝုန်တောကြီးထဲကို ချွေးမလုပ်သူနဲ့ နှစ်ယောက်အတူလာခဲ့ကြတယ်။ အဲဒီအခါမှာ ရှင်သုဒိန်ကလဲ သားမျိုးစေ့ပေးလိုက်တော့တယ်။

ရှင်သုဒိန်ဟာ သားမျိုးစေ့ပေးပြီးတဲ့ နောက်ပိုင်းကာလမှာ သာသနာတော်နှင့် မသင့်လျော်သောအမှုကို ငါပြုမိပါပေါ့တကားလို့ တစိမ့်စိမ့်တွေးပြီးတော့ နောင်တတရားတွေရဲ့ နှိပ်စက်တာကိုခံရပြီးတော့ မစားနိုင် မအိပ်နိုင် တမှိုင်မှိုင် တစ်တွေတွေဖြစ်ပြီး သူ့ရဲ့ခန္ဒာကို ပိန်ချုံးလာပြီးတော့ အရေအဆင်းကလဲ ရော်ရွက်ဝါလေးလို ဖြစ်လာခဲ့တယ်။

ဒီအခါမှာ အခြားရဟန်းတော်တွေက ရှင်သုဒိန်ကိုမေးကြတယ်။ ရှင်သုဒိန်ကလဲ သူရဲ့ဖြစ်ပုံကို အားလုံးမချွင်းမချန် ပြောပြလိုက်တယ်။ ဒီအခါမှာ ရဟန်းတော်တွေက ရှင်သုဒိန်ကို ကဲ့ရဲ့ရှုတ်ချပြီးတော့ ရှင်သုဒိန်လုပ်ပုံတွေကို ဘုရားထံ သွားပြီးလျှောက်ကြတယ်။ အဲဒီအခါမှာ ဘုရားရှင်က ရှင်သုဒိန်ကို မောဃပုရိသလို့ ကဲ့ရဲ့ပြစ်တင်ပြီးတော့ ...

(မောဃပုရိသ=မဂ်ဖိုလ်မှ ကင်းဆိတ်သွားသော မဂ်ဖိုလ်မရနိုင်တော့သော အချည်းနှီးသောသူ)

ယော ပန ဘိက္ခု မေထုနံ ဓမ္မံ ပဋိသေဝေယျ ပါရာဇိကော ဟောတိ အသံဝါသော။

အကြင်ရဟန်းသည် မေထုန်ကို မှီဝဲငြားအံ့။ ထိုရဟန်းသည် ပါရာဇိကကျ၍ ရဟန်းကောင်းတို့နှင့် ကံကြီးကံငယ် ပေါင်းသင်းခွင့်မရှိ။ လို့ ပဌမပါရာဇိကသိက္ခာပုဒ်တော်ကို ဘုရားရှင်ဟာ ပညတ်တော်လိုက်တယ်။ (အပြည့်အစုံတော့ မဟုတ်သေးပါ။ ဤပညတ်တော်သည် မူလပညတ်တော်သာ ဖြစ်ပါသည်။)

(ဆက်လက်တင်ပြပေးပါမည်)

........................................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၅)

ရှင်သုဒိန်ရဲ့ဖခင် သူဌေးကြီးဟာ ယနေ့ သားရဟန်းအိမ်ကို ကြွလာမယ်ဆိုတာသိလို့ နံနက်ခင်းကထဲက လက်ခုပ်တစ်ဖောင်လောက်စီမြင့်သော ရွှေပုံကတစ်ပုံ ငွေပုံကတစ်ပုံ ပုံထားပြီးတော့ ရွှေပုံငွေပုံနှစ်ပုံအလယ်မှာ နေရာခင်းထားပြီးတော့ ချွေးမကိုလည်း အလှဆုံးဖြစ်အောင် ပြင်ဆင်ခိုင်းထားပါတယ်။ ( ချွေးမဆိုသည်မှာ ရှင်သုဒိန်ရဟန်းမ၀တ်ခင် လူ့ဘ၀တုနုးက ဇနီးမယားကိုဆိုလိုသည်)

ရှင်သုဒိန်ကြွလာတဲ့ အခါမှာ ဖခင်သူဌေးကြီးက `` ချစ်သား..ဟောဒီ ရွှေပုံနှင့် ငွေပုံသည် သားရဲ့မိခင်ဖြစ်သူ အဖေနဲ့ လက်ထပ်ခဲ့စဉ်တုန်းက သနပ်ခါးဖိုး ပန်းဖိုးအဖြစ်နဲ့ သားရဲ့ဘိုးဘွားများက သားမိခင်ကို ပေးလိုက်တဲ့ ဥစ္စာကလေးများဖြစ်တယ်။ ဘိုးဘွားမိဘ အမွေအနှစ်နဲ့ ကူးသန်းရောင်ဝယ်လို့ ရရှိတဲ့ ပစ္စည်းဥစ္စာတွေမှာ မရေမတွက်နိုင်အောင် များပြားလှပါတယ်။ လူထွက်ပြီး ကုသိုလ်ကောင်းမှု ပြုချင်တိုင်းပြုနိုင်ပါတယ်။ လူထွက်ပါတော့´´လို့ ဖျောင်းဖျပြောဆိုပါတယ်။ (ဘုရားခေတ်က အိန္ဒိယနိုင်ငံရဲ့ ယဉ်ကျေးမှုအရ လက်ထပ်၍ပြီးသောအခါ မိန်းကလေးဖြစ်သူက ယောကျာင်္းလေး၏အိမ်သို့ လိုက်ပါသွားကြရပါတယ်။ အဲဒီလိုမျိုး လိုက်ပါသွားစဉ်က ရှင်သုဒိန်ရဲ့ ဘိုးဘွားများက သူတို့သမီး ယောက္ခမအိမ်ရောက်ရင် သနပ်ခါးဝယ်လိမ်းဖို့ ပန်းဝယ်ပန်ဖို့ ပေးလိုက်သော ဥစ္စာများဖြစ်သည်-ဟူလို)

ထိုအခါမှာ ရှင်သုဒိန်က လူမထွက်နိုင်တဲ့အကြောင်း သာသနာဘောင်မှာ အလွန်မွေ့လျော်၍ သာသနာတော်မှာသာ နေလိုကြောင်းကို ပြောပြသော်လည်း မရသဖြင့် တတိယအကြိမ်မှာ ``ဖခင်..ဆွဲမထုတ်ဘူးဆိုလျှင် စကားတစ်ခွန်းလောက် ပြောချင်စမ်းတယ်´´ အစချီ၍ ``ပြောတာပေါ့´´ ခွင့်ပြုသောအခါမှာ ``ဖခင်...ဖခင်၏ ရွှေငွေစသော ရတနာတွေကို အိတ်ကြီးတွေထဲမှာ ထည့်ပြီးတော့ လှည်းပေါင်းများစွာဖြင့် သယ်ယူပြီးလျှင် ဂင်္ဂါမြစ်လယ်ခေါင်မှာ သွားပစ်ချပြီးတော့ ရေမျှောလိုက်ပါ၊ အဲသလိုမျိုး လုပ်ပစ်လိုက်လျှင် ဖခင်မှာ စိုးရိမ်ကြောင့်ကြကင်း၍ ချမ်းသာခြင်းဖြစ်ပါလိမ့်မည်´´ ဟု ပြောဆိုလိုက်ပါတယ်။

သူဌေးကြီးဟာ သားဖြစ်သူ ရဟန်းတော်ရှင်သုဒိန်ရဲ့ စကားကိုကြားပြီးတော့ အလွန်စိတ်မချမ်းမသာဖြစ်သွားပါတယ်။ သူကိုယ်တိုင် သားဖြစ်သူကို ဖျောင်ဖျပြောဆိုလို့မရတဲ့အခါမှာ ချွေးကို ဖြားယောင်းခိုင်းပါတော့တယ်..။

...............................................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၄)

ထိုသို့နေစဉ်မှာပဲ ၀ဇ်ဇီတိုင်းတစ်ခုလုံး ငတ်မွတ်ခြင်းဘေးကြီး ဖြစ်ပွားခဲ့တယ်။ ဒီအခါမှာ ရှင်သုဒိန်ဟာ အခြားရဟန်းများနှင့် မိမိပါ ဆွမ်းကိစ္စလွယ်ကူစေရန် မယ်တော်ခမည်းတော်နှင့် ဆွေမျိုးများကို အားကိုးသောအားဖြင့် ရဟန်းများစွာကို ပင့်ခေါ်ပြီးတော့ ကလန္ဒရွာသို့ ကြွလာခဲ့ကြတယ်။ ထိုသို့ကြွလာကြောင်းကို ဆွေမျိုးများက ကြားသိကြ၍ ဆွမ်းအိုးအလုံးပေါင်း (၆၀)လောက်ကို ပို့လှုပေးကြပါတယ်။ ဒီအခါမှာ ရှင်သုဒိန်ဟာ ဆွမ်းအိုး(၆၀)လောက်ကို အခြားရဟန်းတော်များအား လှုဒါန်းပြီးတော့ မိမိကတော့ သပိတ်ပိုက်ကာ ရွာထဲကိုဆွမ်းခံ ထွက်ခဲ့ပါတယ်။

ဒီအခါမှာ မိမိ၏အိမ်မှ ကျွန်မတစ်ယောက်သည် ကျွန်များပင်မစားချင်လောက်အောင် သိုးနေသော မုယောမုန့်တိုို့ကို လမ်းသို့စွန့်ပစ်ရန် ထွက်အလာမှာ ရှင်သုဒိန်နဲ့ မျက်နှာချင်းဆိုင် ပက်ပင်းတိုးတွေ့ကြပါတယ်။ ရှင်သုဒိန်က ``အဲဒီမုန့်တွေကို စွန့်ပစ်မှာဆိုရင် ငါ့သပိတ်ထဲကိုသာ လောင်းထည့်လိုက်ပါ´´လို့ ပြောကြားလိုက်ပါတယ်။ ကျွန်မလောင်းထည့်တဲ့ မုန့်အသိုးတွေကို ရွာထဲမှာရှိတဲ့ ဇရပ်ပေါ်ကိုသွားပြီးတော့ ဘုဉ်းပေးတော်မူရှာပါတယ်။

ရှင်သုဒိန်ရဲ့အဖေသူဌေးကြီးက သူ့သားရဟန်းကြွလာတာကို မသိဘူးလား အခြားဆွေမျိုးများကကော သွားပြီး အကြောင်းမကြားကြဘူးလားလို့ မေးစရာတစ်ခု ဖြစ်လာပြန်ပါတယ်။ ရှင်သုဒိန်ရဲ့အဖေ သူဌေးကြီးဟာ သားရဟန်းကြွလာတာကို မသိရှာပါဘူး။ အခြားဆွေမျိုးများကလည်း မိဘသဘောမတူပဲ ရဟန်းဝတ်သွားတာဆိုတော့ ရှင်သုဒိန်ကြွလာတယ်လို့ သူဌေးကြီးကို သွားမပြောရဲတဲ့အတွက် သွားမပြောကြပါဘူး။

ကျွန်မကလည်း ရှစ်နှစ်လောက် တစ်ခါမှပြန်မတွေ့ပဲ ကွဲနေကွာနေတာတစ်ကြောင်း ဘုန်းကြီးဝတ်လိုက်တော့ ကတုံးကြီးနဲ့လည်းဖြစ်နေတာကတစ်ကြောင်း လူ့ဘ၀ကလိုမျိုး မဟုတ်တော့ပဲ ရုပ်ရည်ကပြောင်းလဲ သွားတာကတစ်ကြောင်းဆိုတော့ ရှင်သုဒိန်ကို သူတို့သခင်လေးဆိုတာ ရုတ်ချည်းမမှတ်မိပါဘူး။ နောက်မှ အသံနဲ့ လက်ခြေအနေအထားတို့ကို သတိထားမိပြီးမှ စဉ်းစားရင်းနဲ့ မိမိတို့ရဲ့ သခင်လေးသုဒိန်ဆိုတာကို သိလိုက်ရပါတယ်။

သေချာပြီဆိုမှ သူတို့ရဲ့အရှင်သခင် သူဌေးမကြီးကို သွားပြောပါတယ်။ သူဌေးကြီးက သူ့သားကိုလိုက်ခေါ်တော့ ဇရပ်ပေါ်မှာ မုန့်အသိုးတွေကို ဘုဉ်းပေးနေတာကို တွေ့တဲ့အခါမှာ ရင်ထုမနာတွေဖြစ်ပြီးတော့ အိမ်ကိုပင့်ပါတယ်။ ``ဒီကနေ့အတွက်တော့ ဆွမ်းကိစ္စပြီးပါပြီ´´လို့ ပြောပြီး ရှင်သုဒိန်က ငြင်းလိုက်ပါတယ်။ ဒီအခါမှာ သူဌေးကြီးက မနက်မှာ အိမ်ကိုဆွမ်းစားကြွပါလို့ ပင့်ပြီးပြန်သွားပါတယ်။

(ဆက်လက်တင်ပြပေးပါမည်)

.....................................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၃)

(မေထုနဓမ္မသိက္ခာပုဒ်ခေါ် ပထမပါရာဇိက-မူလပညတ်တော်

အမှုသည်အမည်=ရှင်သုဒိန်

ကျူးလွန်သောအမှု=ဇနီးဟောင်း၌ မေထုန်မှီဝဲမှု)

ဦးဇင်းပြီးခဲ့တဲ့အပတ်က သာသနာတော်ကို အမဲစက်မဌမဦှးဆုံး ချခဲ့တဲ့သူက ရှင်သုဒိန်လို့ပြောခဲ့တယ်နော်။ ဒီတစ်ပတ် သုဒိန်ရဲ့အကြောင်းကို ပြောကြတာပေါ့..။

ရှင်သုဒိန်ဆိုတဲ့ ရဟန်းတော်ဟာ အညတြရဟန်းတစ်ပါးတော့ မဟုတ်ပါဘူး။ သူဟာ ဝေသာလီပြည်အနီးက ကလန္ဒရွာမှာနေသော ကုဋေရှစ်ဆယ်ချမ်းသာတဲ့ ကလန္ဒသူဌေးရဲ့ တစ်ဦးတည်းသော သားလေးပါ။ တစ်နေ့တော့ သူဟာ အကြောင်းကိစ္စတစ်ခုရှိတာနဲ့ ဝေသာလီမြို့ပေါ်ကို ရောက်နေခဲ့ပါတယ်။ ဘုရားရှင်ကလည်း ဝေသာလီမြို့ကိုေ၇ာက်နေခိုက်နဲ့ ကြုံကြိုက်နေပြန်ပါတယ်။ သူဟာ ဘုရားရှင်ရဲ့တရားတော်ကို နားကြားနေရင်းနဲ့ ``ဤတရားတော်လာသည့်အတိုင်း နေထိုင်ကျင့်ကြံဖို့ ကိစ္စသည် လူ့ဘောင်မှာ မဖြစ်နိုင်၊ ရဟန်းပြုမှသာ တရားတော်အတိုင်း နေနိုင်မည်´´လို့ ကြံစည်မိပါတယ်။

သူဟာ တရားပွဲပြီးတာနဲ့ ဘုရားထံချဉ်းကပ်ပြီးတော့ ``တပည့်တော်ကို ရဟန်းပြုပေးပါဘုရား´´လို့ လျှောက်ထားပါတယ်။ ဒီအခါမှာ ဘုရားရှင်က ``မိဘတို့ခွင့်မပြုတဲ့ သားသမီးကို ရဟန်းပြု၍ မပေးကောင်း´´ဟု ပြန်လည်မိန့်ကြားတော်မူပါတယ်။ ဒါကြောင့်သူဟာ ကလန္ဒရွာကိုပြန်ပြီးတော့ ``သားကို ရဟန်းပြုခွင့်ပေးပါ´´လို့ မိဘတွေဆီမှာ ခွင့်တောင်းပါတယ်။ သုဒိန်ဟာ တစ်ဦးတည်းသော သားကလည်းဖြစ်နေသလို မိဘတွေကလည်း ဘာသာခြားတွေဖြစ်နေပါတယ်။ ဒါကြောင့် သုဒိန်ကို ရဟန်းပြုခွင့်မပေးပါဘူး။

