လူငယ်လေးတွေ စဉ်းစားစေချင်..

အခုခေတ်လူငယ်တွေ အချစ်ဆိုတဲ့စကားကို အသားပေးလွန်း အားကြီးလာတာ တွေ့ရတယ်။ အချစ်သည်သာလျှင် အရာရာကို ဆုံးဖြတ်ရမယ်လို့လည်း ဆိုလာကြတယ်။ အဲဒီ အချစ်ဆိုတာဟာ ဘယ်လောက်ကြီးမားခိုင်ခံ့ သန့်ရှင်းလာပါသလဲလို့ စဉ်းစားရင် ကိလေသာ ပေမ တဏှာရာဂစိတ်နဲ့ အချစ်လား၊ လူနဲ့လူချင်း ထောက်ထောက်ထားထား ငဲ့ငဲ့ညှာညှာ အနစ်နာခံပြီးမှ ချစ်တတ်တဲ့ အချစ်လားဆိုတာကို မစဉ်းစားကြဘူး။

လင်နဲ့မယား မတူညီတာရှိလို့ စိတ်သဘောထားကွဲနေရင် တို့လူမျိုးက အချစ်ဆိုတာကို များပြားတဲ့ဝိသေသနဲ့ ရှေ့တန်းမတင်ပဲ လင်မယားဆိုတာ ကွဲချင်ရင်တောင်မှ တစ်ကြောင်းမထောက် တစ်ကြောင်းထောက်ရသေးတယ် စဉ်းစားနော်၊ လွယ်လွယ်နဲ့ မဆုံးဖြတ်နဲ့လို့ သတိပေး၇တယ်။

ဟဲ့ လင်မယားဆိုတာ တစ်ထုံးမကြင် တစ်ထုံကြင်ရတယ် မင်းတုိ့နှစ်ယောက် တစ်ယောက်အတွက် တစ်ယောက် အနစ်နာခံခဲ့တာတွေ မေ့မပစ်နဲ့လို့လည်း သတိပေးကြတယ်။

ကိုယ့်လင်မယားစုံဖက် မွေးထားတဲ့ သားသမီးကလေးတွေ လူ့လောကအလယ်မှာ မျက်နှာငယ်အောင် မလုပ်ရဘူးလို့လည်း တားမြစ်ရသေးတယ်။

အိမ်ထောင်ရေးကို အလေးအနက် မထားကြတဲ့ လူ့အဆောက်အအုံမှာတော့ Broken Familyဆိုတဲ့ အိမ်ထောင်ကွဲ အိမ်ထောင်ပျက်တွေက အလွန်များပြားပြီး အဖေနဲ့အတူမနေရ၊ အတူမကြီးပြင်းရ၊ ပထွေးနဲ့နေတဲ့ကလေးတွေ ဒုနဲ့ဒေးရှိကြပြီး ပထွေးက မယားပါသမီးသတ်မှု၊ သမီးက မအေသတ်မှုတို့ဆိုတဲ့ မကြားဝံ့မနာသာ ရာဇ၀တ်မှုမျိုးတွေ ကြားနေရတာလည်း ခဏခဏ ဟုတ်လား။

အမေတို့ မြန်မာစကားမှာ အိမ်ထောင်ပျက်တယ်၊ အိမ်ထောင်ကွဲတယ်ဆိုတာ ကိုယ်တည်ဆောက်ထားတဲ့ လူ့ဘောင်လောကထဲက ကိုယ့်အိမ်ထောင်တစ်ခု တကယ်ပဲ ပျက်စီးပြိုကွဲသွားရတာကို ခေါ်တာပါ။ အဲဒီအဖြစ်ဟာ လူ့အနေနဲ့ မတားဆီးနိုင်တဲ့ သေခြင်းတရားက နှိပ်စက်မှသာ မလွဲမရှောင်သာလို့ ဖြစ်ရတာမျိုးဖြစ်ပါစေ။

လူ့အနေနဲ့ ရှောင်နိုင် လွဲနိုင်တာကို ရှောင်လွဲ၇တယ်။ ကိုယ့်မှာက ကိုယ့်လင်မယားကို အမှီပြုပြီး ဖြစ်ပွားလာတဲ့ သားသမီး လူသားလေးတွေ ရှိသေးတယ် မဟုတ်လား။ မိစုံဖစုံရှိရဲ့နဲ့ စုံစုံညီညီ အတူမနေရတဲ့ သားသမီးများရဲ့ ဘ၀ကို လေးလေးနက်နက် ဘာမှ မစဉ်းစားစားပဲ လုပ်ချင်ရာ မလုပ်ရဘူး။ လူမပြောထားနှင့် ငှက်တောင်မှ ဥမကွဲသိုက်မပျက် ရှိရအောင် ကြိုစား၇တယ် မဟုတ်လား။