ဒီတော့ သုဒိန်ဟာ ``ရဟန်းပြုခွင့်မပေးလျှင် လူ့လောကမှာ အသက်မရှင်ချင်တော့ သေချင်သေပါစေတော့´´လို့ ဓိဋ္ဌာန်ပြီးတော့ ထမင်း(၇)ထပ်လောက် အငတ်ခံပြီး ဆန္ဒပြမှ သူမိဘတွေက ရဟန်းပြုခွင့်ပေးလိုက်ပါတယ်။ သေသွားတာနဲ့စာလျှင် ရဟန်းဝတ်နဲ့ သားလေးကို မြင်နေရတာက တော်ပါသေးတယ်ဆိုပြီး ရဟန်းဝတ်ခွင့်ပေးခဲ့တာပါ။

သုဒိန်ဟာ ရဟန်းပြုပြီးတာနဲ့ ဓုတင်အကျင့်များကို ဆောက်ပြီးတော့ မိမိနေရပ်နဲ့ အင်မတန်ဝေးကွာလှတဲ့ ၀ဇ်ဇီတိုင်း အတွင်းမှာပါဝင်တဲ့ မထင်မရှားရွာလေးတစ်ရွာမှာ ဘာဝနာကမ္မဋ္ဌာန်းတရားတို့ကို ပွားများအားထုတ်ပြီးတော့ နေပါတယ်။ (ကိလေသာအညစ်အကြေးတို့ကို ခါထုတ်၍ ပစ်တတ်သောကြောင့် ``ဓုတင်´´ဟု ခေါ်ဆိုပါသည်)

(ဆက်လက်တင်ပြပေးပါမည်)

..........................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၂)

``ချစ်သား သာရိပုတ္တရာ ဆိုင်းငံ့ဦးလော့၊ သိက္ခာပုဒ်တော်များ ပညတ်ရန် သင့်လျော်သော အချိန်ကာလကို ငါဘုရား သိတော်မူသည်။ ယခုအချိန်မတန်သေး၊ ဤသာသနာတော်၌ ထေရ်ကြီးဝါကြီး များပြားလာသောအခါ လာဘ်လာဘပေါများသောအခါ ဗဟုသုတကြွယ်ဝသော ရဟန်းများ များပြားလာသောအခါ ကျူးလွန်မှု အပြစ်များ ထင်ရှားဖြစ်ပေါ်လာလိမ့်မည်။ ထိုအခါ ကျူးလွန်မှု အပြစ်များကို တားမြစ်ပိတ်ပင်ရန် ငါဘုရားသည် သိက္ခာပုဒ်တော်ကို ပညတ်တော်မူမည်၊

ယခုအချိန်အခါ၌ ရဟန်းသံဃာတော်အပေါင်းသည် အပြစ်ကင်း၏။ မှဲ့စက်မထင် ဖြူစင်၏။ အနှစ်ပြည့်ဝ၏။ ဤရဟန်း(၅၀၀)တိုတွင် အငယ်ဆုံးရဟန်းသည် သောတာပန်အရိယာပုဂ္ဂိုလ်ဖြစ်၏´´ဟု မိန့်ကြားတော်မူပါသည်။

မြတ်စွာဘုရားရှင် ပွင့်တော်မူပြိးစ -၀ါတော်နှစ်ဆယ် (ပထမဗောဓိ)အတွင်း၌ စစ်မှန်သော သဒ္ဒါတရားနှင့် ပြည့်စုံသည့် အမျိုးကောင်းသားများသာလျှင် သာသနာ့ဘောင်သို့ ၀င်ရောက်ခဲ့ကြ၍ ပါရာဇိက သံဃာဒိသိသ်စသော သိက္ခာပုဒ်တော်အကြီးစားများ ပညတ်ရန် မလိုသေးပါဘူး။

``မကျွမ်းကျင်သော ခွဲစိတ်ဆရာဝန်သည် အနာမဖြစ်ပေါ်မီ ကြိုတင်ခွဲစိတ် ကုသမှုပြုပါလျှင် လူနာ၏ ကျေးဇူးတင်မှုကို မရသည့်အပြင် အပြစ်တင်မှုကိုပင် ခံရပေလိမ့်မည်။ ကျွမ်းကျင်သော ခွဲစိတ်ဆရာဝန်သည်ကား ပြည်မှည့်သောအနာကို ခွဲစိတ်ကုသပေးသဖြင့် လူနာ၏ ကျေးဇူးတင်မှုကို ခံယူရပေလိမ့်မည်။´´ ဤအတူပါပဲ အလုံးစုံကို သိတော်မူသော မြတ်စွာဘုရားရှင်သည် အပြစ်ကျူးလွန်မှုများ ဖြစ်ပေါ်လာမှသာလျှင် ယင်းကျူးလွန်မှုများကို တားဆီးပိတ်ပင်ရန် သိက္ခာပုဒ်တော်များကို ပညတ်တော်မူခြင်းမူခြင်းဖြစ်သည်။

ဘုရားရှင်၏ ၀ါတော်နှစ်ဆယ်နောက်ပိုင်း ကာလများ၌ကား ကြီးလေးသော ပြစ်မှုများကို ကျူးလွန်ကြတဲ့ ရဟန်းများ ပေါ်ပေါက်လာခဲ့ပါတော့တယ်။

သာသနာတော်ကို ပဌမဦးဆုံးသော အမဲစက်ဖြစ်ပေါ်အောင် ပြုလုပ်လိုက်တဲ့သူကတော့ ဝေသာလီပြည်မြို့အနီးတွင်ရှိသော ကလန္ဒရွာ သူဌေးသား သုဒိန်ပဲဖြစ်ပါတယ်။

.................................................................................................မိုးသု(မန္တလေး)

ဆက်လက်ဖတ်ရှူရန် »

ဝိနည်းကျင့်ဝတ်ခေါ် ရဟန်းကျင့်ဖွယ် (၂၂၇)သွယ် (အပိုင်း-၁)

ဒီနေ့တော့ ၀ိနည်းတော်ပေါ့။ ပါတိမောက်ကိုအခြေခံပြီးတော့ လူတွေအနေနဲ့ သိထားသင့် သိထားထိုက်တာတွေကို ပို့ချပေးသွားမှာပါ။ ဒါကိုပို့ချပေးမယ်လို့ ကြေငြားတဲ့ နောက်တစ်ရက်မှာ အီးမေးလ်တစ်စောင် လက်ခံရရှိခဲ့တယ်။ သူ့အီးမေးလ်က ``လူတွေကို ၀ိနည်းသင်ပေးမယ်ဆိုတော့ ကိုယ့်ချီးထုပ်ကို ဖြေပြတာနဲ့ အတူတူပဲ..တဲ့။ အရှင်ဘုရား ငတ်သွားချင်လို့လား..တဲ့။ လူတွေကို ၀ိနည်းသင်မပေးပါနဲ့..တဲ့´´။ ဦးဇင်းက တွေးပါတယ်။ အခုခေတ်က လူတွေက ၀ိနည်းကို နားမလည်တော့ ထင်ရာမြင်ရာ အထူးအဆန်းလုပ်ပြနိုင်တဲ့ ပဋိယတ်မဟုတ် ပဋိပတ်မလုပ်နဲ့ နှစ်လုံးပေး သုံးသုံးပေးနဲ့ ထင်သလိုနေတဲ့ ဘုန်းကြီးအစုတ်အပြတ်တွေကို တကယ့်သူတော်ကောင်းကြီးတွေလို့ ထင်မှတ်နေကြတယ်။

ဝိနည်းတော်ကို လူတွေနားလည်ရင်တော့ ဒါမျိုးတွေ ပပျောက်သင့်သလောက်တော့ ပပျောက်သွားလိမ့်မယ်လို့ ဦးဇင်းကတွေးမိတယ်။ ကိုယ်က၀ိနည်းနဲ့ မညီတာလုပ်နေလို့ လူတွေက တွေ့သွားလို့ မကိုးကွယ်လည်းနေပေါ့။ ၀မ်းမနည်းပါဘူး။ ဘာပြုလို့လည်းဆိုတော့ ကိုယ့်ထက် ၀ိနည်းတော်ကို လေးစားတဲ့ မြတ်နိုးတဲ့ သီလရှိတဲ့ ရဟန်းတော်ကို ရှာပြီးကိုးကွယ်ကြမှာလေ။ ဒါဟာ တွေးကြည့်ရင် တကယ်ကို ကျေနပ်စရာကောင်းပါတယ်။ ဒုဿီလတွေကို ကိုးကွယ်နေတာနဲ့စာရင် ဒီအဖြစ်အပျက်က တကယ်ကို ကျေနပ်ဖွယ်ကောင်းပါတယ်။ ဒါကြောင့် ၀ိနည်းတော်ကို ပို့ချပေးရခြင်းဖြစ်ပါတယ်။

ဦးဇင်းတို့ ၀ိနည်းအကြောင်းကို ပို့ချမယ်ဆိုတော့ ၀ိနည်းသိက္ခာပုဒ်တော်တွေကို မပို့ချခင် ၀ိနည်းသိက္ခာပုဒ်တော်ကို ဘာကြောင့် ဘယ်လိုအကျိုးကျေးဇူးကြောင့် ဘုရားရှင်ပညတ်တော် မူခဲ့သလဲဆိုတာကို အရင်ပြောကြရအောင်ပါ..။

တစ်ခါတုန်းက မြတ်စွာဘုရားရှင်ကိုယ်တော်မြတ်ကြီးဟာ ဝေရဉ္စာပြည်မှာ ၀ါဆိုတော်မူတယ်။ အဲဒီအခါမှာ လက်ယာတော်ရံဖြစ်တော်မူတဲ့ အရှင်သာရိပုတ္တရာမထေရ်မြတ်က ``ပရိနိဗာန်စံလွန်တော် မူပြီးသော ဘုရားရှင်တို့တွင် အဘယ်ဘုရားရှင်၏ သာသနာတော်သည် ကြာမြင့်စွာ တည်တံ့ပါသနည်း၊ အဘယ်ဘုရားရှင်တို့၏ သာသနာတော်သည် ကြာမြင့်စွာ မတည်တံ့ပါသနည်း´´လို့ ဘုရားရှင်ကို မေးလျှောက်တော်မူခဲ့တယ်။

``၀ိပဿီမြတ်စွာဘုရား၊ သိခီမြတ်စွာဘုရား၊ ဝေဿဘူမြတ်စွာဘုရားတို့၏ သာသနာတော်သည် အရှည်မတည်တံ့။ အကြောင်းမူကား ထိုဘုရားရှင်တို့၏ တပည့်သာဝကများသည် တရားဒေသနာတော်ကို အကျဉ်းမျှ ဟောကြားရုံဖြင့် အာသဝေါကုန်ခန်း ရဟန္တာဖြစ်သွားကြကုန်၏။ ထိုကြောင့် တရားဒေသနာကို အကျယ်ကြားတော်မမူခဲ့။ ၀ိနည်းသိက္ခာပုဒ်တော်ကို ပညတ်တော်မမူခဲ့ကြကုန်။ ထိုဘုရားရှင်တို့ ပရိနိဗာန်စံလွန်တော်မူပြီးနောက် တပည့်သာဝက နှစ်ဆက်သုံးဆက် လွန်သောအခါ သာသနာတော် ကွယ်ပခဲ့လေသည်။

ကကုသန်မြတ်စွာဘုရား၊ ကောဏာဂုံမြတ်စွာဘုရား၊ ကဿပမြတ်စွာဘုရားတို့၏ သာသနာတော်သည် တည်တံ့၏။ အကြောင်းမူကား ထိုဘုရားရှင်တို့သည် တရားဒေသနာတော်ကို အကျယ်အားဖြင့် ဟောကြားတော်မူခဲ့၊ ၀ိနည်းသိက္ခာပုဒ်တော်ကို ပညတ်တော်မူခဲ့၊ ပါတိမောက်ကို ရွတ်ပြတော်မူခဲ့ကြကုန်၏။ ထိုဘုရားရှင်တို့ ပရိနိဗာန်စံလွန်တော်မူသောအခါ တပည့်သာဝက အဆက်ဆက်တို့သည် သာသနာတော်ကို အရှည်တည်တံ့ကြစေကုန်၏´´လို့ ဖြေကြားတော်မူခဲ့ပါတယ်။

အဲဒီအခါမှာ အရှင်သာရိပုတ္တရာမထေရ်မြတ်က မြတ်စွာဘုရားရှင်ကို လက်အုပ်ချီပြီးလျှင် ``သာသနာတော် အရှည်တည်တံ့စေခြင်းငှါ ၀ိနည်းသိက္ခာပုဒ်တော်ကို ပညတ်တော်မူရန် အချိန်တန်ပါပြီဘုရား၊ ပါတိမောက်ရွတ်ပြရန် အချိန်တန်ပါပြီဘုရား´´လို့ တောင်းပန်လျှောက်ထား ပြန်ပါတယ်။

(ဆက်လက်တင်ပြပေးပါမည်)
.................................................................................................မိုးသု(မန္တလေး)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၇) (၈) (၉)

သုမေဓာပညာရှိ ငယ်စဉ်ကလေးဘ၀ထဲက မိဘနှစ်ပါးတို့ဟာ ကွယ်လွန်သွားခဲ့ပါတယ်။ သုမေဓာအရွယ်ရောက်တဲ့ အခါမှာ ဘဏ္ဍာစိုးကြီးက ``အရှင်...ဤမျှလောက်သော ပစ္စည်းများကား သင်၏ အဘဖက်မှ ဆင်းသက်လာသော ပစ္စည်းများတည်း။ ဤမျှလောက်သော ပစ္စည်းများကား သင်၏ အမိဖက်မှ ဆင်းသက်လာသော ပစ္စည်းများတည်း။ ဤမျှလောက်သော ပစ္စည်းများကား သင်၏ အဘိုး အဘေးတို့ လက်ထက်မှ ဆင်းသက်လာသော ပစ္စည်းများတည်း´´ဟု အထပ်ဆွေမျိုးခုနှစ်ဆက်မှ ဆင်းသက်လာသော (ရရှိလာသော) ပစ္စည်းဥစ္စာရတနာတို့ကို ပြသပြီးလျှင် ``ဒီဥစ္စာရတနာတွေကို အလိုရှိသလို စီမံသုံးစွဲပါ´´လို့ လွဲပြောင်း အပ်နှင်းပေးပါတယ်။

သုမေဓာပညာရှိဟာ သူလက်ခံလိုက်တဲ့ ပစ္စည်းဥစ္စာတွေကို ကြည့်ပြီးတော့ ``ငါ၏ အဘ အဘိုး ဆွေမျိုးခုနှစ်ဆက်တို့သည် ဤမျှ များပြားစွာသော ဥစ္စာတို့ကို စုဆောင်းပြီးလျှင် ကွယ်လွန်ကြသောအခါ တစ်ကျပ်တစ်ပြားကိုမျှ မယူနိုင်ပဲ သွားကြရကုန်၏။ ငါသည်ကား ကွယ်လွန်သွားရာသို့ တစ်ကျပ်တစ်ပြားမျှ မကျန်အောင် ယူဆောင်သွားနိုင်တဲ့ အကြောင်းတရားကို ပြုလုပ်သင့်၏´´လို့ ဆင်ခြင်စဉ်းစားပြီးတော့ ကုသိုလ်ကောင်းမှုတို့ကို ပြုလုပ်ပြီးတော့ နေခဲ့ပါတယ်။

(ဆက်လက်တင်ပြပေးပါမည်) ......................................................................မိုးသု(မန္တလေး)

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၈)ဲ့

တစ်နေ့သောအခါမှာ သုမေဓာပညာရှိသည် ပြာသာဒ်အထက်ထပ်သို့ ထက်၍ ဆိတ်ငြိမ်ရာအရပ်၌ တင်ပလ္လင်ဖွဲ့ခွေ နေထိုင်ပြီးလျှင် ဤသို့ ကြံစည်တော်မူပါတယ်....။

ဘ၀သစ်၌ဖြစ်ခြင်း(ပဋိသန္ဓေနေရခြင်း)သည် ဆင်းရဲလှ၏။ ခန္ဓာကိုယ်၏ ပျက်စီးရခြင်း(သေရခြင်း)သည်လည်း ဆင်းရဲလှ၏။ အိုခြင်းတရားသည် လွှမ်းမိုးနှိပ်စက်အပ်သည်ဖြစ်၍ တွေတွေဝေေ၀ သေရခြင်းသည်လည်း ဆင်းရဲလှ၏။