အခုခေတ်မှာ လူငယ်တွေ အိမ်ထောင်ရေးကို ပေါ့ပေါ့တန်တန်စဉ်းစား၊ ခေတ္တခဏပေါ်ပေါက်လာတဲ့ စိတ်အလိုကို သတိနဲ့ မထိန်းပဲ လုပ်ချင်ရာလုပ်ပြီးတော့ ကွဲကြပြဲကြ၊ နောက်အိုးနောက်အိမ် လွယ်လွယ်ပြုကြနဲ့ သူများနိုင်ငံတွေက အကျင့်ကို ဟုတ်နိုးနိုး ကောင်းနိုးနိုး လုပ်နေကြတာ အလွန်ပေါများနေပါတယ်။ တို့လူ့အဆောက်အအုံက ဒီလို မဟုတ်ပါဘူး။ သူတို့ဟာတွေကို အတုမယူရပါဘူး။

ပြီးတော့ တို့က ဗုဒ်ဓဘာသာဝင်တွေလေ။ အဲဒီတော့ သေခြင်းတရားဆိုတာကို အစဉ် ဆင်ခြင်အောက်မေ့၇တာပါ။ အသက်အရွယ်ကြီးလာရင် ကြီးတာနဲ့အမျှ အဲဒီသတိက ရှိရတယ်။ ကာမဂုဏ် အာရုံတွေလည်း အသက်ကြီးလာရင် ကြီးတာနဲ့အမျှ လျှော့၇တယ်။ အသက်ကကြီးလာပါရဲ့ အဲဒီ ကာမဂုဏ်အာရုံတွေကို မလျှော့ပေါ့ဘူးဆိုရင် အသက်ကြီးပေမယ့် ရာဂမီးကို မငြိမ်းသတ်ဘူး၊ စိတ်ကို မထိန်းနိုင်ဘဲကို လို့ အပြစ်တင်တယ်။

ကွယ်ရာမှာ ရာဂအိုးကြီး သေခါနီးပြီ ရိက္ခာယူတုန်းလို့ ကဲ့ရဲ့သဂြိုဟ် စကားအတင်းဆိုကြတယ်။ ဒါဟာ တို့လူ့အဖွဲ့အစည်းရဲ့ ပုံစံပဲ။

ပြီးတော့ အချစ်အချစ်ဆိုပြီး သူ့အိုးသူ့အိမ်မှန်းမသိ မဆင်မခြင် ငြိကြ စွန်းကြ ဖြစ်ကြ ပျက်ကြတာတွေလည်း ရှိသေးတယ်။ လူတစ်ယောက် ငါးပါးသီလလောက်မှ မမြဲဘူး၊ သူတစ်ပါးအိမ်၇ာကို ပြစ်မှားဖျက်ဆီးတယ်။ အဲဒါလူ့ကျင့်ဝတ်က သွေဖည်မှုကြီးပဲဆိုပြီး တို့လူ့ဘောင်က ခွင့်မပြုပါဘူး။

ဒီကိစ္စမှာ မိန်းကလေးကို ပိုပြီးတောင် အပြစ်ဆိုပါသေးတယ်။ သူများအိမ်ထောင်ကို ဖျက်ဆီးသူအဖြစ်နဲ့ လူ့လောကက အကြီးအကျယ် ရှုတ်ချတယ်။ ယောကျာင်္းကိုတော့ လူယုတ်မာအနေနဲ့ အဖွဲ့အစည်းအတွင်းမှာ အပေါင်းအသင်းတောင် မလုပ်လိုဘူး။ အဲဒါလောက် ပြစ်မှုကြီးပါတယ်။

လူဆိုတာ လူ့အဖွဲ့အစည်းထဲမှာ နေကြရတောလေ။ အဖွဲ့အစည်းက ခွင့်မပြုတာကို ရှောင်ရမှာပဲ။ ဒီလို လူ့အဖွဲ့အစည်းမျိုးက အိမ်ထောင်ရေး စည်းမရှိ ကမ်းမရှိ လူ့အဖွဲ့အစည်းထက် အများကြီး ယဉ်ကျေးတယ် အထက်တန်းကျပါတယ်။

အမေတို့ လူ့အဆောက်အအုံကို ဆက်လက် ထိန်းသိမ်းဖို့ ကြိုးစားကြပါ။

…………………………………………………………………………………………လူထုအဒေါ်အမာ

(ကိုယ်ပြောချင် ကိုယ်ရေးချင်နေတဲ့ အကြောင်းအရာလေးကို လူထုဒေါ်အမာရဲ့ အမေ့ရှေးစကားစာအုပ်မှာ တွေ့တာနဲ့ ကိုယ်ရေးနေရင် ဒါလောက်ကောင်းပြီး ဒါလောက်လဲ ပြည့်စုံ ဒါလောက်လဲ အဆင်ချောမှာ မဟုတ်တာနဲ့ အမေမာရေးထားတာကို တင်ပြပေးလိုက်ရခြင်းဖြစ်ပါတယ်။ မူလခေါင်းစဉ်က ထည်လဲထည်ချွတ် လုပ်လို့မရတဲ့ ကိစ္စကြီး ဖြစ်ပါတယ်။ ( မိုးသု-မန္တလေး)