ပဋိသန္ဓေနေရခြင်းသဘော အိုရခြင်းသဘော နာရခြင်းသဘောရှိသောငါသည် မအိုရာ မနာရာ မသေရာ ဘေးကုန်ခန်းရာ အေးငြိမ်းရာဖြစ်သော နိဗ္ဗာန်တရားကို ရှာမှီးပေအံ့။

ကျင်ငယ် ကျင်ကြီး ပြည်သွေး သည်းခြေ သလိပ် တံတွေး ချွဲ နှပ်အစရှိသည့် အထူးထူးသော အပုပ်မျိုးတို့ဖြင့် ပြည့်၍နေသော ဤကိုယ်ကောင်ပုပ်ကို ငါသည် မငဲ့မကွက် အလိုမရှိပဲ စွန့်လွှတ်၍ သွားနိုင်ပါမူ ကောင်းလေစွာ့..။

ထိုအေးငြိမ်းရာ နိဗ္ဗာန်သို့ သွားရောက်ကြောင်း ခရီးကောင်းသည် ရှိသည်ဧကန်ဖြစ်ပေလိမ့်မည်။ ထိုလမ်းသည် မရှိပဲနေခြင်းငှါ မတတ်စကောင်း။ ဘ၀အနှောင်အဖွဲ့မှ လွတ်မြောက်ရန် ထိုနိဗ္ဗာန်ရောက်ကြောင်း ခရီးကောင်းကို ငါကား ရှာမှီးပေတော့အံ့..။

ဥပမာအားဖြင့် ဆင်းရဲခြင်း(ဒုက္ခ)တရား ထင်ရှားရှိလတ်သော် ကိုယ်စိတ်ချမ်းသာခြင်း(သုခ)တရား လောက၌ ထင်ရှားရှိသကဲ့သို့ ဤအတူ ၀ဋ်ဒုက္ခ၏ဖြစ်ခြင်း ဘ၀တရား ထင်ရှားရှိလတ်သော် ထိုဝဋ်ဒုက္ခ၏မဖြစ်ခြင်း နိဗ္ဗာန်တရားကိုလည်း အလိုရှိအပ်(သိမှတ်အပ်)သည်သာတည်း..။

(ဆက်လက်တင်ပြပေးပါမည်)

..........................................................................................................မိုးသု(မန္တလေး)

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၉)

“ဥပမာ တစ်နည်းအားဖြင့် အပူရှိလျှင် ထိုအပူမှ တစ်ပါးဖြစ်သော အအေးလည်းရှိသကဲ့သို့ ဤအတူ ရာဂမီး ဒေါသမီး မောဟမီး ဤမီးသုံးပါးထင်ရှားရှိလျှင် ထိုမီးသုံးပါးကို ငြိမ်းစေတတ်သော နိဗ္ဗာန်တရားကိုလည်း အလိုရှိအပ်(သိမှတ်အပ်)သည်သာတည်း”


“ဥပမာ တစ်နည်းအားဖြင့် မကောင်းမှု အကုသိုလ်တရား ထင်ရှားရှိလျှင် ကောင်းမှု ကုသိုလ်တရားလည်း ထင်ရှားရှိသကဲ့သို့ ဤအတူပင် ဇာတိပဋိသန္ဓေနေရခြင်း ဇာတိတရားထင်ရှားရှိလျှင် ထိုဇာတိကို ကုန်စေတတ်သည့် ပဋိသန္ဓေနေခြင်းကင်းရာ နိဗ္ဗာန်တရားကိုလည်း အလိုရှိအပ်(သိမှတ်အပ်)သည်သာတည်း”


ဤသို့ အကြံတော်ဖြစ်ပြီး ဆက်၍တဖန် လေးနက်စွာ အကြံတော်ဖြစ်ပြန်သည်မှာ...........


“ဥပမာအားဖြင့် မစင်တွင်း၌ ကျရောက်နေသော (တစ်နည်းအားဖြင့်=မစင်လိမ်းကပ်နေသော) ယောကျာင်္းသည် ကြာမျိုးငါးပါးတို့ဖြင့် တန်ဆာဆင်အပ်၍ ကြည်လင်သော ရေရှိသည့် တဖက်ဆည်ကန်ကြီးကို မျက်ဝါးထင်ထင် အဝေးမှ တွေ့မြင်နေရပါလျက် ထိုတဖက်ဆည်ကန်ကြီးသို့ သွားရောက်ရန် လမ်းမှန်ကို မရှာမှီးလျှင် ထို့သို့မရှာမှီးခြင်းသည် တဖက်ဆည်ကန်ကြီး၏ အပြစ်မဟုတ်၊ ထိုမစင်လိမ်းကပ်နေသော ယောကျာင်္း၏ အပြစ်သာဖြစ်သကဲ့သို့၊ ဤအတူ ကိလေသာ အညစ်အကြေးတို့ကို ဆေးလျှော်ရာဖြစ်သော နိဗ္ဗာန်တည်းဟူသော တစ်ဖက်ဆည်ကန်ကြီး ထင်ရှားရှိပါလျက် ထိုနိဗ္ဗာန်တည်းဟူသော တဖက်ဆည်ကန်ကြီးကို မရှာမှီးလျှင် ထိုသို့မရှာမှီးခြင်းသည် တဖက်ဆည်ကန်ကြီး၏ အပြစ်မဟုတ်”


(ဆက်လက်တင်ပြပေးပါမည်)


..................................................................................................မိုးသု(မန္တလေး)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၆)

ထိုအမရ၀တီနေပြည်တော်၌ သုမေဓာအမည်ရှိသော ပုဏ္ဏားသည်နေ၏။ (ချီးမွှမ်းအပ်သော ပညာရှိသောကြောင့် သုမေဓ ဟူ၍ ထင်ရှားလေသည်)

ထိုသုမေဓာပုဏ္ဏားသည် အမိဘက်မှလည်း ပုဏ္ဏားမျိုးအဆက်ဆက်က ဆင်းသက်လာသော မိခင်၊ အဘဖက်မှလည်း ပုဏ္ဏားမျိုးအဆက်ဆက်က ဆင်းသက်လာသော ဘခင်ဖြစ်သဖြင့် အမိအဘနှစ်ဖက်စုံမှ ကောင်းသော ဗြဟ္မဏဇာတ်ရှိသူဖြစ်သည်။ သုမေဓာသည် ရောဂါသန့်စင်သော မိခင်ဝမ်း၌လည်း ပဋိသန္ဓေနေခဲ့ရသူဖြစ်သည်။ အထက်ဆွေခုနှစ်ဆက် မျိုးခုနှစ်ဆက်တိုင်အောင် ``ဤသူသည် အမျိုးဇာတ် ယုတ်ညံ့သောသူတည်း´´ဟူ၍ အမျိုးဇာတ်ကို စွဲ၍ဖြစ်သော စကားဖြင့် မကဲ့ရဲ့ထိုက်သောဖြစ်သည်။

အလွန်လှပတင့်တယ်၍ မြင်ရသူတိုင်း၏ စိတ်နှလုံးကို အေးချမ်းစေသော ရုပ်ရည်ရူပကာယနှင့် ပြည့်စုံသော သူတစ်ယောက်ဖြစ်သည်။ စီးပွါးအရေးအနေအားဖြင့်လည်း ကုဋေပေါင်းများစွာ ချမ်းသာကြွယ်သော သူတစ်ယောက်ဖြစ်သည်။ ဣရု ယဇု သာမဟူသော ဗေဒင်သုံးပုံကိုလည်း တစ်ဖက်ကမ်းခတ် တတ်မြောက်ထား၍ အလွတ်အာဂုံဆောင်ထားသော သူတစ်ယောက်ဖြစ်သည်။

အဘိဓာန်ကျမ်းဟုခေါ်ဆိုအပ်သော နိဃဏ္ဍုကျမ်း၊ အလင်္ကာကျမ်းဟုခေါ်ဆိုအပ်သော ကေဋုဘကျမ်း၊ အက္ခရပဘေဒဟုဆိုအပ်သော သဒ္ဒါကျမ်း၊ ရှေးဟောင်းဇာတ်ဝတ္ထုများကို ဖော်ပြထားသော ပုရာဏ်ကျမ်းဟုခေါ်ဆိုအပ်သော ဣတိဟာသကျမ်းတို့ကိုလည်း ကမ်းတစ်ဘက်ခတ် တတ်မြောက်ကျွမ်းကျင်သော သူတစ်ယောက်ဖြစ်သည်။

ဗျာကရုဏ်းကျမ်း လောကာယကျမ်း မဟာပုရိသလက္ခဏာတော်ကျမ်းတို့ကိုလည်း အဆီးအတားမရှိ တတ်မြောက်ထားသောသူတစ်ယောက်ဖြစ်သည်။

(ဆက်လက်တင်ပြပေးပါမည်)

.........................................................................................................မိုးသု(မန္တလေး)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၅)

ဦးဇင်းတို့ ဒီနေ့တော့ သုမေဓာရှင်ရသေ့အကြောင်းကို ပြောကြရအောင်။ မဖြစ်မနေ သိသင့်သိထိုက်တဲ့ အခြေခံအချက်ကလေးတွေ ပြောနေတာနဲ့ အခုထိဇာတ်ကြောင်းကို မပြောဖြစ်သေးဘူး။ ဒီနေ့တော့ ဇာတ်ကြောင်းကို ပြောကြတာပေါ့။ ဇာတ်ကြောင်းပြောပြလိုက်မှ တချို့အချက်တွေက ပိုပြီးနားလည်ကြမယ်လို့ ထင်ပါတယ်။ ကဲ..သုမေဓာအကြောင်းကို စလိုက်ကြရအောင်...။

တကယ်တော့ ဒီဗုဒ္ဓ၀င်အကြောင်းအရာတွေကို လက်ယာတော်ရံဖြစ်တော်မူတဲ့ အရှင်သာရိပုတ္တရာ မထေရ်မြတ်က ``ဗုဒ္ဓ၀င်ကိုဟောတော်မူပါ´´လို့ တောင်းပန်လျှောက်ထားတဲ့အတွက် ဘုရားရှင်ကိုယ်တော်မြတ်ကြီး ကိုယ်တော်တိုင် ဟောကြားတော်မူခဲ့တာပါ။ အဲဒီလိုဟောကြားတော်မူတဲ့အခါမှာလည်း ``သုမေဓာရှင်ရသေ့ဘ၀မှ စတင်ပြီးတော့´´ဟောကြားတော်မူခဲ့တာပါ။ (အရှင်သာရိပုတ္တရာ ဗုဒ္ဓ၀င်ဟောကြားရန် တောင်းပန်ခြင်းအကြောင်းအရာသည် နောက်ပိုင်း၌ အကျယ်ပြတင်ပြပေးပါအံ့)

ဤကမ္ဘာမှ နောက်ပြန်ရေတွက်သည်ရှိသော် ``လေးအသင်္ချေနှင့် ကမ္ဘာတစ်သိန်း´´အထက်၌ ``အမရ၀တီ´´ အမည်ရှိသော နေပြည်တော်သည် ထင်ရှားဖြစ်ပေါ်ခဲ့၏။ ( အမရ=နတ် (မသေနိုင်သောလူမျိုး) ၀တီ=ရှိသည်၊ နတ်များရှိသောနေပြည်တော်(သို့) မသေသောလူများရှိသောနေပြည်တော်-ဟူလို)

အမရ၀တီနေပြည်တော်သည်ကား အရာရာတိုင်းမှာ စည်းစံနစ်ကျနစွာ စီမံထားသော မြို့တော်ဖြစ်၏။ ဗရမ်းပတာပေါက်လိုပဲစား ကလေကချေ နေပြည်တော်မဟုတ်ပါ။ အမရ၀တီနေပြည်တော်သည် မွေ့လျော်ဖွယ်ကောင်း၏။ ဆန်ရေစပါးပေါများ၏။ လူတို့၏ အသုံးအဆောင်အမျိုးမျိုး ပေါကြွယ်ဝ၏။ ထို့ကြောင့် အမရ၀တီနေပြေည်တော်ကို ရောက်လာသမျှဖြစ်ကုန်သော နတ်လူတို့၏ စိတ်နှလုံးကို ကြည်လင်ရွှင်ပျစေနိုင်၏။

ဆင်သံ မြင်းသံ ရထားသံ စည်ကြီးသံ မုရိုးစည်သံ စောင်းသံ သီးချင်းသံ ခရုသင်းသံ စည်းဝါးသံ ဖိတ်ကြားသံ ဟူသော အသံဆယ်ပါးတို့ဖြင့် တရံမဆိတ် အမြဲသာယာစည်ကားလှကုန်၏။ (အခြားသောမြို့များကား အမှိုက်သရိုက် လှည်းကြကုန်၊ ပေါက်တူးပေါက်ချွန်းနှင့် မြေသယ်တောင်းကို ယူခဲ့ကြကုန်။ အရပ်တပါးသို့ ပြောင်းရွေ့ကြကုန်အံ့။ ဆန်ထုပ် ထမင်းထုပ် ယူခဲ့ကြကုန်။ စစ်ချီကြကုန်အံ့။ လက်နက်လေးမြားစသည် အသင့်ပြင်ထားကြကုန် အစရှိသည်ဖြင့် မသာမယာမစည်းကား မြို့ရွာချောက်ခြားသော အသံများသာ များပြားလှသော်လည်း အမရ၀တီနေပြည်တော်မှာကား ထိုအသံမျိုးမရှိပဲ ဆင်သံ မြင်းသံစသော အသံဆယ်ပါးတို့ဖြင့် အမြဲသာယာစည်ကား၍ နေသည်-ဟူလို)

(ဆက်လက်တင်ပြပေးပါမည်)

..................................................................................................မိုးသု(မန္တလေး)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၄)

ပြီးခဲ့တစ်ပတ်က ဦးဇင်းတို့ နိယတဗျာဒိတ်တော်ခံယူမည့် ရင့်သောဘုရားအလောင်းတော်များဟာ အင်္ဂါရှစ်ချက်နဲ့ ပြည့်စုံမည့်အကြောင်းရယ် ပြည့်စုံရမည့်အင်္ဂါရှစ်ချက်ရယ်ကို ပြောခဲ့ကြတယ်နော်..။

အဲသလိုအင်္ဂါရှစ်ချက်နဲ့ ပြည့်စုံတဲ့အလောင်းတော်များဟာ သက်တော်ထင်ရှား မြတ်စွာဘုရားဆီကနေ ဗျာဒိတ်တော်မခံခင် အချိန်ပိုင်းလေးအတွင်းမှာ (ဘုရားဆုမပန်ခင်အချိန်ပိုင်းလေးအတွင်းမှာ) အကယ်၍ ထိုဘုရားရှင်၏ အထံတော်မှာ သာဝကဗောဓိဥာဏ်ရယူလိုပါက (ရဟန္တာအဖြစ်နဲ့ ကျွတ်တန်းဝင်လိုပါက) မြတ်စွာဘုရားအထံတော်မှ လေးပါဒရှိသော တရားဂါထာကို ကြားနာစဉ် ``တတိယပါဒမပြီးဆုံးမှီပင်´´ အဘိညာဉ်ခြောက်ပါး ပဋိသမ္ဘိဒါလေးပါးတို့နှင့်တကွ အရဟတ္တဖိုလ်သို့ ရောက်ခြင်းရခြင်းငှါစွမ်းနိုင်သော ဥပနိဿယအကြောင်းရှိသူဖြစ်၏။ ဤကဲ့သို့သော ပုဂ္ဂိုလ်မျိုးကို ပါဠိလို ``ဥဂ်ဃာဋိတညူ´´ ပုဂ္ဂိုလ်ဟု ခေါ်ဆို၏။

သက်တော်ထင်ရှား မြတ်စွာဘုရားဆီကနေ ဗျာဒိတ်တော်မခံခင် အချိန်ပိုင်းလေးအတွင်းမှာ (ဘုရားဆုမပန်ခင်အချိန်ပိုင်းလေးအတွင်းမှာ) အကယ်၍ ထိုဘုရားရှင်၏ အထံတော်မှာ သာဝကဗောဓိဥာဏ်ရယူလိုပါက (ရဟန္တာအဖြစ်နဲ့ ကျွတ်တန်းဝင်လိုပါက) မြတ်စွာဘုရားအထံတော်မှ လေးပါဒရှိသော တရားဂါထာကို ကြားနာစဉ် ``စတုတ္ထပါဒမပြီးဆုံးမှီ (ဂါထာမပြီးဆုံးမှီ)´´ အဘိညာဉ်ခြောက်ပါး ပဋိသမ္ဘိဒါလေးပါးတို့နှင့်တကွ အရဟတ္တဖိုလ်သို့ ရောက်ခြင်းရခြင်းငှါစွမ်းနိုင်သော ဥပနိဿယအကြောင်းရှိသူဖြစ်၏။ ဤကဲ့သို့သော ပုဂ္ဂိုလ်မျိုးကို ပါဠိလို ``၀ိပဉ္စိတညူ´´ဟု ခေါ်ဆို၏။

သက်တော်ထင်ရှား မြတ်စွာဘုရားဆီကနေ ဗျာဒိတ်တော်မခံခင် အချိန်ပိုင်းလေးအတွင်းမှာ (ဘုရားဆုမပန်ခင်အချိန်ပိုင်းလေးအတွင်းမှာ) အကယ်၍ ထိုဘုရားရှင်၏ အထံတော်မှာ သာဝကဗောဓိဥာဏ်ရယူလိုပါက (ရဟန္တာအဖြစ်နဲ့ ကျွတ်တန်းဝင်လိုပါက) မြတ်စွာဘုရားအထံတော်မှ လေးပါဒရှိသော တရားဂါထာကို ကြားနာ၍ ထိုဂါထာပြီးဆုံးလျှင် အဘိညာဉ်ခြောက်ပါး ပဋိသမ္ဘိဒါလေးပါးတို့နှင့်တကွ အရဟတ္တဖိုလ်သို့ ရောက်ခြင်းရခြင်းငှါစွမ်းနိုင်သော ဥပနိဿယအကြောင်းရှိသူဖြစ်၏။ ဤကဲ့သို့သော ပုဂ္ဂိုလ်မျိုးကို ပါဠိလို ``နေယျ´´ပုဂ္ဂိုလ်ဟု ခေါ်ဆို၏။

ဒီအလောင်းတော်သုံးမျိုးဟာ သူတို့ဖူးတွေ့ရနေတဲ့ သက်တော်ထင်ရှားဘုရားရှင်ရဲ့ အထံတော်မှာ သာဝကအဖြစ်ဖြင့် ကျွတ်တန်းမ၀င်ပဲနဲ့ ဘုရားဆုပန်လိုက်ကြတဲ့အခါမှာ....

ဥဂ်ဃာဋိတညူပုဂ္ဂိုလ်ဟာ ပညာဓိကဘုရားလောင်းဖြစ်သွားတယ်။

ဝိပဉ္စိတညူပုဂ္ဂိုလ်ဟာ သဒ္ဒါဓိကဘုရားလောင်းဖြစ်သွားတယ်။

နေယျပုဂ္ဂိုလ်ဟာ ၀ီရိယာဓိကဘုရားလောင်းဖြစ်သွားတယ်။

အမှန်ကတော့ မှတ်ရတာလွယ်အောင်လို့ ပညာဓိကဘုရားလောင်းလို့ လွယ်လွယ်ပြောဆိုနေကြတာပါ။ စကားလုံးဖလှယ်ပြီးတော့ သုံးလိုက်တဲ့သဘောပါပဲ။ဥဂ်ဃာဋိတညူလို့ပဲခေါ်ခေါ် ပညာဓိကလို့ပဲခေါ်ခေါ် အတူတူပါပဲ။ မှတ်သားရတာကတော့ ပညာဓိကဆိုတာက ပိုပြီးတော့လွယ်တာပေါ့။

ဒါနဲ့ အရှင်ဘုရား ဘာဖြစ်လို့ အလောင်းတော်တွေဟာ ဥဂ်ဃာဋိတညူစသည်ဖြင့် သုံးမျိုးကွဲသွားရတာလို့ မေးစရာရှိနေပြန်ပြီ။ အဖြေကတော့ ``နုသောအလောင်းတော်ဘ၀နှင့် ပါရမီဖြည့်စဉ်က သူတို့ရဲ့သန္တာန်မှာ ထားရှိကြတဲ့ စိတ်နေစိတ်ထားတွေရဲ့ အကျိုးဆက်ကြောင့် ကွဲပြားသွားရတယ်´´လို့ ဖြေရမှာပဲနော်..။

(ဆက်လက်တင်ပြပေးပါမည်)

.....................................................................................................မိုးသု(မန္တလေး)

ဒီအပိုဒ်ကို နားလည်ကြပါ့မလားလို့တောင် စိုးရိမ်နေတယ်။ နားမလည်ကြရင် ပြန်မေးပေါ့။ အမှန်ကတော့ အခုလိုစားရေးပြီး သင်နေရတာနဲ့စာရင် ပါးစပ်ကနေ ရှင်းပြတာက ပိုပြီးထိရောက်တာပေါ့။ ဒါပေမယ့် အဲလိုကြတော့လည်း မဖြစ်နိုင်ဘူးဆိုတော့ ဖြစ်သလိုလုပ်ကြရတာပေ့ါ။ မရှင်းတာရှိရင် နားမလည်တာရှိရင် ပြန်မေးကြပါ။ မရှက်ကြပါနဲ့ မကြောက်ကြပါနဲ့။ ဦးဇင်းကတော့ နားလည်နိုင်လောက်အောင်တော့ ရှင်းပြထားပေမယ့် နားမလည်ခဲ့ရင် ပြန်မေးကြပေါ့။ ဟုတ်လား..ဦးဇင်းတို့ ကလေးဘ၀ ကိုရင်ဘ၀ ငယ်တုန်းကလည်း ဒီလိုပဲနားမလည်တာရှိရင် ပြန်မေးရတာပါပဲ။ ဆရားသမားတွေကတော့ ဦးဇင်းတို့တွေ နားလည်နိုင်မယ်ထင်တဲ့ စကားလုံးတွေနဲ့ ရွေးချယ်ပြီးတော့ ရှင်းပြပေမယ့် တစ်ခါတစ်လေ နားမလည်တဲ့အခါမျိုးတွေ ရှိခဲ့ဘူးပါတယ်။ ဒီတော့ ကိုယ်နားမလည်တာကို ဆရာသမားတွေကို ပြန်မေးရတာပါပဲ။ ရှက်မဟုတ်သလို ရှက်စရာလည်း မရှိပါဘူး။ နားမလည်ရင် ပြန်မေးကြပါ။

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၃)

အလောင်းတော် သုံးမျိုးကွဲပြားသွားရခြင်းရဲ့ အကြောင်းရင်းကို ပြောကြရအောင်..။ ဘုရားအလောင်းတော်များဟာ လွယ်ကူကူနဲ့ ဘုရားအလောင်းဖြစ်လာကြတာ မဟုတ်ဘူး။ ဘုရားအလောင်းတော်ဖြစ်ဖို့ ကမ္ဘာပေါင်းများစွာ ပါရမီဖြည့်ကြရသေးတယ်..။ နုသောဘုရားလောင်းနှင့် ရင့်သောဘုရားလောင်းဆိုပြီးတော့ နှစ်ခုခွဲခြားပြီးတော့ ရှေးဦးစွာ မှတ်သားထားကြရမယ်။ နုသောဘုရားလောင်းဆိုတာက သူဟာ ဘုရားဖြစ်မယ် မဖြစ်ဘူးဆိုတာ မသေချာသေးဘူး။ သက်တော်ထင်ရှား သဗ္ဖညုတဘုရားရှင်တွေရဲ့ မျက်မှောက်တော်ကနေ ``သင်ဟာ ဘုရားစင်စစ် ဧကန်ဖြစ်လိမ့်မယ်´´ လို့ ဗျာဒိတ်တော်ပေးခြင်းကို မခံယူရသေးဘူး။ သူ့ဘာသာ ဘုရားဖြစ်ဖို့ ပါရမီဖြည့်နေရတယ်။ ဒါကို နုသောဘုရားလောင်းလို့ ခေါ်ဆိုတယ်။

သောတ္တကီကျမ်းအလိုပြောရမယ်ဆိုရင်တော့ ဂေါတမဘုရားရှင်ဟာ နုသောဘုရားလောင်းအဖြစ်နဲ့ (၁၆)အသင်္ချေပါရမီဖြည့်ပြီးမှ ရင့်သောဘုရားလောင်းဖြစ်တဲ့ ``သုမေဓာရသေ့´´ဘ၀ကို ရရှိခဲ့တယ်လို့ ဖော်ပြထားတယ်။ ဒီလောက်ဆိုရင် ရင့်သောဘုရားလောင်းနဲ့ နုသောဘုရားလောင်းကို နားလည်လောက်ပြီးလို့ ထင်ပါတယ်။

ရင့်သောဘုရားလောင်းတွေများသာ သက်တော်ထင်ရှား ဘုရားရှင်တွေဆီကနေ သင်ဟာ ဘုရားစင်စစ် ဧကန်ဖြစ်လိမ့်မယ်ဆိုတဲ့ နိယတဗျာဒိတ်တော်ကို ခံယူနိုင်စွမ်းရှိတယ်။ နုသောဘုရားလောင်းတွေဟာ နိယတဗျာဒိတ်တော်ကို ခံယူနိုင်တဲ့ အစွမ်းအစမရှိပါဘူး။ ဘာဖြစ်လို့လည်းဆိုတော့ နိယတဗျာဒိတ်တော် ခံယူမည့် ပုဂ္ဂိုလ်တွေဟာ အောက်ပါ အချက်တွေနဲ့ ပြည်စုံရမှာမို့ ဖြစ်ပါတယ်။ ပြည့်စုံရမည့် အချက်တွေကတော့....

၁။ လူဇာတ်စင်စစ် ဧကန်ဖြစ်ရခြင်း.။

၂။ ယောကျာ်းစင်စစ် ဧကန်ဖြစ်ရခြင်း..။

၃။ ထိုဘ၀မှာပင် အရဟတ္တဖိုလ်ရနိုင်လောက်သော ကုသိုလ်ပါရမီထူးနှင့် ပြည့်စုံသူ ဖြစ်ရခြင်း.။

၎။ သက်တော်ထင်ရှား မြတ်စွာဘုရားကို ဖူးတွေ့ရခြင်း။

၅။ ကမ္မ၀ါဒီရသေ့ (သို့) သာသနာတွင်း ရဟန်းဖြစ်ခြင်း။

၆။ ဈာန်သမာပတ် ဂုဏ်ကျေးဇူးနှင့် ပြည့်စုံသူဖြစ်ရခြင်း။

၇။ ကိုယ့်အသက်ကို မငဲ့ကွက်ပဲ အလွန်အကျူး ပါရမီကုသိုလ်တို့ကို ပြုစုပွားများ အားထုတ်ခြင်း။

၈။ ဘုရားအဖြစ်ကို တောင့်တအားကြီးသော ကုသိုလ်ဆန္ဒရှိသူဖြစ်ခြင်း..။ ဆိုတဲ့ အချက်(၈)ချက် ပြည့်စုံမှသာလျှင် ရင့်သောဘုရားလောင်းအဖြစ်နဲ့ နိယတဗျာဒိတ်တော်ကို ခံယူနိုင်ပါတယ်။

ဒီအချက်(၈)ချက်ကို ကြည့်ရင် ဘုရားဖြစ်ဖို့ဝေးလို့ နိယတဗျာဒိတော်ရနိုင်တဲ့ ရင့်သော ဘုရားလောင်းဖြစ်ဖို့တောင် မလွယ်ဘူးဆိုတာ သိသာမြင်သာပါတယ်။

(ဆက်လက်တင်ပြပေးပါမည်)

................................................................................................မိုးသု(မန္တလေး)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၂)

`သမ္မာသမ္ဖောဓိဥာဏ်ရရှိဖို့ လိုလားတောင့်တသော ကုသိုလ်ဆန္ဒ ပြင်းထန်သော သူများကိုတော့ သမ္မာသမ္ဖောဓိသတ္တ=သဗ်ဗညုဘုရားလောင်းလို့ ခေါ်ဆိုတာပေါ့။´´

ဒီနေရာမှာ တစ်ခုမှတ်သားစရာရှိတာက သဗ္ဖညုဘုရားလောင်းများဟာ..

၁။ ပညာဓိကဘုရားလောင်း။

၂။ သဒ္ဒါဓိကဘုရားလောင်း။

၃။ ၀ီရိယာဓိကဘုရားလောင်းလို့ သုံးမျိုးသုံးစား ကွဲပြားပြန်တယ်။

ပညာဓိကဘုရားလောင်းတော်များကြတော့ သဗ္ဖညုတဥာဏ်တော်မြတ်ကို ရရှိပြီးတော့ ဘုရားစင်စစ် ဧကန်ဖြစ်ဖို့အတွက် လေးအင်္ချေနဲ့ ကမ္ဘာတစ်သိန်းပါရမီဖြည့်ကြရတယ်။

သဒ္ဒါဓိကဘုရားအလောင်းတော်များကြတော့ ရှစ်အင်္ချေနှင့် ကမ္ဘာတစ်သိန်းပါရမီဖြည့်ကြရတယ်။

ဝီရိယာဓိကဘုရားအလောင်းတော်များကြတော့ တစ်ဆယ့်ခြောက်အသေင်္ချနှင့် ကမ္ဘာတစ်သိန်း ပါရမီဖြည့်ကြရတယ်။

ပါရမီဖြည့်ရာမှာ ကာလတွေ အခုလို ကွာခြားသွားရတာက အကြောင်းရှိတယ်။ ဒီအကြောင်းကို လူတွေ ရင်ထဲမှာ ထာဝစဉ်ကိန်းထားပြီးတော့ လက်တွေ့ဘ၀မှာ ဆင်ခြင်သင့်တယ်။ ကဲ ကွာခြားရတဲ့အကြောင်းကို ဆက်ပြောကြရအောင်။

ပညာဓိကဘုရားအလောင်းတော်များကြတော့ ဥာဏ်ပညာက ထက်မြက်တယ် စူးရှတယ်။ သူတို့တွေဟာ ပါရမီဖြည့်တဲ့နေရာမှာ ပညာနဲ့ အရာရာကို ချင့်ချိန်တယ် သုံးသပ်တယ်။ အရာရာကို ဥာဏ်လေးနဲ့ ဥာဏ်ချင့်ချိန်ပြီးတော့ ပါရမီဖြည့်တဲ့အတွက် လေးအင်္ချေနှင့် ကမ္ဘာတစ်သိန်း ကာလအတွင်းမှာ သဗ္ဖညုတဥာဏ်တော်မြတ်ကို ရရှိစေနိုင်တဲ့ အကြောင်းပါရမီတော်ကို အလုံအလောက် ပြည့်သွားရခြင်းဖြစ်တယ်။

သဒ္ဒါဓိကဘုရားအလောင်းတော်များကြတော့ ``ပါရမီဖြည့်လျှင် ဘုရားဖြစ်နိုင်သည်´´ဆိုတဲ့ ယုံကြည်ချက်ကလေးရှိတယ်။ သူတို့ရဲ့စိတ်သန္တာန်မှာ သဒ္ဒါတရားက လွန်ကဲနေတယ်။ ပညာက ရှေ့မဆောင်နိုင်ဘူး။ သဒ္ဒါတရားက ရှေ့ဆောင်ဖြစ်နေတယ်။ အဲဒီအတွက် ရှစ်အသင်္ချေနှင့် ကမ္ဘာတစ်သိန်း ပါရမီဖြည့်မှ ဘုရားဖြစ်နိုင်တဲ့ ပါရမီတော်ဟာ ပြည့်ဝသွားတယ်။

ဝီရိယာဓိကဘုရားအလောင်းတော်များကြတော့ ပညာကလည်း ရှေ့မဆောင် ``ပါရမီဖြည့်နိုင်လျှင် ဘုရားဖြစ်သည်´´ဆိုတဲ့ ယုံကြည်ချက်လည်း ရှေ့မဆောင်။ ``ကြိုးစားလျှင် ဘုရားဖြစ်မည်´´ဆိုတဲ့ စိတ်နဲ့ တစ်ဆယ့်ခြောက် အသင်္ချေနှင့် ကမ္ဘာတစ်သိန်းတိုင်အောင် ပါရမီဖြည့်မှ ပါရမီပြည့်တယ်။

ဒီနေရာမှာ အထူးမှတ်သားထားရမှာက အလောင်းတော်သုံးမျိုးစလုံးဟာ ပညာ သဒ္ဒါ ၀ိရိယဆိုတဲ့ တရားသုံးပါးလုံးရှိတယ်။ ရှေ့ဆောင်တဲ့နေရာမှာ ပညာရှေ့ဆောင်နဲ့ သဒ္ဒါရှေ့ဆောင် ဒီလိုကွာခြားသွားရခြင်းဖြစ်တယ်။ ပညာဓိကအလောင်းတော်များမှာ ပညာသာရှိပြီး သဒ္ဒါနဲ့ဝိရိယမရှိတာမျိုး မဟုတ်ပါဘူး။ ရှေ့ဆောင် ကွာခြားသွားတာမျိုးသာဖြစ်တယ်။ အလောင်းတော်တိုင်းမှာ ပညာ သဒ္ဒါ ၀ိရိယ သုံးပါးလုံးရှိကြတယ်။ ပညာထက်မြက်တဲ့ အလောင်းတော်တွေမှာကြတော့ သဒ္ဒါနဲ့ ၀ိရိယက နုံနေတယ်။ မရှိဘူး မဟုတ်ဘူး။

ဒီလိုမျိုး ရှေ့ဆောင်တရား ကွဲပြားသွားရတာလည်း အကြောင်းတရားရှိတယ်။ အလကားနေရင်း ကွဲပြားသွားရခြင်း မဟုတ်ပါဘူး။

(ဆက်လက်တင်ပြပေးပါမည်)

...................................................................................................မိုးသု(မန္တလေး)

(သောကြာနေ့က တစ်ပတ်နားမယ်လို့ ပြောခဲ့တယ်။ ကိုယ်ရေးကိုယ်တာ ကိစ္စတစ်ခုကြောင့် တော်တော်လေး စိတ်ဓာတ်ကျနေတယ်။ ဒါကြောင့် တစ်ပတ်နားမယ်လို့ ပြောရခြင်းဖြစ်တယ်။ ဒါပေမယ့် သောကြာနေ့ညကနေ စနေနေ့မနက်ခင်းအထိ တော်တော်လေးကို စိတ်ဓာတ်ကကျနေဆဲပါပဲ။ စနေနေ့ နေ့ခင်း (၁၂)လောက်မှာ ပြည်ပက သူငယ်ချင်းတစ်ယောက် ပြန်လာတယ်။ ကြိုတင်အကြောင်းကြားချင်းလည်းမရှိဘူး။ အံ့သြအောင်လို့ တမင်အကြောင်းမကြားတာလို့ သူကပြောတယ်။ ကိုယ့်ရဲ့အကြောင်းစုံကို သိသွားတော့ သူက ကျနေတဲ့စိတ်ဓာတ်ကို ပြန်ပြီး တင်ပေးခဲ့တယ်။ ဒါကြောင့် ဒီနေ့ စာရေးနိုင်ခြင်းဖြစ်ပါတယ်။ ကြိုးစားပြီးတော့ ရေးပေးထားပါတယ်။ မရှင်းတာတွေ ရှိရင်လည်း ပြန်မေးပေါ့။)

ဆက်လက်ဖတ်ရှူရန် »

ဘုရားရှင်၏ ဖြစ်တော်စဉ်နှင့် ဆက်စပ်၇ှင်းလင်းချက်များ(အပိုင်း-၁)

အားလုံး..မင်္ဂလာပါ..

သင်တန်းမစခင် စကားအနည်းငယ်ပြောချင်ပါတယ်။ တကယ်တော့ ဒီသင်တန်းလေးဖြစ်ပေါ်လာတာဟာ ကိုတာဂူးဂဲလ် ကိုဇော်စတဲ့ ဗုဒ္ဒဘာသာလူငယ်များရဲ့ စွမ်းဆောင်မှုကြောင့် ဖြစ်ပေါ်လာခဲ့တာပါ။ သူတို့တွေအားလုံး တိုင်ပင်စည်းဝေးညှိနှိုင်းပြီးမှ ဦးဇင်းကို သင်တန်းမှုးအဖြစ် ဆောင်ရွက်ပေးဖို့ လျှောက်ထားကြပါတယ်။ ကိုယ်လုပ်နိုင်တဲ့ အလုပ်မို့ လုပ်ပေးမယ်ဆိုပြီး လက်ခံခဲ့ပါတယ်။ အခုလို ဒကာဒကာမတွေကို ကိုယ်တတ်မြောက်တဲ့ ပညာနဲ့ပြန်ပြီးတော့ အကျိုးပြုနိုင်လို့ ဦးဇင်းလည်း အင်မတန်ဝမ်းမြောက် ၀မ်းသာဖြစ်ရပါတယ်။

ပဌမကြေငြာထားတာက စနေနေ့ကို ``ဘာသာရေးဗဟုသုတအခြေခံ´´တွေကို ပို့ချပေးမယ်လို့ ကြေငြာထားတာပါ။ ဒါပေမယ့် ညကသေချာစဉ်းစားလိုက်တော့ ``သင်တန်းရဲ့ ပဌမဦးဆုံးနေ့မှာ ဘုရားရှင်ကို အာရုံပြုပြီးသားလည်းဖြစ်အောင်၊ ဘုရားရှင်ကို ဦးထိပ်ထားတဲ့အနေလည်းရောက်အောင် တနင်္ဂနွေနေ့မှာ ပို့ချပေးရမည့် ``ရတနာသုံးပါးအကြောင်း´´ကို စနေနေ့ကိုပြောင်းပြီး ပို့ချပေးလိုက်ပါတယ်။ အပတ်စဉ် ဒီအတိုင်းပဲပို့ချပေးသွားပါ့မယ်။

နောက်တစ်ခုထပ်ပြောချင်တာက ဒီသင်တန်းတက်တဲ့သူတွေထဲမှာ ဆရာကြီးအဆင့်တွေလည်း ပါချင်ပါနေမှာပါ။ အတော်အတန် ကြားဘူးနားဝရှိတဲ့သူတွေလည်း ပါချင်ပါနေမှာပါ။လုံးဝဘာမှကို မသိတဲ့လူတွေလည်း များမှာပါ။ ဒီတော့ အခုပြောခဲ့တဲ့ လူတွေအနေနဲ့က ဦးဇင်းကိုနားလည်ပေးပါလို့ ပြောချင်ပါတယ်။ ဘာလို့လည်းဆိုတော့ အခုပို့ချပေးနေရတာက စာနဲ့ရေးပြီးပို့ချပေးနေရတာပါ။ သူ့မျက်နှာကိုယ့်မျက်နှာ သေချာကြည့်ပြီး ပို့ချပေးနေရတာ မဟုတ်တဲ့အတွက် သင်တန်းသူသင်တန်းသားတွေရဲ့ ဥာဏ်ပညာ ဗဟုသုတအနေအထားကို ခန့်မှန်းလို့မရတဲ့အတွက် လုံးဝဘာမျှကို မသိတဲ့လူတွေကို အာရုံပြုပြီးတော့ သိသင့်သိထိုက်တာတွေကို မြန်မာဘာသာသက်သက်နဲ့ သင်ပေးသွားမှာဖြစ်တဲ့အတွက် ဆရာကြီးအဆင့်များနှင့် ကြားဘူးနားဝရှိသူများက သိပြီးသားအကြောင်းအရာတွေပါကွာ..။ လွယ်လွယ်လေးတွေပါကွာလို့ သဘောမထားပဲ စိတ်ရှည်ရှည်ထားပေးကြပါလို့ ပြောကြားလိုပါတယ်။

ကဲ..ဦးဇင်းတို့ နမော တဿနဲ့ ဘုရားရှင်ကိုယ်တော်မြတ်ကြီးကို ညီညာဖျဖျကန်တော့ပြီး သင်တန်းကို ဖွင့်လှစ်လိုက်ကြရအောင်.....

``နမော တဿ ဘဂ၀တော အရဟတော သမ္မာသမ္ဖုဒ္ဒဿ´´ (သုံးကြိမ်ဆိုပါပြီး ကန်တော့လိုက်ပါ)

ဘုရားရှင်ကိုယ်တော်မြတ်ကြီးကို ကန်တော့ပြီးကြပြီနော်။ ရတနာသုံးပါးထဲမှာ ပဌမဦးဆုံးသော ရတနာက``ဗုဒ္ဒရတနာ´´လို့ ခေါ်ဆိုကြတဲ့ ဘုရားရှင်ကိုယ်တော်မြတ်ကြီးမို့လား။ ဒီတော့ ဦးဇင်းတို့ ဘုရားရှင်ကိုယ်တော်မြတ်ကြီးကို အာရုံပြုထားပြီးတော့ ``ဗုဒ္ဒရတနာ´´အကြောင်းကို စပြီးပို့ချလိုက်ကြရောအာင်..။

ဇေတ၀န်ကျောင်းဒါယကာ ဖြစ်အံ့ဆဲဆဲသော အနာထပိဏ်သူဌေးဟာ ရှေးဦးစွာ မြတ်စွာဘုရားကို ဖူးတွေ့ရမည့်အခေါက် ရာဇဂြိုလ်ပြည်သို့ အရောက်တွင် သမီးယောက်ဖတော်စပ်တဲ့ ရာဇဂြိုလ်သူဌေးထံကနေ ``မြတ်စွာဘုရား မြတ်စွာဘုရား´´ဆိုတဲ့ အသံကိုကြားလိုက်ရတော့ ``သူဌေးမင်း မြတ်စွာဘုရား မြတ်စွာဘုရားဟူသော အသံကိုမျှပင်သော်လည်း လောက၌ ကြားရခဲလှ၏။´´ ဟု ပြောကြားခဲ့ဘူးပါတယ်။

တစ်ခါ အင်္ဂုတ္တရာပတိုင်း အာပဏနိဂုံး၌ မြတ်စွာဘုရား သီးတင်းသုံးနေတော်မူစဉ် မကြာမြင့်မီ အချိန်အတွင်းမှာ အခြံအရံပရိသတ်(၃၀၀)နှင့်အတူ ဧဟိဘိက္ခုလို့ခေါ်ဆိုခံရပြီး (၇)အတွင်းမှာ ရဟန္တာအဖြစ်သို့ ရောက်ရှိမည့် ဗြဟ္မဏပါမောက္ခ သေလပုဏ်ဏားသည်လည်း ဆံကျစ်ထုံးသော ကေဏိယရသေ့ထံမှ ``မြတ်စွာဘုရား´´ဆိုတဲ့ အသံကို ကြားလိုက်ရလျှင် ``မြတ်စွာဘုရား မြတ်စွာဘုရား မြတ်စွာဘုရားဟူသော အသံကိုမျှပင်သော်လည်း လောက၌ ကြားရခဲလှ၏။´´ ဟု အကြံဖြစ်ခဲ့ဘူးပါတယ်။

သူတို့နှစ်ယောက် ပြောခဲ့ကြသလို ကြံခဲ့ကြသလို မြတ်စွာဘုရားဆိုတဲ့ အသံကိုမျှပင်သော်လည်း အင်မတန်ကို ကြားရခဲပါတယ်။ မြတ်စွာဘုရားဆိုတဲ့ အသံကိုကြားရတာထက် မြတ်စွာဘုရားရှင်ကို ဖူးတွေ့ဖို့ တရားတော်တွေကို နားကြားရဖို့က ပိုပြီးတော့ သာလွန်ခက်ခဲပါတယ်။တကယ်တော့ မြတ်စွာဘုရားအဖြစ်ကို ရောက်ရှိဖို့မပြောပါနဲ့ နိယတဗျာဒိတော်ကို ခံယူနိုင်တဲ့ ဘုရားအလောင်းတော်အဖြစ်ကို ရောက်ရှိဖို့တောင် လွယ်လှတာမဟုတ်ပါဘူး။ မလွယ်တာကို မလွယ်ဘူးလို့ ပြောနေရုံနဲ့တင် မလုံလောက်သေးပါဘူး။ မလွယ်ဘူးဆိုတဲ့အေ့ကြာင်းကို သေချာသေချာ လေ့လာကြည့်ကြရအောင်ပါ။

လေ့လာရာမှာ လွယ်ကူသွားအောင်လို့..

(က) ဗောဓိသတ္တ= ဘုရားဖြစ်ဖို့ ပါရမီဖြည့်နေသော အလောင်းတော်ကြီးများ။

(ခ) ဗောဓိသတ္တကိစ္စ= အလောင်းတော်ကြီးများ၏ လုပ်ငန်းစဉ်များ။

(ဂ) ဗုဒ်ဓ= ပါရမီဖြည့်ပြီး၍ ဘုရားအဖြစ်သို့ ရောက်ရှိပြီးသော ပုဂ္ဂိုလ်မြတ်ကြီးများ။

(ဃ) ဗုဒ်ဓကိစ္စ= မြတ်စွာဘုရားရှင်၏ နေ့စဉ်လုပ်ငန်းရပ်များ..လို့ အခန်းလေးခု ခွဲခြားပြီတော့ လေ့လာကြရအောင်ပါ။

အခုပြောခဲ့တဲ့ အချက်လေးခုထဲက အမှတ်စဉ်(က)ဖြစ်တဲ့ ``ဗောဓိသတ္တ´´လို့ခေါ်ဆိုရတဲ့ ပါရမီဖြည့်နေသော အလောင်းတော်ကြီးများ အကြောင်းကို ရှင်းပြပေးပါမယ်။

``မဂ်ဥာဏ်လေးပါ သဗ္ဖညုတဥာဏ်တို့ကို ပါဠိလို`ဗောဓိ´လို့ ခေါ်ဆိုပါတယ်´´

ထိုဗောဓိဥာဏ်သည်....
၁။ ဆရာမကူ မိမိကိုယ်တိုင် သစ္စာလေးပါးကိုသိသော၊ ၀ါသနာနှင့်တကွ ကိလေသာတို့ကို ပယ်စွမ်းနိုင်သည့် သတ္တိထူးရှိသော မဂ်ဥာဏ်လေးပါး၊ ခပ်သိမ်းသော ဥေယျဓမ်တရားတို့ကို အကြွင်းမရှိ သိမြင်နိုင်သော သဗ္ဖညုတဥာဏ်တို့ကို သမ္မာသမ္ဖောဓိဥာဏ်ဟု ခေါ်ဆိုပါတယ်။

၂။ ဆရာမကူ မိမိကိုယ်တိုင် သစ္စာလေးပါးကိုသိသော မဂ်ဥာဏ်လေးပါးကို ပစ္စေကဗောဓိဥာဏ်ဟု ခေါ်ဆိုပါတယ်။

၃။ ဆရာရှိမှ သစ္စာလေးပါးကိုသိသော မဂ်ဥာဏ်လေးပါးကို သာဝကဗောဓိဥာဏ်ဟု ခေါ်ဆိုပါတယ်။

အထက်ပါ အချက်သုံးချက်ထဲက နံပါတ်တစ်အချက်ဖြစ်တဲ့ သမ္မာသမ္ဖောဓိဥာဏ်ကို လေ့လာလို့က်ကြရအောင်ပါ။

(ဆက်လက်တင်ပြပေးပါမည်)

......................................................................................မိုးသု(မန္တလေး)

(တစ်နေ့ကို နည်းနည်းနဲ့ ဖြေးဖြေးချင်းပဲ သွားကြရအောင်ပါ။ သိပ်အများကြီး ပို့ချက်လိုက်ရင်လည်း မှတ်ဥာဏ်အားနည်းတဲ့ သူတွေအတွက် အခက်အခဲဖြစ်မှာမို့ နည်းနည်းချင်းနဲ့ ဖြေးဖြေးချင်းသွားတာက ပိုကောင်းတာမို့ ဒီနေ့တော့ ဒီလောက်နဲ့ပဲ ရပ်လိုက်ပါတယ်။ အခုပို့ချပေးခဲ့တဲ့ထဲက နားမလည်တာ မရှင်းတာတွေကို ပြန်လည်မေးမြန်းနိုင်ပါတယ်။ သေချာမှတ်သားထားစေချင်ပါတယ်။ သုံးပတ်လောက်နေရင် စားမေးပွဲတစ်ကြိမ် ကျင်းပပေးပါဦးမယ်။ ဖြေဆိုအောင်မြင်တဲ့ သူတွေထဲက အတော်ဆုံးနဲ့ အကောင်းဆုံး ဖြေဆိုနိုင်တဲ့ အဖြေလွှာကို စံပြအဖြေလွှာအဖြစ် ဆိုဒ်ထဲမှာ ပြန်လည်တင်ပြပေးပမယ်။)

ဆက်လက်ဖတ်ရှူရန် »

အသိပေးကြေငြာခြင်း

ဦးဇင်း ဖိုင်နယ်စာမေးပွဲ ဖြေဆိုဖို့ အချိန်က တစ်လလောက်သာ လိုတော့တဲ့အတွက်ကြောင့် စာကို ဂရုစိုက်ကျက်မှတ်နေရလို့ ဘာသာရေးမေးခွန်းများကို ဖြေဆိုပေးခြင်းများ ပျက်ကွက်နေပါတယ်။ စာမေးပွဲဖြေဆိုပြီးတာနဲ့ မေးခွန်းများကို ပြန်လည်ဖြေဆိုပေးသွားပါ့မယ်။ ကြားကာလမှာ သည်းခံပေးတော်မူကြပါကုန်။ (မိုးသု-မန္တလေး)

ဆက်လက်ဖတ်ရှူရန် »

အခြေခံဗုဒ္ဓဘာသာပို့ချချက်(အပိုင်း-၉)

“ကဲ..ဒါလောက်ဆိုရင် ကံဒွါရအကွဲအပြဲ သမိုင်းကို သိပြီမို့လား ဒကာ”

“မှန်ပါ နားလည်သိရှိပါပြီဘုရား. ကာယကံဆိုတာဘာကိုပြောတာ ၀စီကံဆိုတာဘာကိုပြောတာဆိုတာကို တပည့်တော် နားလည်နိုင်မယ့် စကားလုံးနဲ့ရှင်းပြပေးပါဦးဘုရား”

“ကာယကံ=ကိုယ်ဖြင့်ပြုသောအမှုတဲ့၊ ကိုယ်ဖြင့်ပြုတဲ့ အမှုဆိုတာ ဘာတွေလဲဆိုတာကို ဒီနေရာမှာအကျယ်တ၀င့် မပြောတော့ပါဘူး။ နောက်နားလေးကျမှပဲ ပြောပါတော့မယ်။ ဒီနေရာမှာ နားလည်လွယ်အောင် ကိုယ်ထိလက်ရောက် ကျူးလွန်ပြစ်မှားမိတဲ့ ကိစ္စများကိုဆိုလိုတယ်လို့ မှတ်သားလိုက်ပါ”

“မှန်ပါဘုရား”

“၀စီကံ=နှုတ်ဖြင့် ပြုမိသောအမှုတဲ့၊ မနောကံ= စိတ်ဖြင့်ပြုမိသော အမှုတဲ့။ ဘုရားတရားသံဃာ ရတနာသုံးပါးအပေါ်မှာ ကိုယ်ထိလက်ရောက် ကျူးလွန်ခဲ့ခြင်းမှား ပါးစပ်ဖြင့် ဆဲဆို ကျိန်းမောင်းခဲ့ခြင်းများ စိတ်ဖြင့် ကြံစည်ပြစ်မှားခဲ့ခြင်းများ တစ်ခုမဟုတ် တစ်ခုပြုမိခဲ့လိမ့်မယ်။ အဲသလိုပြုမိခဲ့လို့ရှိရင် ခွင့်လွတ်ပေးပါလို့ တောင်းပန်စကားပြောကြားတာပါ၊ နားလည်ပြီမို့လား ဒကာ”

“မှန်ပါ မရှင်းတာလေးတစ်ခု ထပ်မေးပါရစေဘုရား သဗ္ဗဒေါသဆိုတာ ဘာကိုပြောတာပါလဲ ဘုရား”

“သဗ္ဗဒေါသနောက်မှာ ခပ်သိမ်းသော အပြစ်တို့ကိုလို့ ပါတယ်မို့လား။ သဗ္ဗဒေါသ=ခပ်သိမ်းသောအပြစ်တဲ့။ ပထမတုန်းကတော့ ကာယကံ ၀စီကံ မနောကံလို့ခွဲပြောတာလေ။ နောက်ကြမှ ပိုပြီးသေချာသထက် သေချာသွားအောင် ခပ်သိမ်းသောအပြစ်တုိ့ကိုလို့ ထပ်ပြီးပြောလိုက်တာ။ အပြစ်တွေ ပြုမိခဲ့တာရှိရင် ပြုမိခဲ့တဲ့ အပြစ်တွေ အားလုံးကို ခွင့်လွတ်ပေးပါလို့ တောင်းပန်တာပါပဲ”

“တပည့်တော်ကို တစ်ခုထပ်မေးခွင့်ပေးပါဘုရား”

“မေးပါဒကာ”

“ကာယကံ ၀စီကံ မနောကံဆိုတဲ့ ကံသုံးပါးထဲမှာ ဘယ်ကံကအပြစ်ပိုကြီးလဲဘုရား”

(ဆက်လက်တင်ပြပေးပါမည်)

...................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံဗုဒ္ဓဘာသာပို့ချချက်(အပိုင်း-၈)

ဦးဇင်းတို့ ဒီနေ့တော့ ကံဒွါရကို အဆုံးသတ်မှ ဖြစ်မယ်ထင်တယ်။ ကံဒွါရကို တော်ပါတော့ ရှေ့ဆက်ပေးပါတော့လို့ တစ်ယောက်က လာပြောတယ်။ ဦးဇင်းကလဲ ဒီသင်တန်းက ရက်ကန့်သတ်ထားတဲ့ သင်တန်းမဟုတ်တာကတစ်ကြောင်း သင်တန်းသူသင်တန်းသားတွေဟာ ကလေးမဟုတ်တာက တစ်ကြောင်းမို့ အတတ်နိုင်ဆုံး ပြောပြပေးလို့ရသလောက် ဗဟုသုတအဖြစ် စပ်မိစပ်ရာ သမိုင်းကြောင်းလေးတွေပါ ထည့်ပြောပေးတာပါ။ ကဲ စာဆက်ပြီးသင်ကြတာပေါ့..။

ဘာသာရေးအမေးအဖြေလောကမှာ ၂၁ရာစုရဲ့ အရှင်နာဂသေနလို့ တင်စားခေါ်ဝေါ် ဂုဏ်ပြုခြင်းကို ခံရတဲ့ ထီးချိုင့်မြို့ နိုင်ငံတော်သြ၀ါဒါစရိယ မြန်မာစာသြ၀ါဒါစရိယ တည်တောဆရာတော်ကြီး ဘဒ္ဒန္တဒေ၀ိန္ဒာဓိပတိကလဲ ကံဒွါရနှင့် ပတ်သက်လို့ အဆုံးအဖြတ်ပေးခဲ့ပါသေးတယ်။ ဒီအဆုံးအဖြတ်လေးကို ပြီးအောင်ပြောပြီးတော့ ကံဒွါရအကြောင်းကို ရပ်လိုက်ကြတာပေါ့။ ဆရာတော်ရဲ့ အဆုံးအဖြတ်တိုင်း ပြောနေရင် နောက်တစ်ပတ်ဆက်သွားမှာမို့ လိုရင်းလောက်ကိုပဲ ကောက်နှုတ်ပြီးပြောကြရအောင်ပါ။

``တတ္ထ အကုသလံ ကာယကမ္မံ ၀စီကမ္မံ မနောကမ္မဉ္စေတိ ကမ္မဒွါရ၀သေန တိဝိဓံ ဟောတိ တဲ့ကွယ်။ အဓိပ္ပါယ်ကတော့ ထိုလေးပါးသော ကံတို့တွင် အကုသိုလ်ကံသည် ကာယကံ ၀စီကံ မနောကံဟူ၍ ကံ ဒွါရနှင့်စပ်သောအားဖြင့် သုံးပါးအပြားရှိသည်လို့ ဆိုတယ်။ သည်နေရာမှာ ကံနှင့် ဒွါရ ဘယ်လိုစပ်တာတုန်း ဆိုတာကို သဂြိင်္ုလ်ကျမ်းမှာ အကျယ်ဖွင့်ပြပေးထားသကွယ့်။´´

``ဖွင့်ပြပုံက သည်လိုကွယ့်..၊ ပါဏာတိပါတ အဒိန္နဒါန ကာမေသုမိစ္ဆာစာရဆိုတဲ့ ဒုစရိုက်တရား သုံးပါးတို့ဟာ ကာယ၀ိညတ်လို့ခေါ်ဆိုရတဲ့ ကာယဒွါရမှာ အဖြစ်များလို့ `ကာယကံ´ခေါ်ပါတယ်တဲ့။ မုသာဝါဒ ပိသုဏ၀ါစာ ဖရုသ၀ါစာ သမ္ဖပ္ပလာပဆိုတဲ့ ဒုစရိုက်တရားလေးပါးဟာ ၀စီဝိညတ်လို့ဆိုရတဲ့ ၀စီဒွါရမှာ အဖြစ်များလို့ `၀စီကံ´လို့ ခေါ်ပါတယ်တဲ့။ အဘိဇ္ဈာ ဗျာပါဒ မိစ္ဆာဒိဌိလို့ဆိုတဲ့ ဒုစရိုက်တရား သုံးပါးဟာ မနောဒွါရမှာ အဖြစ်များလို့ `မနောကံ´လို့ ခေါ်ဆိုပါတယ်တဲ့။ ´´

``ဒွါရဟာ အကြောင်းတရားဖြစ်တယ်။ ကံဟာ အကျိုးတရားဖြစ်တယ်။ အကြောင်းနဲ့အကျိုးဆိုတာ တစ်ခုနဲ့တစ်ခု ဆက်စပ်နေတယ်။ အကြောင်းကိုဆိုလည်း အကျိုးကိုရတယ်။ ဒါကို နည်းလေးဆယ်မှာ နာနန္တရိကနည်းလို့ခေါ်တယ်။ အကျိုးကိုဆိုလည်း အကြောင်းကိုရတယ်။ ဒီဟာကိုတော့ နည်းလေးဆယ်မှာ အ၀ိနာဘာနည်းလို့ဆိုတယ်။´´

ဒါကြောင့် ကံနဲ့ရှိခိုးခိုး ဒွါရနှင့်ရှိခိုးခိုး အားလုံးမှန်တယ်လို့ ဆိုလိုက်တာပေါ့ကွယ်။ (အကျယ်သိလိုပါက တည်တော်ဆရာတော်ကြီး၏ ယနေ့ဗုဒ္ဓ၀ါဒဆိုင်ရာ အမေးအဖြေများ အမှတ်စဉ်(၄) စာမျက်နှာ-၂၁၀မှာ ရှု့ကြပါကုန်)

ကဲ...ဒီလောက်ဆိုရင် ကံရောဒွါရပါ နှစ်ခုလုံးအမှန်ဆိုတာ ဒကာဒကာမတို့ ရှင်းရှင်းလင်းလင်း နားလည်လောက်ကြပြီလို့ ထင်ပါတယ်။ အထူးမှတ်စေချင်တာကတော့ မန်လည်ဆရာတော်ကြီး မိန့်ကြားတော်မူခဲ့တဲ့ ခွက်နဲ့ရေ ဥပမာကိုပါပဲ..။

(ဆက်လက်တင်ပြပေးပါမည်)

..........................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံဗုဒ္ဓဘာသာပို့ချချက်(အပိုင်း-၇)

တစ်ခါတုန်းက မန်လည်ဆရာတော်ကြီးဟာ ကသာမြို့ကို ရောက်ရှိသီတင်းသုံးနေတော်မူပါတယ်။ အဲဒီအခါမှာ ကသာမြို့က ဒကာတစ်ယောက်က ဆရာတော်ဘုရား ယခုအခါမှာ အကြီးအကျယ် ငြင်းခုံနေကြတဲ့ ကံနှင့်ဒွါရ မည်ဟာက မှန်ပါသလဲ လို့လျှောက်ထားပါတယ်။

အဲဒီအခါမှာ ဆရာတော်ကြီးက ဖြေမပေးသေးပဲနဲ့ ဟေ့...ဒကာ ဘုန်းကြီးကို ရေကပ်စမ်းလို့ မိန့်တော်မူပါတယ်။ အဲဒီအခါမှာ ဒကာလုပ်သူက ကပျာကယာနဲ့ သောက်ရေအိုးကနေ ရေခွက်နဲ့ ရေခပ်ပြီးတော့ ဆရာတော်ကြီးကို ရေကပ်လှုပါတယ်။ ဒီအခါမှာ ဆရာတော်ကြီးက ပြုံးပြီးတော့ ဒကာ..မင်းကို ငါအကပ်ခိုင်းတာက ရေမဟုတ်လား၊ ဘယ့်နှယ့်လုပ်ပြီးတော့ ခွက်ကို လာကပ်နေရတာတုန်းလို့ မိန့်တော်မူပါတယ်။

ဒကာက မှန်ပါ...ရေကို ခွက်နဲ့ထည့်မှ ရလို့ပါဘုရား လို့ လျှောက်ထားလိုက်ပါတယ်။

``ဒကာရေ...ကံနှင့်ဒွါရဟာ ခွက်နဲ့ရေလိုပါပဲ။ ဒွါရက ခွက်နှင့်တူတယ်။ ကံက ရေနှင့်တူတယ်။ ခွက်နှင့်ရေဟာ ကင်းကွာလို့မရသလို ကံနှင့်ဒွါရဟာလည်း ကင်းကွာလို့မရပါဘူး။ အဲဒါကို နည်းလေးဆယ်မှာတော့ နာနန္တရိကနည်း အ၀ိနာဘာဝနည်းလို့ ခေါ်ဆိုတာပေါ့ကွယ်။ ဒါကြောင့် ဒွါရနှင့် ရှိခိုးခိုး၊ ကံနှင့်ရှိခိုးခိုး အားလုံးမှန်တာချည်းပါပဲ။ ဘယ့်နှယ်လဲ သဘောကျရဲ့လား...ဒကာ´´လို့ ဆရာတော်ကြီးက မေးမြန်းလိုက်ပါတယ်။

``မှန်ပါ့..သဘောကျပါတယ်ဘုရား´´

(ဆက်လက်တင်ပြပေးပါမည်)

....................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၆)

အတိအကျပြောရမယ်ဆိုရင် ကံ ဒွါရအကွဲအပြဲ ပြင်းထန်လာချိန်ဟာ ၁၂၁၇ခုနှစ်မှာ ပိုပြီးတစ်စတစ်စ ပြင်းထန်လာခဲ့တာပါ။ အဲဒီအချိန်မှာ အရှင်ဥက္က၀ံသမာလာဟာ ရဟန်းဝါ ၁၇နှစ်ဝါရရှိနေပြီ ဖြစ်ပါတယ်။ အဲဒီလိုပြင်းထန်လာလိုက်တာ ၁၂၂၄ခုနှစ်ကြတော့ ဦးသစ်ဆိုတဲ့ ဒကာတစ်ယောက်နဲ့ ဦးပေါ်လာဆိုတဲ့ ဒကာနှစ်ဦးတို့ဟာ အလောင်းအစားတစ်ခုလုပ်ပြီးတော့ မန္တလေးနေပြည်တော်ကိုလာကာ သုဓမ္မာဆရာတော်များထံ ကံ ဒွါရ မည်ဟာကမှန်တယ် မှားတယ်ဆိုတာ ဆုံးဖြတ်ပေးပါလို့ လျှောက်ထားကြတယ်။ အဲဒီအချိန်တုန်းက သာသနာပိုင်ဆရာတော်ဟာ ဦးဥေယျဓမ္မဖြစ်တယ်။

အဲဒီအခါမှာ သုဓမ္မာဆရာတော်များဟာ ဒီပြဿနာကိုဖြေရှင်းပေးဖို့ မောင်းထောင်ဆရာတော်ကို တာဝန်ပေးလိုက်ကြတယ်။ အဲဒီအခါမှာ မောင်းထောင်ဆရာတော်က ``တိေဿာ ဣမာ ဘိက္ခဝေ ၀န္ဒနာ၊ ကတမာ တိေဿာ ကာယေန ၀ါစာယ မနသာ ဣမာတိေဿာ ၀န္ဒနာ´´ဆိုတဲ့ ပါဠိကိုထုတ်ပြပြီးတော့ ကံ ဒွါရ နှစ်မျိုးလုံးနဲ့ ရှိခိုးကန်တော့နိုင်ကြောင်း ကံကန်တော့လည်းမှန်တယ်။ ဒွါရနဲ့ကန်တော့လည်းမှန်တယ်လို့ အဆုံးအဖြတ်ပေးလိုက်တယ်။ (ဒီနေရာမှာတော့ ဒီလောက်ပဲ မှတ်ထားပါလို့ ပြောကြားလိုပါတယ်။ အခြေခံဆိုတော့ ကျမ်းကိုးကျမ်းကားတွေနဲ့ မောင်းထောင်ဆရာတော်ရဲ့ အဆုံးအဖြတ်ကို အကုန်တင်ပြပေးလိုက်ရင် ရှုပ်ထွေးသွားနိုင်တဲ့အတွက်ကြောင့်ပါ)

မောင်းထောင်ဆ၇ာတော်ရဲ့ အဆုံးအဖြတ်ကို ကြည့်ပြီးတော့ အရှင်ဥက္ကံဝံသမာလာဟာ အကိုးအကားတွေနဲ့ ဒွါရကသာ မှန်တယ်ဆိုပြီး ပြန်လည်ချေခဲ့ပါတယ်။

အဲဒီလိုနဲ့ ဒီပြဿနာကြီးဟာ တစ်ဖြေးဖြေးကြီးထွားလာခဲ့ပါတယ်။ တစ်နေ့ကျတော့ ရွှေကျင်ဆရာတော်ထံကို ဆုံးဖြတ်ပေးပါလို့ စာနဲ့လှမ်းပြီးလျှောက်ထားကြပါတယ်။ အဲဒီအခါမှာ ရွှေကျင်ဆရာတော်ကြီးက အကွဲအပြဲ၌ ပျော်ရွှင်နှစ်သက်စွာ ကျင်လည်ကျက်စားလေ့ရှိပြီး ကွဲရပြဲရတာကို နှစ်သက်လေ့ရှိသော အောက်ပြည်နေ ရဟန်းတော်များကို မည့်သည့်အဆုံးအဖြတ်မျှ မပေးလိုပါကြောင်းစသဖြင့် ပါဠိဂါထာစီပြီးတော့ အကြောင်းပြန်ခဲ့ပါတယ်။

တစ်ခါ ဒီပြဿနာဟာ မြန်မာပြည်အထက်ပိုင်းမှာ သီတင်းသုံးတော်မူတဲ့ မာန်လည်ဆရာတော်ကြီးထံကို ရောက်သွားခဲ့ပြန်ပါတယ်။

(ဆက်လက်တင်ပြပေးပါမည်)

..........................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၅)

ဒီအခါမှာ သင်္ဂဇာဆရာတော်ကြီးက ပုံပြင် ဥပမာတွေနဲ့ ရှင်းပြတော်မူခဲ့တယ်။ ဒါလဲ ငြင်းခုန်မှုက အဆုံးသတ်မသွားခဲ့ပါဘူး။ နောက်ပိုင်ကျတော့ သင်္ဂဇာဆရာတော်ကြီးဟာ ဒီကိစ္စကို မကြာမကြာ လာလာလျှောက်နေကြတော့ ရှင်းပြနေလဲ မောရုံပဲအဖတ်တင်တယ်လို့ သဘောထားပြီးတော့ ခပ်ရွတ်ရွတ်ပဲ အဖြေပေးတော့တာများတယ်။

သင်္ဂဇာဆရာတော်ကြီး မိန့်တော်မူခဲ့တဲ့ ပုံပြင်တွေထဲက တစ်ခုလောက် ဗဟုသုတရအောင် ပြောပြပေးမယ်။

အခါတစ်ပါး သင်္ဂဇာဆရာတော်ကြီးသည် တပည့်ရဟန်းများစွာဖြင့် ဟင်္သာတမြို့သို့ ရောက်ရှိတော်မူလာပါတယ်။ ထိုအခါမှာ ဒွါရဂိုဏ်းဝင်ဒကာများက `` အရှင်ဘုရား တပည့်တော်များသည် ဘုရားဟော ပါဠိတော် အဋ္ဌကတာကျမ်းများကို အကိုးအကားပြုပြီး ဒွါရကမှန်ပါတယ်လို့ ရပ်တည်တာကို `လူမွှေလူကြွား ဒွါရသမား´ ဟု အပြောခံရပါသည်´´ လို့ လျှောက်ထားကြပါတယ်။

အဲဒီအခါမှာ ``ဒကာတို့တွေဟာ `ဟင်းတစ်ခွက် တောက်ဘက်ကချို´ဆိုသာလို အပိုစကားပြောကြတယ်။ ဂေါတမဘုရားတစ်ဆူတည်း ဟောကြားသည့် တရားတော်ကျမ်းဂန်မှာ ကံနှင့်ဒွါရ နှစ်ဌာနနှစ်ပါး ကွဲပြားသည်မဟုတ်။ ကိုယ် နှုတ် နှလုံး စောင့်သုံးခြင်းမရှိ မိမိတို့ သဘောအတိုင်း ဂိုဏ်းကွဲပြုလုပ်၍ အမှုရှုပ်စကားပြောပြီး အကုသိုလ်ပွားကြသည်။ ဒကာတို့စကားအရ အတ္တဟိတ ပရဟိတ သာသနာ့အကျိုး သယ်ပိုးရွက်ဆောင်လျက် ကောင်းအောင်ကျင့်ပါ၏လို့ ဆိုသော်လည်း `မိုးပေါ်ကို ခြေကန်အိပ်သော တစ်တီတူးငှက်´ကဲ့သို့ ရှိချေသည်။ ငှက်ယုတ်တစ်တီတူးသည် သူတို့စိတ်ကူးအလိုမှာ မိုးပြိုမည်စိုးရိမ်သည့်အတွက် ခြေနှစ်ဖက်ကို ကောင်းကင်သို့ ထောင်လျက် (ကန်လျက်) ညဥ့်အခါမှာအိပ်ခြင်းသည် သူတို့စိတ်ကသာ ကျေးဇူးများသည်။ သူတို့မြည်သံကို ကြားလျှင် လူတို့သည် `ဖွဟဲ့ လွဲလေ ဖယ်လေ´ဟု ဆိုကြသည်။ အဲဒီလိုပဲ မင်းတို့မှာလည်း ဒွါရဘက်ကနေထားလို့ အကျိုးများသည် ထင်သော်လည်း လူမြင်တိုင်း ကဲ့ရဲ့ခံရလျက် `ဖွဟဲ့ လွဲလေ ဖယ်လေ´ ဖြစ်မှာပဲ ဒကာတို့။ ကံသော ဒွါရသော ဘယ်လိုပင်ပြောသော်လည်း ယောနိသောမနသိကာရ စိတ်ကောင်းရှိကြသည်မဟုတ်။ ရှုတ်ချပစ်တင် မြင်ယောင်သိယောင် လူတော်ယောင်ဖြင့် ရှေ့ဆောင်သော မာယာသာဌေယျတရားတို့သည် အမှားသာ မှတ်ရမည်။

ဝိ၀ါဒံ ဘယတော ဒိသွာ၊ အ၀ိဝါဒဉ္စ ခေမတော။

သမဂ္ဂါ သခိလာ ဟောထ ဧသာ ဗုဒ္ဓါန သာသနံ။

ဝိ၀ါဒံ-စရိုက်မမှန် အမိုက်ဥာဏ်နှင့် ခိုက်ရန်ဖြစ်ပွား အငြင်းအခုံများကို၊ ဘယတော- ဆူးပေါ်ဖက်ကျ ပမာဏဖြင့် ဧရာမဘေးကြီးဟူ၍၊ ဒိသွာ- မြင်သောကြောင့်၊ အ၀ိဝါဒဉ္စ- ခိုက်ရန်ဖြစ်ပွား အငြင်းအခုံမများခြင်းကိုလည်း၊ ခေမတော- ဘေးရန်မရှိ မစွန်းငြိဟူ၍၊ ဒိသွာ- မြင်သောကြောင့်၊ သမဂ္ဂါ- ညီညွတ်သောအားရှိကြကုန်သည်၊ သခိလာ- ချိုသာပြေပြစ် ကျစ်လစ်သော စကားရှိကြကုန်သည်၊ ဟောထ- ဖြစ်ကြကုန်လော၊ ဧသာ- ဤသို့ ကိုယ် နှုတ် နှလုံးသုံးပါးလုံးကို စောင့်သုံးနေထိုင်ကြခြင်းသည်၊ ဗုဒ္ဓါနံ- သစ္စာသိမြင် ဘုရားရှင်တို့၏။ အနုသာသနံ- အဆုံးအမတော်တည်း။

ဤကဲ့သို့ ဟောကြားတော်မူသည်များကို ထောက်ထားပြီးတော့ ဘုရားရှင်၏ သာသနာတော်ကို နှစ်ဖြားနှစ်ပိုင်း နှစ်ဂိုဏ်းနှစ်ပက္ခ ကွဲပြားခြင်းမရှိရအောင် စိတ်ကောင်းနှလုံးကောင်းထားပြီးတော့ နေကြရမည်´´လို့ မိန့်ကြားတော်မူခဲ့ပါတယ်။

ဆရာတော်ကြီးဆိုလိုရင်းက ဘုရားဟောမှာ ကံနှင့်ဒွါရဆိုတာ အတူတူပဲ။ ဘာမှခွဲခြားပြီးတော့ ပြောနေစရာမလိုဘူး။ မင်းတို့ဆရာဘုန်းကြီးက သူ့ကို စာပေပိဋကတတ်ကျွမ်းတယ်ဆိုတာ လူသိစေချင်လို့ ခွဲပြီးပြောနေတာ။ ဘာမဟုတ်တာလေးနဲ့ ဘုရားသာသနာကို မကွဲကြစေနဲ့လို့ ပြောလိုရင်းဖြစ်ပါတယ်။ (ကံနှင့်ဒွါရ ဘယ်လိုတူတာလဲဆိုတာကို မန်လည်ဆရာတော်ကြီး၏ ဥပမာခန်း၌ ထင်စွာပြပါအံ့)

.........................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၄)

``ဘယ်လို ဆက်ဖြစ်သွားလဲဆိုတော့ တစ်ဘက်နဲ့တစ်ဘက် အကိုးအကားတွေ ပြပြီးတော့ ငြင်းကြခုံကြတာပေါ့။ ဒါပေမယ့် သရေပွဲပေါ့ဒကာရယ်..။ အနိုင်အရှုံးမရှိဘူးပေါ့။ ကိုယ့်ဟာနဲ့ကို ကိုယ်အယူအဆနဲ့ကိုယ်တော့ ဟုတ်နေကြတာပေ့ါ။ အဖြစ်အပျက်အကုန်လုံးကို သိချင်တယ်ဆိုရင်တော့ ဒကာဘာသာ ဆိုရင်ရာကျမ်းဂန်ကို ရှာဖွေပြီးတော့ ဖတ်ကြည့်လိုက်ပေါ့။ ဦးဇင်းတို့ ခပ်တိုတိုပဲ ပြောကြတာပေ့ါ´´

``မှန်ပါ မိန့်တော်မူပါ´´

``အဲဒီအချိန်အခါတုန်းက အင်္ဂပူလို့ခေါ်တဲ့ အုဂ်ဖိုရ်နယ်မှာ စစ်ပြေးဒုက္ခသည်တွေ အများအပြား အခြားအရပ်ဒေသကနေ လာရောက်ခိုလှုံနေကြတဲ့ အချိန်ပေါ့။ နယ်ခံလူတွေနဲ့ စစ်ပြေးတွေနဲ့ ကံကမှန်တယ် ဒွါရကမှ မှန်တယ်နဲ့ ငြင်းကြခုန်ကြတော့တာပေါ့။ ဒီအခါမှာ အတော်အတန် နားလည်ကြတဲ့ ဒကာအချို့က အုဂ်ဖိုရ်မြို့ ၀ါဆိုကျောင်းမှာ ရောက်ရှိနေတဲ့ ကျီးသဲလေးထပ်ဆရာတော်ကြီးဆီကို သွားပြီးတော့ ဆုံးဖြတ်ပေးပါလို့ လျှောက်ထားကြတယ်။

ကျီးသဲလေးထပ်ဆရာတော်ကြီးကလည်း `နတွာတိ ကာယကမ္မ ၀စီကမ္မ မနောကမ္မ သင်္ခါတေတိ တီဟိ ကမ္မေဟိ နမဿိတွာ´ဆိုတဲ့ ကာရိကာဋီကာလာ စကားကို အကိုးအကားပြုပြီးတော့ `ကံနဲ့ရှိခိုးကန်တော့တာကသာ မှန်ကန်တယ်´လို့ ဆုံးဖြတ်ပေးလိုက်တယ်။

တစ်ခါ အဲသလိုမျိုး တစ်ဘက်နဲ့တစ်ဘက် ငြင်းနေခုန်နေကြတဲ့ အချိန်မှာ မန္တလေးနေပြည်တော်ကနေ သုဓမ္မာဝင်ဆရာတော်တစ်ပါးဖြစ်တဲ့ မင်းဆရာလည်းဖြစ်တော်မူတဲ့ နာမည်ကြီးအကျော်အမော် သင်္ဂဇာဆရာတော်ကြီးက ကြွရောက်လာခဲ့တယ်။ အဲဒီအခါမှာ ကံဒွါရ အယူမသည်းကြတဲ့ ဒကာအချို့က ဆရာတော်ကြီးကို ဖြစ်ပျက်နေတဲ့ အဖြစ်အပျက်တွေကို လျှောက်ထားကြတယ်။

(ဆက်လက်တင်ပြပေးပါမည်)

....................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၃)

``တစ်ခါတုန်းက ဦးဇင်းလေးနှစ်ပါးဟာ အမရပူ မြသိန်းတန်ဆရာတော်ထံမှာ တပည့်ခံပြီးတော့ စာသင်နေကြတယ်။ အရှင်ဥက္ကံဝံသမာလာနှင့် အရှင်မုနိန္ဒာဘိဓဇလို့ ခေါ်ကြတယ်။ တစ်နေ့တော့ ဆရာတော်ထံမှာ ဋီကာကျော်စာဝါတက်ကြရင်းနဲ့ ဋီကာကျော်ကျမ်းစာရဲ့ အဖွင့်ပမာဏမှာ `အဘိဝါဒိတွာတိ ၀ိသေသတော ၀န္ဒိတွာ ဘယလာဘ ကုလစာရာဒိ ၀ိရဟေန သက္ကစ္စံ အာဒရေန ကာယ ၀စီ မနော ဒွါရေဟိ ၀န္ဒိတွာတိ အတ္ထော´ဆိုတဲ့ ၀ါကျကို သင်ကြရတယ်။

အရှင်ဥက္ကံဝံသမာလာဆိုတဲ့ ဦးဇင်းလေးက အဲဒီဝါကျကို ကြည့်ပြီးတော့ `သြကာသ ကန်တော့ချိုး၌ ရတနာသုံးပါးကို ရှိခိုးရာတွင် ကာယကံ ၀စီကံ မနောကံလို့ ကံပုဒ်နဲ့ ရှိခိုးကန်တော့ခြင်းဟာ မှားယွင်းတယ်´လို့ ပြောဆိုတယ်ဒကာ..။

အဲဒါကို ကြားသိရတဲ့ အရှင်မုနိန္ဒာဘိဓဇက `ကမ္မပထမြောက် ကံသုံးပါးသို့ရောက်အောင် ပြစ်မှားကျူးလွန်သော ကံသုံးပါးကို ပပျောက်စေရန် ကန်တော့ရှိခိုးခြင်းဖြစ်၍ စေတနာကံကသာ ပပျောက်စေခြင်းကြောင့် ကံပုဒ်နဲ့ ရှိခိုးကန်တော့တာဟာ မမှားဘူး´လို့ ပြန်လည်ချေပပြောဆိုတယ်´´

``အဲဒီဦးဇင်းနှစ်ပါးဟာ ကျောင်းသာဘ၀ကနေ အယူအဆကွဲပြားလာလိုက်တာ သေတဲ့အထိပဲဆိုပါတော့ဒကာ..´´

``အရှင်ဥက္ကံဝံသမာလာက ဒွါရ၀ါဒကို စတင်ထူထောင်တဲ့ အုတ်ဖိုရ်ဆရာတော်မို့လားဘုရား၊ အရှင်မုနိန္ဒာဘိဓဇ ဆိုတာကိုတော့ မကြားဘူးဘူးဘုရား´´

``ဒကာအရှင်မုနိန္ဒာဘိဓဇကို ကြားဘူးပါတယ် သိလည်းသိပါတယ်.. ကျော်ကြားတဲ့နာမည်က အခြားနာမည်တစ်ခု ဖြစ်နေလို့ ဒကာမသိတာပါ။ အရှင်မုနိန္ဒာဘိဓဇဆိုတာက နောင်တစ်ချိန်မှာ ကျီးသဲလေးထပ်ဆရာတော်ဆိုပြီးတော့ အင်မတန်ကျော်ကြားလာပါတယ်။ သူရေးသားတဲ့ ဇိနတ္ထပကာသနီတို့ ကျည်းကန်ရှင်ကြီးရဲ့ အမေးပုစ္ဆာတစ်ထောင်ကို ဖြေဆိုထားတဲ့ စွယ်စုံကျော်ထင်ကျမ်းတို့ဟာ ဂန္ထ၀င်မြောက်ကျမ်းကြီးတွေပါ´´

``အော်..ကျီးသဲလေးထပ်ဆရာတော်ကြီးကိုတော့ သိတာပေါ့ဘုရား၊ ဘွဲ့တော်ကိုသာ သတိမပြုမိတာ၊ ဒါနဲ့ ဆက်ပြောပါဦးဘုရား ဘယ်လိုဆက်ဖြစ်ကြသေးလဲဆိုတာ..´´

ဘယ်လိုဆက်ဖြစ်လဲဆိုတော့ သူတို့တွေဟာ ပညာစုံတော့ မိမိရဲ့ဇာတိရပ်ရွာကို ပြန်ခဲ့ကြတယ်။ အရှင်ဥက္ကံဝံသမာလာကလည်း သူရဲ့အရပ်ဖြစ်တဲ့ အင်္ဂပူနယ်တစ်ဝိုက်မှာ ဒွါရကသာမှန်တယ် ကံကမှားတယ်လို့ ဟောပြောတယ်။ အရှင်မုနိန္ဒာဘိဓဇကလည်း ကံပုဒ်နဲ့ကန်တော့တာဟာ မမှားဘူးလို့ ရွှေတောင်တစ်ဝိုက်မှာ ဟောပြောကြတာပေါ့ဒကာ´´

``မှန်ပါ ဆက်ပြီးမိန့်တော်မူပါဘုရား´´

(ဆက်လက်တင်ပြပေးပါမည်)

.......................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၂)

``မှန်ပါဘုရား နောက်ထွက်လာတဲ့ မူတွေကို မိန့်တော်မူပါဦးဘုရား´´

``နောက်ထွက်လာတဲ့မူတွေက ...

ဒွါရဂိုဏ်းမူ၊ မဟာစည်မူ၊ မိုးကုတ်မူ၊ ၀ိသုဒ္ဒါရုံမူ၊ စသဖြင့်ပေါ့ ဒကာရယ် တစ်ရွာတစ်ပုဒ်ဆိုသလို အများကြီးပေါ့၊ ဒီအထဲကနေ အထင်ရှာဆုံးမူကတော့ ဒွါရဂိုဏ်းမူဆိုပါတော့´´

``သြကာသဆိုတာ မြန်မာစကားလား ပါဠိစကားပါလားအရှင်ဘုရား´´

``သြကာသဆိုတာ ပါဠိစကားပါ။ မြန်မာပြန်ရင် `ရှိခိုးခွင့်ပြုပါ´လို့ အဓိပါယ်ရပါတယ်။ `အရှင်ဘုရားကို တပည့်တော် ကန်တော့ချင်ပါတယ်ဘုရား။ တပည့်တော်ကို ရှိခိုးခွင့်ပြုတော်မူပါ´လို့ ဆိုလိုတာပေါ့။ ရိုသေမြတ်နိုး လေးစားသမှုပြုသောအားဖြင့် သြကာသ သြကာသ သြကာသဆိုပြီး သုံးကြိမ်သုံးခါ ခွင့်တောင်းတာပါ၊ တချို့အရပ်ဒေသတွေမှာတော့ သြကာသ သြကာသလို့ နှစ်ကြိမ်ပဲဆိုကြပါတယ်။ ကိုယ်နှစ်သက်သလို ဆိုပေါ့။ အပြစ်မရှိပါဘူး´´

``ကာယကံ ၀စီကံ မနောကံဆိုတာတွေက ဘာကိုဆိုတာပါလည်းဘုရား´´

``ကာယကံဆိုတာက ကာယ=ကိုယ်၊ ကံ=ပြုခြင်း၊ ကိုယ်ဖြင့်ပြုအပ်သော အမှုကို ကာယကံလို့ ခေါ်ဆိုတာပါ၊ နှုတ်ဖြင့် ပြောတာကိုတော့ ၀စီကံပေ့ါ၊ စိတ်ဖြင့် ကြံစည်လိုက်တာကိုတော့ မနောကံပေါ့။ လူတစ်ယောက်က ရဟန်းတစ်ပါးကို ရှိခိုးတော့မယ်ဆိုရင် `ငါ ဒီရဟန်းတော်ကို ကန်တော့လိုက်ဦးမယ်လို့ ဦးစွာပဌမ စိတ်နဲ့ကြံစည်လိုက်တယ်၊ ကိုယ်အမှုရာနဲ့ ရှိခိုးလိုက်တယ်။ နောက်တစ်ခါ အခမ်းအနားတွေမှာဆိုရင် ပါးစပ်နဲ့လည်း သြကာသ ဆိုပြီး ရွတ်ဆိုတယ်။ ဒါတွေဟာ ကာယကံ ၀စီကံ မနောကံတွေပေါ့´´

``ဒွါရဂိုဏ်းမှာတော့ ကာယဒွါရ ၀စီဒွါရ မနောဒွါရဆိုပြီး ကန်တော့ကြတယ်ဘုရား၊ သူတို့တွေက ဘာဖြစ်လို့ ကာယကံ ၀စီကံ မနောကံလို့ မဆိုပဲ ကာယဒွါရဆိုပြီး ရွတ်ဆိုကြာတာပါလည်းဘုရား´´

``ဒီအကြောင်းပြောရမယ်ဆိုရင် အရှည်ကြီးပဲ ပြောရမှာဒကာရဲ့။ သင်္ဂဇာဆရာတော် လယ်တီဆရာတော် မာန်လည်ဆရာတော် ၀ိသုဒ္ဒါရုံဆရာတော် စတဲ့စတဲ့ ရတနာပုံခေတ် ကိုလိုနီခေတ် လွတ်လပ်ရေးခေတ်ဆိုတဲ့ ခေတ်သုံးခေတ်က ဇာတ်ကြောင်းကို ပြန်လှန်နေဦးမယ်။ ချေးခြောက်ကို ရေနူးလည်း နံတာပဲ အဖတ်တင်ပါတယ်ဒကာရယ်။ နူးချင်မနေပါနဲ့တော့´´

``နံတာတော့ နံတာပေါ့ဘုရား၊ ဒါပေမယ့် ဓာတ်ခွဲခန်းလူတွေဟာ ချေးနံ့ကို ရွံလို့ ချေးတွေကို မစစ်ဆေးဘူးဆိုရင် ချေးထဲမှာပါတဲ့ ရောဂါပိုးတွေအကြောင်းကို ဘယ်မှာသိနိုင်ပါတော့မလဲဘုရား၊ အခုလည်း နံချင်နံပါစေဘုရား၊ ရှင်းရှင်းလင်းလင်း သိဖို့ကသာ ပဓာနပါ။ မိန့်တော်မူပါ´´

``ကဲ ဒါဆိုရင်လည်း ပြောကြတာပေါ့´´

(ဆက်လက်တင်ပြပေးပါမည်)

.................................................................................................မိုးသု(မန္တလေး)

ဆက်လက်ဖတ်ရှူရန် »

အခြေခံ ဗုဒ္ဓဘာသာပို့ ချချက် အပိုင်း(၁)

``ဦးဇင်းခေမာနန္ဒ...ဦးဇင်း´´

``ဘယ်သူလည်း ကိုရင်ဓမ္မပိယလား..တက်ခဲ့လေ´´

``မှန်ပါဘုရား..ဦးဇင်းကို ဒကာတစ်ယောက်က တွေ့ချင်တယ်ဆိုလို့ လာပို့ပေးတာပါဘုရား.. တပည့်တော်ကို ပြန်ခွင့်ပြုပါဦးဘုရား´´

``အေးအေး ကျေးဇူးပဲနော် ကိုရင်..´´

``ကဲ..ထိုင်ဒကာ၊ ဘာကိစ္စရှိလို့လည်းမသိဘူး´´

``တပည့်တော် ဘာသာရေးနဲ့ပတ်သက်တာလေးတွေ သိချင်တာတွေရှိလို့ မေးမြန်းလျှောက်ထား ခွင့်ပြုပါဘုရား´´

``မေးပါဒကာ ဖြေနိုင်တဲ့မေးခွန်းဆိုရင် ဖြေပေးပါ့မယ်၊ မဖြေနိုင်တဲ့မေးခွန်းဆိုရင်လည်း လေ့လာပြီးတော့ ဖြေပေးပါ့မယ်´´

``မှန်ပါဘုရား..၊ တပည့်တော်တို့ ဗုဒ္ဒဘာသာတွေဟာ သာရေးမှာဖြစ်ဖြစ် နာရေးမှာဖြစ်ဖြစ် သီလမဆောက်တည်ခင်မှာ သြကာသကန်တော့ချိုးနဲ့ အရင်ကန်တော့ကြပါတယ်ဘုရား၊ သြကာသကန်တော့ချိုးကို ဘယ်သူရေးခဲ့တာလဲ ဘယ်တုန်းက ရေးခဲ့တာလဲ ဘုရားဟောကော ဟုတ်ပါရဲ့လားဘုရား´´

``အင်း...မေးသင့်တဲ့မေးခွန်းပဲ၊ ဦးဇင်းတို့ ရန်ကုန်မြို့ ဗဟန်းမြို့နယ် နန္ဒ၀န်လမ်းမှာ မဟာဝိသုဒ္ဒါရုံရွှေကျင်တိုက်သစ်ဆိုတဲ့ စာသင်တိုက်တစ်တိုက်ရှိတယ်။ အဲဒီကျောင်းတိုက်ကြီးကို တည်ထောင်တော်မူတဲ့ ဆရာတော်ကြီးက အရှင်ဝါသ၀ါဘိဝံသတဲ့။ မန္တလေးမြို့ရဲ့ `ဂန္ထ၀င်´တစ်ပါးဆိုပါတော့။ သူမန္တလေးမြို့မှာ ရှိစဉ်တုန်းက စာချကောင်းလွန်းလို့ ``တောင်ပြင် နဂါး၊ အနောက်ပြင် ကျား၊ မစိုးရိမ် အာ၊ ၀ိသံ ၀ါ´´လို့ စာချိုးပြီး မန္တလေးသံဃာထုရဲ့ ချီးကျူးခြင်းကို ခံခဲ့ရတယ်။

အဲဒီအကျော်အမော် ဆရာတော်ကြီးက `သဗ်ဗမင်္ဂလာ ဓမ္မဒေသနာ´ဆိုတဲ့ ကျမ်းတစ်ကျမ်း ပြုစုတော်မူခဲ့တယ်။ အဲဒီကျမ်းရဲ့ စာမျက်နှာ(၁၀)မှာ မှတ်ချက်တစ်ခုရေးထိုးထားခဲ့တယ်။ အဲဒီမှတ်ချက်က `ယခုကန်တော့ခန်းမှာ ကျမ်းဂန်လာစကား မဟုတ်သောကြောင့် မူအမျိုးမျိုးရှိသည်ကို အပြစ်မဆိုသာ။ ဤသြကာသ ကန်တာ့ခန်းမူရင်းကို ရှင်အရဟံ အနော်ရထာမင်းအား ရေးပေးခဲ့သည်ဟု အဆိုရှိ၍ ထိုခေတ် ထိုအခါက စတင်ဖြစ်ပေါ်လာသည်ဟု ဆိုဖွယ်ရှိ၏´လို့ မှတ်ချက်ပေးခဲ့တယ်။

ဒါကြောင့်`` သြကာသကိုရေးတဲ့သူက ရှင်အရဟံ ရေးတဲ့ခေတ်က ပုဂံခေတ်လို့ မှတ်သားရပါတယ်။ အဲ..ဒီသြကာသကန်တော့ချိုးကို ဘုရားရှင်က တိုက်ရိုက်ဟောကြားခဲ့တာတော့ မဟုတ်ဘူးပေါ့လေ။ ဒါပေမဲ့ ဘုရားဟောတွေထဲက အချက်အလက်တွေကို ထုတ်နှုတ်ရေးထားတာမို့ ပညာရှိမထေရ်ကြီးတွေက အခုချိန်ထိ လက်ခံနေခဲ့တာဖြစ်တယ်။ ဘုရားရှင်တိုက်ရိုက် ဟောကြားထားခဲ့တဲ့ ဒေသနာတော်မဟုတ်သော်လည်း ဘုရားဟောတွေထဲက ထုတ်နှုတ်ရေးထားတာမို့ အသုံးပြုသော်လည်း အကျိုးမယုတ်ပါဘူးဒကာ.ကုသိုလ်ဖြစ်ပါတယ်´´

``မှန်ပါ..၀မ်းမြောက်လှပါတယ်ဘုရား..တပည့်တော် သြကာသကို နားမလည်ပါဘူးဘုရား၊ တစ်ပုဒ် လုံးကို တပည့်တော်နားလည်မဲ့ မြန်မာစကားနဲ့ ရှင်းပြပေးပါဘုရား´´

`` ဒကာ သြကာသကို အလွတ်ရတယ်မို့လား၊ ရရင် ဆိုပြပါ´´

``မှန်ပါဘုရား..

သြကာသ သြကာသ သြကာသ၊ ကာယကံ ၀စီကံ မနောကံ သဗ်ဗဒေါသ ခပ်သိမ်းသော အပြစ်တို့ကို ပျောက်ပါစေခြင်း အကျိုးငှါ ပဌမ ဒုတိယ တတိယ တစ်ကြိမ် နှစ်ကြိမ် သုံးကြိမ်မြောက်အောင် ဘုရားရတနာ တရားရတနာ သံဃာရတနာ ရတနာမြတ်သုံးပါးတို့ကို အရိုအသေ အလေးအမြတ် လက်စုံမိုး၍ ရှိခိုးပူဇော် ဖူးမြော်မာန်လျော့ ကန်တာ့ပါ၏ အရှင်ဘုရား။

ကန်တော့ရသော အကျိုးအားကြောင့် အပါယ်လေးပါး ကပ်သုံးပါး ရပ်ပြစ်ရှစ်ပါး ရန်သူမျိုးငါးပါး ၀ိပတ္တိတရားလေးပါး ဗျသနတရားငါးပါးတို့မှ အခါခပ်သိမ်း ကင်းလွတ်ငြိမ်းသည်ဖြစ်၍ မဂ်တရား ဖိုလ်တရား နိဗာန်တရားတော်မြတ်ကို ရပါလို၏ အရှင်ဘုရား..။´´

``အခုဒကာဆိုလိုက်တဲ့ သြကာသ ကန်တော့ချိုးက ရှေးအကျဆုံးသော `မူ´ဆိုပါတော့၊ ဒီမူရဲ့နောက်ပိုင်းမှာ သြကာသကန်တော့ချိုး မူတွေအများကြီး ထပ်ပြီးပေါ်ထွက်လာခဲ့တယ်၊´´

``မှန်ပါဘုရား နောက်ထွက်လာတဲ့ မူတွေကို မိန့်တော်မူပါဦးဘုရား´´

(ဆက်လက်တင်ပြပေးပါမည်)

.............................................................................................မိုးသု(မန္တလေး)

ဆက်လက်ဖတ်ရှူရန် »